UDanyeli 3:4 - iBhayibhili Elingcwele 1978

⁴ Ummemezeli wamemeza kakhulu wathi: Lina bantu bezizwe zonke lezindimi zonke, liyalaywa

IBhayibhili Elingcwele LesiNdebele

⁴ Umlawuli womkhosi wasememezela kakhulu wathi, “Mahlabezulu, lani zizwe zonke kanye lani bantu bezindimi zonke, nanku elilaywa ukuthi likwenze:

UDanyeli 3:4 Mawu Ofanana

U-Esta 8:9

Ngakho ngosuku lwamatshumi amabili lantathu lwenyanga yesithathu ethiwa nguSivani kwabizwa ababhali benkosi; kwalotshwa umthetho kubaJuda, njengokutsho kukaMoridekayi, lasezikhulwini lakubabusi lakuziphathamandla zamazwe kusukela eIndiya kuze kufike eEtiyopiya, amazwe alikhulu lamatshumi amabili lesikhombisa, kuwo wonke ngokugwala kwawo lakubo bonke abantu ngolimi lwabo, futhi lakubaJuda ngokugwala kwabo langolimi lwabo.

U-Isaya 40:9

Khwela entabeni ende, wena obika indaba ezijabulisayo eZiyone, uphakamise ilizwi lakho umemeze, wena obika indaba ezijabulisayo eJerusalema, uliphakamise ungesabi, utsho emizini yakoJuda uthi: Khangelani, nangu uNkulunkulu wenu.

U-Isaya 58:1

INkosi ithi: Memeza ngelizwi elikhulu, ungathuli, uphakamise ilizwi lakho njengelophondo, utshele abantu bami iziphambeko zabo, lendlu kaJakobe izono zayo.

UDanyeli 3:10

Wena nkosi, ukhuphile isimemezelo sokuthi wonke umuntu ozwayo ukukhala kophondo, lomhlanga, lomhubhe, lechachwana, lechacho, lomfece, lezinto zonke ezikhaliswayo, uzakuziwisela phansi, akhuleke esithombeni segolide;

UDanyeli 3:3

Izikhulu, lezinduna, lababusi, labeluleki, labaphathi bemali, labathonisisi, labagwebi, labo bonke abaphathi bamazwe babuthaniselwa ukumiswa kwesithombe esasimiswe yinkosi uNebukadineza; bema phambi kwesithombe.

UDanyeli 3:7

Ngakhoke kwathi lapho abantu bonke besizwa ukukhala kophondo, lomhlanga, lomhubhe, lechachwana, lechacho, lomfece, lazo zonke izinto ezikhaliswayo, bonke abantu bezizwe zonke lezindimi zonke baziwisela phansi, bakhuleka esithombeni segolide esasimiswe yinkosi uNebukadineza.

UDanyeli 4:1

Inkosi uNebukadineza wathi kubo bonke abantu lezizwe lezindimi ezisemhlabeni wonke: Ukuthula kakwande phakathi kwenu!

UDanyeli 4:14

Samemeza sathi: Sigamuleleni phansi isihlahla, liqume ingatsha zaso, lisiphundle amahlamvu, lichithachithe izithelo zaso. Izinyamazana kazibaleke ngaphansi kwaso, lenyoni engatsheni zaso.

UDanyeli 6:25

Inkosi uDariyu yasilobela bonke abantu bezizwe zonke lezindimi zonke ezihlala emhlabeni wonke, yathi: Ukuthula kakwande kini.

UHosiya 5:11

UEfrayimi ungumcindezeli onyathela okufaneleyo, ngoba ezimisele ukulandela okulize.

UMikha 6:16

Ngoba ligcinile izimiso zikaOmri, lenzile yonke imisebenzi yendlu kaAhabi, lahamba ngamacebo abo, ngakho ngizalichitha, labakhileyo benu babe yinhlekisa; lizakweyiswa ngabantu.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;