UDanyeli 5:30 - iBhayibhili Elingcwele 1978

³⁰ Ngabona lobobusuku uBelishazari inkosi yamaKaladiya wabulawa.

IBhayibhili Elingcwele LesiNdebele

³⁰ Ngabona lobobusuku uBhelishazari, inkosi yamaBhabhiloni wabulawa,

UDanyeli 5:30 Mawu Ofanana

U-Isaya 47:9

Kodwa lokho kokubili kuzakukwehlela masinyane ngasuku lunye; ukufelwa ngabantwana lobufelwakazi kwehlele phezu kwakho ngokugcweleyo, phakathi kwabo ubuthakathi bakho, laphakathi kwamandla amakhulu amalumbo akho.

UJeremiya 50:24

Ngakuthiya ngomjibila, wabanjwa, wena Babiloni, ungakakwazi; wafunyaniswa, wabanjwa, ngoba walwa leNkosi.

UJeremiya 51:11

Lolani imitshoko, lithathe izihlangu. INkosi ivusile umoya wamakhosi amaMede, ngoba ilecebo lokulichitha iBabiloni, ngoba lokho kuyimpindiselo yeNkosi, impindiselo yethempeli layo.

UJeremiya 51:31

Isigijimi siyagijima sihlangane lesinye, umbiki wezindaba uhlangana lombiki wezindaba, ukutshela inkosi yaseBabiloni ukuthi umuzi wayo unqotshiwe inxa zonke,

UJeremiya 51:39

Lapho sebebukhali, ngizabenzela idili, ngibadakise baze baqaleke, balale ubuthongo obungapheliyo, bangaphindi bavuke, kutsho iNkosi.

UJeremiya 51:57

Ngizadakisa izikhulu zalo lezihlakaniphi zalo, ababusi balo, lezinduna zamabutho alo, lamaqhawe alo; bazalala ubuthongo obungapheliyo, bangavuki, kutsho iNkosi, eyiNkosi yamabandla.

uAmosi 6:7

Ngakhoke bazathunjwa kuqala, kuphele ukuxokozela kwabacambalalayo.