UDanyeli 6:4 - iBhayibhili Elingcwele 1978

⁴ Abongameli lezikhulu basebefuna ulutho uDaniyeli abangamsola ngalo mayelana lombuso; kodwa behluleka ukuzuza ulutho abangamsola ngalo lokuzuza icala, ngoba wayethembekile engelaso isiphosiso lecala.

IBhayibhili Elingcwele LesiNdebele

⁴ Ngenxa yalokho omongameli lababusi bezigaba badinga amabhada okumangalela uDanyeli ngendlela ayeqhuba ngayo kwezombuso, kodwa behluleka. Kabafumananga kungcola kuye ngoba wayethembekile futhi engasihaga lemali njalo engayekethisi lutho.

UDanyeli 6:4 Mawu Ofanana

UGenesisi 41:38

UFaro wasesithi ezincekwini zakhe: Singamthola yini onjengaye, umuntu okukuye umoya kaNkulunkulu na?

UGenesisi 43:18

Amadoda lawo ethuka, ngoba engeniswa endlini kaJosefa; athi: Singenisiwe lapha ngenxa yemali eyabuyiselwa emasakeni ethu kuqala, ukuba asethwese icala, asisukele, asithumbe kanye lobabhemi bethu.

Izaga 29:27

Ongalunganga uyisinengiso kwabalungileyo, loqotho uyisinengiso kwababi.

UmTshumayeli 4:4

Ngasengibona ukuthi ukusebenza lakho konke ukuphumelela kuvela ekuncintanisaneni kwabantu. Lokho lakho kulize lamaya.

UJeremiya 18:18

Basebesithi: Wozani simenzele amacebo amabi uJeremiya; ngoba kuzabe kulokhu kukhona abapristi ukusifundisa, labahlakaniphileyo ukuseluleka, labaprofethi ukutshumayela ilizwi. Wozani simenzele amacebo, singananzi wonke amazwi akhe.

UJeremiya 18:23

Kanti, wena Nkosi, uyawazi amacebo abo okungibulala. Ungathetheleli ububi babo, lezono zabo ungazicimi phambi kwakho. Kodwa kabawe phambi kwakho, ubavukele wena ngesikhathi sokuthukuthela kwakho.

UJeremiya 20:10

Ngiyezwa abanengi benyeyeza besithi: Kukhona ukwesabeka inxa zonke! Bathi: Mmangalele! Asimmangaleleni! kutsho bonke abangane bami engibejwayeleyo, beqaphele ukuwa kwami. Bathi: Mhlawumbe angakhohliseka; ng’khona sizakumahlula, siphindisele kuye.

UJeremiya 29:7

Sebenzelani ukuthula komuzi lapho ngilithumbele khona, liwukhulekele eNkosini, ngoba ekuthuleni kwawo lizakuba lokuthula lani.

UDanyeli 3:8

Ngalesosikhathi kweza amaKaladiya athile, ahleba abaJuda.

UDanyeli 5:12

ngoba kwafunyaniswa kulowomuntu othiwa nguDaniyeli, inkosi eyambiza ngokuthi nguBeliteshazari, umoya omuhle, lokwazi, lokuqedisisa ukuchaza amaphupho, lokuchasisa imizekeliso, lokulungisa izindaba ezilukhuni. Ake abizwe uDaniyeli, azekutsho incazelo yalo.

UDanyeli 6:22

UNkulunkulu wami uthumile isithunywa sakhe, savala imilomo yezilwane, kazingilimazanga, ngoba ngifunyaniswe ngingelacala phambi kwakhe; laphambi kwakho, nkosi, kangonanga lutho.

UMatewu 26:4

Bacebisana ukuba bambambe uJesu ngobuqili, bambulale.

UMatewu 27:18

Ngoba wayekwazi ukuthi bamnikele uJesu ngomona.

ULukha 20:20

Basebemqaphela, bethumela inhloli ezizitshaya abantu abalungileyo ukuba bamthiye ekukhulumeni kwakhe, ukuze bamnikele emandleni ombusi.

ULukha 20:26

Bahluleka ukumbamba ngamazwi akhe phambi kwabantu, bamangaliswa yikuphendula kwakhe, bathula.

ULukha 22:2

Abapristi abakhulu lababhali bafuna ukuba bangambulala kanjani uJesu, besaba abantu.

UJohane 19:4

Wabuya waphuma uPilatu wathi kubo: Khangelani, ngiyamkhuphela kini, lazi ukuthi kangifumani cala kuye.

2 AbaseKhorinte 11:12

Engikwenzayo ngizakukwenza futhi, ukuze ngibathathele ithuba labo abafuna ithuba lokuba bafunyanwe belingana lathi kulokho abazincoma ngakho.

AbaseFiliphi 2:15

ukuze lingasoleki, libe msulwa, abantwana bakaNkulunkulu abangelasici phakathi kwesizukulwana esingaqondanga lesiphambeneyo, elikhanya phakathi kwaso njengezinkanyezi emhlabeni;

1 uTimothi 5:14

Ngakhoke ngithanda ukuba abafelwakazi abatsha bende, bazale abantwana, baphathe kuhle imizi yabo, bangasiniki isitha ithuba lokuthuka.

UThithu 2:8

ukhulume okuqondileyo okungasolekiyo, ukuze omelana lathi abe lenhloni, aswele ulutho olubi angalukhuluma ngathi.

1 UPhethro 2:12

lihambe ngokuhle phakathi kwabezizwe, ukuze kuthi lapho belihleba ngokuthi lingabenzi bokubi, bathi ngokubona izenzo zenu ezinhle badumise uNkulunkulu osukwini lokuhanjelwa.

1 UPhethro 3:16

libe lesazela esihle, ukuze kuthi lapho belihleba, labo abathuka ukuhamba kwenu kuKristu bayangeke.

Abahluleli 14:4

Uyise lonina babengazi ukuba lokho kuvela eNkosini eyayifuna ithuba lokulwa lamaFilistiya ayebabusa abakoIsrayeli ngalesosikhathi.

1 USamuyeli 12:4

Bathi kuye: Kawusikhohlisanga, kawusicindezelanga, njalo kawamukelanga lutho kithi.

1 USamuyeli 18:14

UDavida waphumelela kukho konke ayekwenza, ngoba iNkosi yayilaye.

1 USamuyeli 22:14

UAhimeleki waseyiphendula inkosi esithi: Ngubani kuzo zonke inceku zakho othembekileyo njengoDavida, ongumkhwenyana wenkosi lenduna yabalindi bakho, lohloniphekayo endlini yakho na?