UDanyeli 6:26 - iBhayibhili Elingcwele 1978

²⁶ Ngiyamisa umthetho ukuthi kuwo wonke amazwe asembusweni wami abantu kabathuthumele bamesabe uNkulunkulu kaDaniyeli. Ngoba unguNkulunkulu ophilayo, lohlala kuze kube nininini. Umbuso wakhe kawuyikuchithwa, lokubusa kwakhe kuzakuma kuze kube sekupheleni.

IBhayibhili Elingcwele LesiNdebele

²⁶ Ngimisa isimiso sokuthi kuzozonke izindawo zombuso wami, abantu kabesabe, bakhonze uNkulunkulu kaDanyeli. Ngoba unguNkulunkulu ophilayo, omiyo kuze kube phakade; umbuso wakhe kawuyikubhidlizwa, lobukhosi bakhe kabusoze buphele.

UDanyeli 6:26 Mawu Ofanana

U-Ezra 1:3

Kubo bonke abantu bayo abaphakathi kwenu ngithi uNkulunkulu kabe labo, kabahambe baye eJerusalema koJuda ukwakha indlu yeNkosi, uNkulunkulu kaIsrayeli, uNkulunkulu oseJerusalema.

U-Ezra 7:21

Mina Atakisekisi, inkosi, ngiyabamisela lumlayo bonke abaphathi bezikhwama abaselizweni elingaphetsheya komfula iYufrathi ngithi: Loba kuyini uEzra umpristi, umbhali womlayo kaNkulunkulu waphezulu, acela ukuba limnike khona, limnike konke

AmaHubo 119:120

Umzimba wami uyathuthumela ulovalo ngawe, ngiyesaba izahlulelo zakho.

AmaHubo 146:10

INkosi izakubusa kuze kube nininini, uNkulunkulu wakho, Ziyone, kuze kube sezizukulwaneni zonke. Dumisani iNkosi!

AmaHubo 2:11

Ikhonzeni iNkosi ngokwesaba, lithuthumele,

AmaHubo 29:10

INkosi iyabusa phezu kwamanzi, iNkosi iyiNkosi kuze kube nininini.

AmaHubo 42:2

Umphefumulo wami womela uNkulunkulu, uNkulunkulu ophilayo. Ngizakufika nini ngibone ubuso bukaNkulunkulu na?

U-Isaya 66:2

Zonke lezizinto zenziwe yizandla zami, ngakho zonke lezizinto ngezami, kutsho iNkosi. Kodwa umuntu engimqaphelisayo yilowo othobekileyo, olomoya odabukileyo, olesabayo ilizwi lami.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UDanyeli 3:29

Ngakhoke sengisenza isimemezelo esithi: Abantu lezizwe lezindimi ezikhuluma kubi ngoNkulunkulu kaShadraki loMeshaki loAbedinego bazaqunywaqunywa izitho, kudilizwe lemizi yabo. Ngoba kakukho omunye unkulunkulu olamandla okukhulula ngalindlela.

UDanyeli 4:3

Yeka ubukhulu bezibonakaliso zakhe, lamandla ezimangaliso zakhe! Umbuso wakhe ungumbuso ongelakuphela, lokubusa kwakhe kungokwezizukulwana zonke.

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

UDanyeli 6:20

Ekufikeni kwayo emgodini lapho wayekhona uDaniyeli, yamemeza ngelizwi elibuhlungu, yathi kuDaniyeli: We Daniyeli, nceku kaNkulunkulu ophilayo, uNkulunkulu wakho omkhonzayo njalonjalo ukusilisile yini ezilwaneni?

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UDanyeli 7:27

Amandla lobukhulu bemibuso yonke engaphansi komthunzi welanga kuzanikwa abantu abangcwele boPhezukonke. Ukubusa kwabo kakuyikuphela, layo yonke imibuso izakubakhonza ibalalele.

UHosiya 1:10

Kanti ubunengi babantu bakoIsrayeli buzakuba ngangetshebetshebe lolwandle elingeke lilinganiswe loba libalwe. Endaweni yokuba kuthiwe kibo: Kalisibo abantu bami; kuzakuthiwa kibo: Lingamadodana kaNkulunkulu ophilayo.

UMalaki 3:6

Ngoba mina Nkosi kangiphenduki; ngalokho lani madodana kaJakobe kalikaqedwa.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

ULukha 1:33

uzakubusa phezu kwendlu kaJakobe kuze kube nininini, lombuso wakhe kawuzukuba lakuphela.

ULukha 12:5

Kodwa ngizakulitshengisa elifanele ukumesaba: Mesabeni lowo othi esebulele, abe lamandla okuphosela esihogweni. Yebo, ngithi kini: Mesabeni lowo.

Imisebenzi 17:25

futhi kakhonzwa ngezandla zabantu njengokungathi uswele ulutho, ngoba yena uqobo lwakhe uyabapha bonke abantu ukusila lokuphefumula lakho konke;

AbaseRoma 9:26

Lesahlukweni lapho kwathiwa kibo: Kalisibo abantu bami; lapha bazakubizwa ngokuthi ngamadodana kaNkulunkulu ophilayo.

UDutheronomi 5:26

Ngoba ngubani ebantwini bonke owezwa ilizwi likaNkulunkulu ophilayo likhuluma livela emlilweni, njengalokhu silizwile thina, waphila na?

1 AbaseThesalonika 1:9

Ngoba bona uqobo lwabo balandisa ngathi ukuthi kwaba njani ukufika kwethu kini, lokuthi laphendukela kuNkulunkulu litshiya izithombe, ukuba likhonze uNkulunkulu ophilayo weqiniso,

AmaHebheru 12:29

ngoba uNkulunkulu wethu ungumlilo oqothulayo.

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

Isambulo 4:10

abadala abangamatshumi amabili lane baziwisela phansi phambi kwakhe ohlezi esihlalweni sobukhosi, bamkhonza yena ophilayo kuze kube nininini, baphosela imiqhele yabo phambi kwesihlalo sobukhosi, behlabela besithi:

Isambulo 5:14

Lezidalwa ezine eziphilayo zathi: Ameni. Labadala baziwisela phansi, bakhonza.

1 USamuyeli 17:26

UDavida wathi ebantwini ababemi laye: Uzakwenzelwani umuntu obulala lumFilistiya, asuse ihlazo koIsrayeli na? Ngoba ungubani lumFilistiya ongasokanga ukuba azeyise izimpi zikaNkulunkulu ophilayo na?

1 USamuyeli 17:36

Inceku yakho seyabulala izilwane lamabhere; lalumFilistiya ongasokanga ngizamenza njalo, lokhu weyisile izimpi zikaNkulunkulu ophilayo.