UDanyeli 3:18 - iBhayibhili Elingcwele 1978

¹⁸ Kodwa loba kungenjalo, yazi lokhu, wena nkosi, ukuthi thina kasiyikumkhonza unkulunkulu wakho, loba sikhuleke esithombeni segolide osimisileyo.

IBhayibhili Elingcwele LesiNdebele

¹⁸ Loba engasisindisi, sithanda ukuba ukwazi, wena nkosi, ukuthi sivele kasisoze sibakhonze onkulunkulu bakho kumbe sisidumise isifanekiso segolide leso osimisileyo.”

UDanyeli 3:18 Mawu Ofanana

1 AmaKhosi 19:14

Wathi: Bengikutshisekela kakhulu, wena Nkosi, uNkulunkulu wamabandla, kodwa abantu bakoIsrayeli basephule isivumelwano sakho, badiliza amaaltare akho, babulala abaprofethi bakho; sekuyimi ngedwa engiseleyo, bayangizingela, bafuna ukungibulala.

1 AmaKhosi 19:18

Kodwa ngizatshiya koIsrayeli abantu abazinkulungwane eziyisikhombisa, bonke abangazanga baguqe ngamadolo abo kuBali, lemilomo yabo engazanga imange.

UJobe 13:15

Uzangibulala; angiselalo ithemba; kanti ngizazivikela indlela zami phambi kwakhe.

Izaga 28:1

Ababi babaleka lanxa kungekho oxotshana labo, kodwa abalungileyo balesibindi njengesilwane.

UDanyeli 3:28

UNebukadineza wasesithi: Kabongwe uNkulunkulu waboShadraki loMeshaki loAbedinego othumele isithunywa sakhe ukukhulula inceku zakhe ezimthembileyo, zaze zadelela umlayo wenkosi, zanikela imizimba yazo kulokuba zikhonze omunye unkulunkulu endaweni kaNkulunkulu wazo.

ULevi 19:4

Lingaphendukeli kuzo izithombe, lingazenzeli onkulunkulu ababunjiweyo. NgiyiNkosi uNkulunkulu wenu.

UMatewu 10:28

Lingabesabi ababulala umzimba bengelamandla okubulala umphefumulo, kodwa mesabeni kakhulu olamandla okubhubhisa umphefumulo lomzimba esihogweni.

UMatewu 10:39

Ofumana ukusila kwakhe uzakulahlekelwa yikho: olahlekelwa yikusila kwakhe ngenxa yami uzakukufumana.

UMatewu 16:2

Wabaphendula wathi: Kusihlwa lithi: Lizakusa ngoba umkhathi ubomvu;

Imisebenzi 4:19

Kodwa uPetro loJohane babaphendula bathi: Yahlukanisani lina ukuba kulungile yini phambi kukaNkulunkulu ukulalela lina kulokulalela uNkulunkulu,

AmaHebheru 11:25

wakhetha ukuphathwa kubi kanye labantu bakaNkulunkulu kulokuba athokoze isikhatshana esonweni.

UJoshuwa 24:15

Uba lingafuni ukuyikhonza iNkosi, khethani lamhla lowo elizamkhonza, onkulunkulu abakhonzwa ngokhokho benu elizweni elingaphetsheya komfula iYufrathi, loba onkulunkulu bamaAmori elihlala elizweni lawo. Mina lendlu yami sizayikhonza iNkosi.

Isambulo 12:11

Bamnqobile ngegazi leWundlu langelizwi lobufakazi babo, ngoba badela ukuphila kwabo kwaze kwaba sekufeni.