UDanyeli 3:29 - iBhayibhili Elingcwele 1978

²⁹ Ngakhoke sengisenza isimemezelo esithi: Abantu lezizwe lezindimi ezikhuluma kubi ngoNkulunkulu kaShadraki loMeshaki loAbedinego bazaqunywaqunywa izitho, kudilizwe lemizi yabo. Ngoba kakukho omunye unkulunkulu olamandla okukhulula ngalindlela.

IBhayibhili Elingcwele LesiNdebele

²⁹ Ngakho sengimisa isimemezelo ukuthi abantu loba ngabasiphi isizwe kumbe ulimi abakhuluma okubi ngoNkulunkulu kaShadreki, loMeshaki lo-Abhediniko kabaqunywaqunywe izicucu, lezindlu zabo zenziwe izinqwaba zezibi, ngoba kakho omunye uNkulunkulu ongasindisa ngale indlela.”

UDanyeli 3:29 Mawu Ofanana

2 AmaKhosi 10:27

Badiliza insika kaBali, badiliza lendlu yakhe, bayenza yaba yindlu yokuyela phandle kuze kube lamhla.

U-Ezra 6:11

Futhi ngiyamisa umthetho wokuthi lowo odiliza lesisimemezelo kakuhwatshwe uthungo endlini yakhe, lugxunyelwe ajujwe ngalo; lendlu yakhe yenziwe iquba.

AmaHubo 3:8

Ukukhulula kungokweNkosi. Isibusiso sakho kasibe phezu kwabantu bakho.

AmaHubo 76:10

Ulaka lwabantu luzakwandisa udumo lwakho; uzalugqoka.

UDanyeli 1:19

Inkosi yakhuluma labo; phakathi kwawo wonke kwakungekho owayefana loDaniyeli loHananiya loMishayeli loAzariya; basebeqalisa ukuyisebenzela inkosi.

UDanyeli 1:7

Induna yabathenwa yabatha amanye amabizo; uDaniyeli yathi nguBeliteshazari, loHananiya yathi nguShadraki, loMishayeli yathi nguMeshaki, loAzariya yathi nguAbedinego.

UDanyeli 2:17

UDaniyeli wasesiya endlini yakhe, wabatshela indaba oHananiya loMishayeli loAzariya abangane bakhe;

UDanyeli 2:47

Inkosi yathi kuDaniyeli: Isibili uNkulunkulu wakho unguNkulunkulu wabonkulunkulu, leNkosi yamakhosi, lomambuli wezimfihlakalo, ngoba uyambule limfihlakalo.

UDanyeli 2:49

UDaniyeli wasecela enkosini ukubeka oShadraki loMeshaki loAbedinego babe ngabaphathi belizwe laseBabiloni; kodwa yena uDaniyeli wahlala esigodlweni senkosi.

UDanyeli 2:5

Inkosi yathi kumaKaladiya: Engikutshoyo nanku; uba lingangitsheli iphupho lencazelo yalo, lizaqunywaqunywa iziqa, kudilizwe lemizi yenu.

UDanyeli 3:12

Kukhona abaJuda abathile owababeka ukuphatha ilizwe laseBabiloni, oShadraki loMeshaki loAbedinego. Lawomadoda, nkosi, kawakulaleli: kawakhonzi unkulunkulu wakho, kabakhuleki esithombeni segolide osimisileyo.

UDanyeli 3:15

Khangelani, uba selilungile, lapho lisizwa ukukhala kophondo, lomhlanga, lomhubhe, lechachwana, lechacho, lomfece, lezinto zonke ezikhaliswayo, liwe phansi, likhuleke esithombeni engisenzileyo, kuzabe kulungile; kodwa uba lingakhuleki, lizaphoselwa masinyane esithandweni somlilo ovuthayo. Nguwuphi unkulunkulu ozakulikhulula ezandleni zami na?

UDanyeli 3:17

Uba kunjalo, uNkulunkulu wethu esimkhonzayo ulamandla okusikhulula esithandweni somlilo ovuthayo; yena uzasikhulula esandleni sakho, wena nkosi.

UDanyeli 3:28

UNebukadineza wasesithi: Kabongwe uNkulunkulu waboShadraki loMeshaki loAbedinego othumele isithunywa sakhe ukukhulula inceku zakhe ezimthembileyo, zaze zadelela umlayo wenkosi, zanikela imizimba yazo kulokuba zikhonze omunye unkulunkulu endaweni kaNkulunkulu wazo.

UDanyeli 6:28

Ngakhoke uDaniyeli waphumelela esikhathini sonke sokubusa kukaDariyu lesokubusa kukaKurosi umPerisiya.

UDutheronomi 32:31

Ngoba idwala labo kalinjengeDwala lethu; lezitha zethu ziyazibonela lokho.