UDanyeli 4:27 - iBhayibhili Elingcwele 1978

²⁷ Ngakhoke, wena nkosi, akuzwe iseluleko sami; yekela izono zakho, wenze ukulunga, uyekele leziphambeko zakho ngokutshengisa isihawu kwabacindezelweyo, ukuba mhlawumbe ungahlala uchelesile okwesikhathi eside.

IBhayibhili Elingcwele LesiNdebele

²⁷ Ngakho-ke, Oh nkosi, kuhle ukuthi wamukele ukucebisa kwami: Yekela izono zakho wenze okulungileyo, lobubi bakho ube lomusa kwabancindezelweyo. Lapho-ke mhlawumbe ukuphumelela kwakho kungaqhubeka.”

UDanyeli 4:27 Mawu Ofanana

UGenesisi 11:4

Bathi: Wozani, asakheni umuzi lomphotshonga osihloko sawo sifinyelela ezulwini, sizenzele ibizo elikhulu singahlakazeki emhlabeni wonke.

1 AmaKhosi 21:29

Ubonile yini ukuthi uAhabi uzithobe njani phambi kwami na? Ngoba ezithobile phambi kwami kangiyikwehlisa lobobubi ensukwini zakhe, kodwa ensukwini zomntanakhe.

AmaHubo 119:46

Ngizakukhuluma ngemilayo yakho phambi kwamakhosi, ngingayangeki;

Izaga 11:2

Nxa kufika ukuzigqaja, kufika lokudelela; kodwa kwabathobekileyo kukhona ukuhlakanipha.

Izaga 16:6

Ngobuqotho langokuthembeka izono ziyathethelelwa, langokuyesaba iNkosi umuntu uyaxwaya okubi.

Izaga 28:13

Ofihla iziphambeko zakhe kayikuphumelela, kodwa lowo ozivumayo azitshiye, uzahawukelwa.

U-Isaya 10:13

Ngoba ithi: Ngikwenzile ngamandla ami, langokuhlakanipha kwami, ngoba ngilokuqedisisa; ngisusile imikhawulo yezizwe, ngaphanga inotho yazo; lanjengenkunzi ngawisela phansi abantu bazo.

U-Isaya 47:10

Wathembela ebubini bakho, wathi: Kakho ongibonayo. Ukuhlakanipha kwakho lolwazi lwakho kwakuduhisa, wathi enhliziyweni yakho: Yimi, kakho omunye ngaphandle kwami.

U-Isaya 47:8

Zwanake lokhu, wena othanda ukuzithokozisa, ohlala uvikelekile, othi enhliziyweni yakho: Yimi, kakho omunye ngaphandle kwami; kangiyikuba ngumfelwakazi, kangiyikufelwa langabantwana.

UJeremiya 29:7

Sebenzelani ukuthula komuzi lapho ngilithumbele khona, liwukhulekele eNkosini, ngoba ekuthuleni kwawo lizakuba lokuthula lani.

UJeremiya 38:20

UJeremiya wathi: Kawuyikunikelwa kubo; lalela ilizwi leNkosi ngalokho engikutsho kuwe, kuzakukulungela, futhi uzakusila.

UHezekhiyeli 18:7

engacindezeli muntu, ebuyisela kowebolekayo isibambiso sakhe, engaphangi muntu, enika olambileyo ukudla, enika abahambaze izigqoko,

UHezekhiyeli 29:3

ukhulume uthi: INkosi uNkulunkulu ithi: Ngimelene lawe, wena Faro nkosi yaseGibithe, wena ngwenya enkulu elele phakathi kwemifula yayo, ethi: Umfula iNile ungowami, ngawenza.

UHezekhiyeli 29:9

lelizwe laseGibithe lichitheke libe yinkangala. Ng’khona bazakwazi ukuba ngiyiNkosi. Lokhu uthe: Umfula iNile ungowami, ngiwenzile;

UJoweli 2:14

Mhlawumbe izaphenduka isihawukele, isitshiyele isibusiso, isibusiso somnikelo wempuphu lomnikelo wokunathwayo weNkosi, uNkulunkulu wenu.

uAmosi 6:13

Lina elithokoza ngeLodebari lithi: Kasizithumbelanga iKarnayimi ngamandla ethu na?

UJona 3:9

Kwazi bani ukuba uNkulunkulu angezisole, ludede ulaka lwakhe olukhulu ukuze singabhubhi.

UHabhakhukhi 1:11

Sivunguze njengomoya, sedlule, singabantu abamandla abo angunkulunkulu wabo.

UZefaniya 2:15

Yiwo lumuzi owajabula, owawulondolozekile, owawusithi: Mina ngikhona; kakho futhi omunye. Yeka ukuchitheka kwawo! Usuyindawo yokubuthanela inyamazana; bonke abadlula kiwo bayancifa, bawukhombe ngengqindi.

UMatewu 3:8

Thelani izithelo ezifanele ukuphenduka.

ULukha 11:41

Kodwa phanini kube yiziphiwo lezozinto ezingaphakathi; khangelanike, konke kuzakuhlambuluka kini.

Imisebenzi 24:25

Esakhuluma ngokulunga, langokuzibamba, langokulahlwa okuzayo, uFelike watshaywa luvalo, wathi: Ake uhambe okwakhathesi; nxa ngizuza ithuba ngizakukubiza.

Imisebenzi 26:20

kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.

Imisebenzi 8:22

Ngakhoke phenduka kulobububi bakho, ucele iNkosi ukuthi uba kungenzeka uthethelelwe iminakano yenhliziyo yakho,

2 AbaseKhorinte 5:11

Ngakhoke lokhu sikwazi ukwesaba iNkosi, siyabancenga abantu; kodwa thina sibonakalisiwe kuNkulunkulu; ngithemba ukuthi sibonakalisiwe lasenhliziyweni zenu.

AbaseGalathiya 5:13

Lina, bazalwane, labizelwa ekukhululekeni; lingenzi inkululeko yenu ibe lithuba lokukholisa umzimba kodwa ngothando sizanani omunye lomunye.

AbaseGalathiya 5:22

Kodwa izithelo zikaMoya ziluthando, lokuthokoza, lokuthula, lokubekezela, lobubele, lokulunga, lokuthembeka,

AbaseGalathiya 5:6

Ngoba kuKristu kakusizi lutho ukusoka lokungasoki, kodwa kuphela ukukholwa okusebenza ngothando.

Abase-Efesu 4:28

Olisela kangabe eseba, kodwa kakhuthale asebenze kuhle ngezandla zakhe, ukuze abe lamandla okunika labo abaswelayo.

UDutheronomi 24:13

kodwa uzasibuyisela kuye isibambiso lapho ilanga litshona, ukuba alale ngengubo yakhe, akubonge; lokho kuzakuthiwa yikulunga phambi kweNkosi uNkulunkulu wakho.

UDutheronomi 32:27

uba bengingesabi ukuzincoma kwezitha, lezitha zabo zikuhlanekele, zithi: Isandla sethu sinqobile; kakusiyo iNkosi eyenze konke lokhu.

UDutheronomi 8:17

Qaphelani, ukuba lingathi enhliziyweni yenu: Ngawami amandla langamandla esandla sami ngizizuzele limfuyo.

1 UPhethro 4:8

Kulakho konke thandanani ngokungapheliyo, lokhu uthando luyasibekela izono ezinengi.