UDanyeli 5:5 - iBhayibhili Elingcwele 1978

⁵ Kwahle kwavela iminwe yesandla somuntu, yabhala emdulini obhadiweyo wesigodlo senkosi maqondana loluthi lwesibane; inkosi yasibona isandla sibhala.

IBhayibhili Elingcwele LesiNdebele

⁵ Masinyane nje kwavela iminwe yesandla somuntu yaloba emdulini eduzane loluthi lwesibane esigodlweni. Inkosi yasibukela isandla siloba.

UDanyeli 5:5 Mawu Ofanana

UJobe 20:5

ukuthi ukuthokoza kwababi kufitshane, lokujabuta kwabangamesabiyo uNkulunkulu kungokwesikhatshana nje?

Izaga 29:1

Umuntu okhuzwa kanengi kodwa abe lenkani, uzakufohlozwa ngomzuzu nje, angabi lakusiliswa.

UJeremiya 50:43

Inkosi yaseBabiloni yezwa umbiko ngabo, izandla zayo zaba buthakathaka; usizi lwayibamba, lobuhlungu obunjengowesifazana ohelelwayo.

UDanyeli 4:31

Kwathi inkosi ingakaqedi ukukhuluma, kwezwakala ilizwi livela ezulwini lisithi: Wena nkosi Nebukadineza, kutshiwo kuwe ukuthi: Ubukhosi bususiwe kuwe;

UDanyeli 4:33

Lahle lagcwaliseka lelolizwi kuNebukadineza. Waxotshwa ebantwini, wadla utshani njengenkomo, lomzimba wakhe wathanjiswa ngamazolo aphezulu, lezinwele zakhe zakhula zaze zalingana lensiba zelinqe, lenzipho zakhe zafanana lenzipho zenyoni.

UDanyeli 5:15

Abahlakaniphileyo lezangoma balethiwe phambi kwami ukuba bawufunde lumbhalo, bangitshele incazelo yawo. Kodwa behlulekile ukungitshela incazelo yendaba.

UDanyeli 5:4

Banatha iwayini, badumisa onkulunkulu begolide labesiliva labethusi labensimbi labesigodo labelitshe.

UDanyeli 5:6

Yasiphenduka ibala layo, lemicabango yayo yayethusa, kwaxega izitho zayo, kwatshayana amadolo ayo.

UDanyeli 5:8

Basebengena bonke abahlakaniphileyo benkosi, kodwa behluleka ukuwubala umbhalo lokutshela inkosi incazelo yawo.

AbaseKholose 2:14

uyicimile incwadi yemilandu emelana lathi ngemilayo yayo; wayisusa ngokuyibethela esiphambanweni;