UDanyeli 2:48 - iBhayibhili Elingcwele 1978

⁴⁸ Inkosi yasimnika uDaniyeli udumo olukhulu leziphiwo ezinengi ezinkulu, yambeka umbusi welizwe lonke laseBabiloni lenduna enkulu yabo bonke abahlakaniphileyo baseBabiloni.

IBhayibhili Elingcwele LesiNdebele

⁴⁸ Inkosi yasibeka uDanyeli esikhundleni esiphezulu yelekelela ngezipho ezinengi kuye. Yamenza waba ngumbusi kulolonke ilizwe laseBhabhiloni njalo waba ngumphathi wazo zonke izazi zakhona.

UDanyeli 2:48 Mawu Ofanana

2 USamuyeli 19:32

UBarizilayi wayesengumuntu omdala kakhulu, eseleminyaka engamatshumi aficaminwembili; wayipha ukudla inkosi ekuhlaleni kwayo eMahanayimi, ngoba wayenothile kakhulu.

2 AmaKhosi 5:1

UNamani induna yempi yaseSiriya wayengumuntu omkhulu enkosini yaseSiriya, elodumo, ngoba ngaye iNkosi uNkulunkulu yayinikile iSiriya ukunqoba. Kodwa wayelobulephero.

UJobe 1:3

Wayelezimvu eziyizinkulungwane eziyisikhombisa, lamakamela ayizinkulungwane ezintathu, lenkabi ezingamakhulu amahlanu, labobabhemi abangamakhulu amahlanu, lenceku ezinengi. Wayemkhulu lowomuntu ukwedlula bonke abantu basempumalanga.

UJeremiya 5:5

Sengizakuya kwabakhulu, ngikhulume labo, ngoba bona bayayazi indlela yeNkosi lomlayo kaNkulunkulu wabo. Kodwa labo babelephulile ijogwe, baqamula izibopho.

UDanyeli 2:6

Kodwa uba lingitshela iphupho lencazelo yalo, ngizalinika izipho lomvuzo lodumo olukhulu. Ngakhoke ngitshelani iphupho lencazelo yalo.

UDanyeli 3:1

Inkosi uNebukadineza yenza isithombe segolide, ubude baso babuzingalo ezingamatshumi ayisithupha, lobuqatha baso buzingalo eziyisithupha. Yasimisa egcekeni laseDura, elizweni laseBabiloni.

UDanyeli 3:12

Kukhona abaJuda abathile owababeka ukuphatha ilizwe laseBabiloni, oShadraki loMeshaki loAbedinego. Lawomadoda, nkosi, kawakulaleli: kawakhonzi unkulunkulu wakho, kabakhuleki esithombeni segolide osimisileyo.

UDanyeli 3:30

Inkosi yasibaphakamisa oShadraki loMeshaki loAbedinego elizweni laseBabiloni.

UDanyeli 4:6

Ngasengikhupha isimemezelo sokuthi bonke abahlakaniphileyo baseBabiloni balethwe phambi kwami ukuze bangitshele incazelo yephupho.

UDanyeli 4:9

Wena Beliteshazari, nduna yezanuse, ngoba ngiyazi ukuba ulomoya wabonkulunkulu abangcwele, lokuba kakulamfihlakalo ekwahlulayo, nanti iphupho engiliphuphileyo; ngitshela incazelo yalo.

UDanyeli 5:11

Kukhona embusweni wakho umuntu olomoya wabonkulunkulu abangcwele. Ensukwini zikayihlo kwafunyaniswa kuye ukukhanya lokuqedisisa lokuhlakanipha, ukuhlakanipha okufanana lokwabonkulunkulu, loyihlo inkosi uNebukadineza wambeka waba yinduna yezanuse lezangoma lamaKaladiya labafunda okutshiwo zinkanyezi,

UDanyeli 5:16

Kodwa ngizwile ukuthi wena ulamandla ukutsho izincazelo lokulungisa indaba ezilukhuni. Ngakhoke uba ungafunda lumbhalo, ungitshele incazelo yawo, uzagqokiswa okuyibubende, ugqiziswe iketane legolide entanyeni yakho, ube ngumbusi wesithathu embusweni.

UDanyeli 5:29

UBelishazari waselaya ukuba uDaniyeli agqokiswe okuyibubende, agqiziswe iketane legolide entanyeni yakhe, kwenziwa isimemezelo ngaye sokuba abe ngumbusi wesithathu embusweni.

UDanyeli 5:7

Yamemeza ukuba kulethwe izangoma lamaKaladiya labafunda okutshiwo zinkanyezi. Yathi kulababahlakaniphileyo baseBabiloni: Lowo ofunda lumbhalo, angitshele incazelo yawo, uzagqokiswa okuyibubende, agqiziswe iketane legolide entanyeni yakhe, abe ngumbusi wesithathu embusweni.

UDanyeli 8:27

Mina Daniyeli, ngasengiphela amandla, ngagula insuku ezithile; ngavuka ngenza umsebenzi wenkosi, kodwa ngamangaliswa yilowombono, kangaze ngawuqedisisa.

AmaNani 24:11

Ngakhoke hamba wena, uye endaweni yakho. Bengisithi ngizakukunika udumo, kodwa iNkosi ikwamukile udumo lwakho.

1 USamuyeli 17:25

Bathi: Limbonile lowana umuntu ophumileyo na? Impela uphumele ukweyisa uIsrayeli. Lowo ombulalayo, inkosi izamnika inotho lendodakazi yayo, lendlu kayise ibe ngekhululekileyo koIsrayeli.

1 USamuyeli 2:8

Iyamvusa umyanga othulini, imphakamisa oswelayo esilotheni, ukuba ibahlalise lezikhulu, bahlale ezihlalweni zodumo. Ngoba insika zomhlaba zingezeNkosi. ibekile ilizwe phezu kwazo.

1 USamuyeli 25:2

Kwakukhona indoda eKarmeli eliseMahoni eyayilemfuyo enengi. Yayinothile kakhulu; yayilezimvu eziyizinkulungwane ezintathu lembuzi eziyizinkulungwane. Yayigunda izimvu zayo eKarmeli.