UDanyeli 2:46 - iBhayibhili Elingcwele 1978

⁴⁶ Inkosi uNebukadineza yasisithi mbo ngobuso phansi, yakhuleka kuDaniyeli, yalaya ukuba kunikelwe kuye umnikelo lempepha.

IBhayibhili Elingcwele LesiNdebele

⁴⁶ Inkosi uNebhukhadineza wazilahla wathi mbo phambi kukaDanyeli wamkhonza wakhupha ilizwi lokuthi kenzelwe umnikelo atshiselwe impepha njalo.

UDanyeli 2:46 Mawu Ofanana

U-Ezra 6:10

ukuze banikele iminikelo ethokozisayo kuNkulunkulu ophezulu, bakhulekele inkosi lamadodana ayo.

UDanyeli 3:5

ukuba lapho lisizwa ukukhala kophondo, lomhlanga, lomhubhe, lechachwana, lechacho, lomfece, lezinto zonke ezikhaliswayo, liwe phansi, likhuleke esithombeni esimiswe yinkosi eNebukadineza.

UDanyeli 3:7

Ngakhoke kwathi lapho abantu bonke besizwa ukukhala kophondo, lomhlanga, lomhubhe, lechachwana, lechacho, lomfece, lazo zonke izinto ezikhaliswayo, bonke abantu bezizwe zonke lezindimi zonke baziwisela phansi, bakhuleka esithombeni segolide esasimiswe yinkosi uNebukadineza.

UDanyeli 8:17

UGabriyeli wasesondela lapho ngimi khona. Esefikile ngatshaywa luvalo, ngathi mbo ngobuso phansi. Kodwa yena wathi kimi: Ndoda, qedisisa ukuba umbono ungowesikhathi sokucina.

ULevi 26:31

Ngizakwenza imizi yenu ibe ngamanxiwa, ngidilize izindlu zenu ezingcwele; kangiyikwamukela iphunga elimnandi leminikelo yenu.

ULukha 17:16

wawa ngobuso ngasenyaweni zikaJesu ebonga; wayengumSamariya.

Imisebenzi 10:25

Kwathi ukuba uPetro angene, uKorneliya wamhlangabeza, wawela phansi ngasenyaweni zakhe, wamkhonza.

Imisebenzi 14:13

Umpristi kaZewusi othempeli lakhe laliphambi komuzi waletha inkabi lemigaxo ngasesangweni, wafuna ukubahlabela ekanye labantu.

Imisebenzi 28:6

Balindela ukuthi uzakuvuvuka, lokuba awele phansi afe masinyane. Kodwa sebelinde isikhathi eside, bebona ukuthi kafikelwa lutho, baphendula imicabango yabo bathi ungunkulunkulu.

Isambulo 11:16

Abadala abangamatshumi amabili lane abahlezi ezihlalweni zabo zobukhosi phambi kukaNkulunkulu bathi mbo ngobuso phansi, bakhonza uNkulunkulu,

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.

Isambulo 22:8

Mina Johane nginguye owazizwayo lowazibonayo lezizinto. Kuthe sengizizwile, ngazibona, ngaziwisela phansi ukuba ngikhuleke ngasenyaweni zesithunywa esangitshengisa zona.