UDanyeli 2:45 - iBhayibhili Elingcwele 1978

⁴⁵ njengoba wabona ilitshe liqephuka entabeni, lingaqetshulwa muntu, laphohloza insimbi lethusi lebumba lesiliva legolide. UNkulunkulu omkhulu uyazisile inkosi okuzakwenzeka emva kwalokho. Iphupho liqinisile, lencazelo yalo iliqiniso.

IBhayibhili Elingcwele LesiNdebele

⁴⁵ Le yiyo ingcazelo yombono welitshe elaqhekezwa entabeni, kungasingezandla zomuntu, ilitshe elaphahlaza insimbi, lethusi, lebumba, lesiliva kanye legolide kwaba yizicucu. “UNkulunkulu omkhulu uyitshengisile inkosi okuzakwenzeka ngesikhathi esizayo. Iphupho liliqiniso lengcazelo iqondile.”

UDanyeli 2:45 Mawu Ofanana

UGenesisi 41:26

Amankomokazi ayisikhombisa alungileyo ayiminyaka eyisikhombisa; lezikhwebu eziyisikhombisa ezilungileyo ziyiminyaka eyisikhombisa. Amaphupho ayafanana.

UGenesisi 41:28

Kuyikho lokhu engikutshiloyo kuFaro ukuthi lokho uNkulunkulu asezakukwenza, ukubonakalisile kuFaro.

UGenesisi 41:32

Ukuba iphupho liphindwe kabili kuFaro kungoba lokhu kumisiwe nguNkulunkulu, futhi uNkulunkulu uzakukwenza masinyane.

2 USamuyeli 7:22

Wena umkhulu impela, Nkosi Nkulunkulu; ngoba kakho onjengawe, kakho uNkulunkulu ngaphandle kwakho, ngakho konke esikuzwileyo ngendlebe zethu.

1 ImiLando 16:25

Ngoba yinkulu iNkosi, ifanele ukudunyiswa kakhulu, iyesabeka ukwedlula onkulunkulu bonke.

UNehemiya 4:14

Sengibonile ukuthi bayesaba, ngathi kuzo izikhulu lezinduneni lakwabanye abantu: Lingabesabi. Khumbulani iNkosi enkulu leyesabekayo, lilwele abafowenu lamadodana enu lamadodakazi enu labomkenu lemizi yenu.

UNehemiya 9:32

Ngakhoke, Nkulunkulu wethu omkhulu, wena olamandla lowesabekayo, ogcina isivumelwano lolothando olungapheliyo, ungadeleli ubunzima bonke obusehleleyo thina sonke, lamakhosi ethu lezikhulu zethu labapristi bethu labaprofethi bethu labokhokho bethu labo bonke abantu bakho, kusukela esikhathini samakhosi aseAsiriya kuze kube lamhla.

UJobe 36:26

UNkulunkulu mkhulu, kasimazi, leminyaka yakhe kayilakubalwa.

AmaHubo 135:5

Ngiyazi ukuthi iNkosi yinkulu, lokuthi iNkosi yethu iphezu kwabo bonke onkulunkulu.

AmaHubo 145:3

INkosi yinkulu, ifanele ukudunyiswa kakhulu, lobukhulu bayo bungehlolisiswe.

AmaHubo 2:9

Uzakuzaphula ngentonga yensimbi, uziphahlaze njengembiza yebumba.

AmaHubo 48:1

Yinkulu iNkosi, ifanele ukudunyiswa kakhulu emzini kaNkulunkulu wethu osentabeni yayo engcwele.

AmaHubo 96:4

Ngoba yinkulu iNkosi, ifanele ukudunyiswa kakhulu, iyesabeka ukwedlula onkulunkulu bonke.

U-Isaya 28:16

Ngakhoke iNkosi uNkulunkulu ithi: Khangelani, ngiyamisa eZiyone ilitshe lesisekelo, ilitshe elihloliweyo, ilitshe lengonsi eliligugu, lelesisekelo esiqotho. Lowo okholwayo kayikukhubeka.

UDanyeli 2:24

UDaniyeli wasesiya kuAriyoki owayemiswe yinkosi ukuba abulale abahlakaniphileyo baseBabiloni, wathi kuye: Ungababulali abahlakaniphileyo baseBabiloni; ngisa phambi kwenkosi, mina ngizayitshela inkosi incazelo.

UDanyeli 2:28

kodwa ukhona uNkulunkulu ophezulu owambula izimfihlakalo, uyitshengisile inkosi uNebukadineza okuzakwenzeka ensukwini zokucina. Iphupho lakho lemibono eyafika engqondweni yakho ulele embhedeni yile;

UDanyeli 2:29

kuwe nkosi, usalele embhedeni kwafika imicabango yalokho okuzakwenzeka emva kwalokhu, lalowo owambula izimfihlakalo ukwazisile wena lokho okuzakwenzeka.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UDanyeli 8:25

Ngobuqili bayo izakwenza inkohliso iphumelele, izikhukhumeze engqondweni yayo, ichithe abanengi ngokubajuma, ize imelane leNkosi yamakhosi, kodwa izaphohlozwa kungesikho ngezandla zomuntu.

UHagayi 2:22

ngigenqule isihlalo sobukhosi semibuso, ngichithe amandla emibuso yezizwe, ngigenqule inqola zokulwa labakhweli bazo; amabhiza labagadi bawo azakuwa, lowo lalowo awe ngomkhonto womfowabo.

UZakhariya 12:3

Ngalolosuku ngizakwenza iJerusalema libe njengelitshe elisindayo kubo bonke abantu; bonke abalithwalayo bazazilimaza kakhulu; lazo zonke izizwe zomhlaba zizalihlanganyela.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

UMatewu 21:24

UJesu wabaphendula wathi: Lami ngizakulibuza umbuzo ube munye. Uba lingitshela lokhu, lami ngizakulitshela ukuthi ngenza lezizinto ngawaphi amandla.

UMatewu 24:35

Izulu lomhlaba kuzakudlula, kodwa amazwi ami kawayikudlula.

ULukha 17:20

Kwathi ebuzwa ngabaFarisi ukuthi umbuso kaNkulunkulu uzakufika nini, wabaphendula wathi: Umbuso kaNkulunkulu kawufiki ubonwa ngamehlo.

UDutheronomi 10:17

Ngoba iNkosi uNkulunkulu wenu inguNkulunkulu wabonkulunkulu, leNkosi yamakhosi, uNkulunkulu omkhulu, olamandla, owesabekayo, ongakhethi muntu, ongamukeli umvuzo wokuthengwa.

Isambulo 1:19

Ngakhoke loba okubonayo okukhona lokuzakwenzeka emva kwalokhu.

Isambulo 19:17

Ngasengibona isithunywa simi elangeni, samemeza ngelizwi elikhulu ezinyonini zonke eziphaphayo emkhathini, sathi: Wozani, libuthane edilini elikhulu likaNkulunkulu

Isambulo 4:1

Emva kwalokhu ngakhangela, ngabona umnyango uvulekile ezulwini, lelizwi lokuqala engangilizwile likhuluma lami njengophondo, lathi: Yenyukela lapha, ngizakukutshengisa lokho okuzakwenzeka emva kwalokhu.