UDanyeli 2:30 - iBhayibhili Elingcwele 1978

³⁰ Minake, kungesikho ukuthi ngihlakaniphile ukwedlula bonke abaphilayo ngiyambulelwe limfihlakalo, kodwa ukuze incazelo itshengiswe wena nkosi, ukuba wazi imicabango yengqondo yakho.

IBhayibhili Elingcwele LesiNdebele

³⁰ Okwami yikuthi ngiyambulelwe imfihlakalo le, kungesukuthi yingoba ngilenhlakanipho eyeqa eyabanye abaphilayo, kodwa ukuze kuthi wena, Oh nkosi, uyazi ingcazelo njalo ukuze uzwisise okwakuphithikana engqondweni yakho.

UDanyeli 2:30 Mawu Ofanana

UGenesisi 41:16

UJosefa wamphendula uFaro wathi: Kakukho emandleni ami lokho. UNkulunkulu uzamphendula kuhle uFaro.

AmaHubo 139:2

Uyakwazi ukuhlala kwami lokusuka kwami; uyayazi imicabango yami ukhatshana.

U-Isaya 45:4

Ngenxa yenceku yami uJakobe, loIsrayeli okhethiweyo wami, ngikubiza ngebizo lakho, ngikunika isibongo, lanxa wena ungangazi.

UDanyeli 1:17

Lamajaha amane uNkulunkulu wawanika ukwazi lamandla okufunda izincwadi, kanye lokuhlakanipha. Njalo uDaniyeli wayelokuqedisisa ngayo yonke imibono lamaphupho.

UDanyeli 2:47

Inkosi yathi kuDaniyeli: Isibili uNkulunkulu wakho unguNkulunkulu wabonkulunkulu, leNkosi yamakhosi, lomambuli wezimfihlakalo, ngoba uyambule limfihlakalo.

UDanyeli 2:49

UDaniyeli wasecela enkosini ukubeka oShadraki loMeshaki loAbedinego babe ngabaphathi belizwe laseBabiloni; kodwa yena uDaniyeli wahlala esigodlweni senkosi.

uAmosi 4:13

Ngoba lowo owabumba izintaba, wadala umoya, lotshela umuntu ukuba imicabango yakhe iyini, owenza ukusa kube mnyama, onyathela ezindaweni eziphakemeyo zomhlaba, yiNkosi, uNkulunkulu wamabandla, ibizo lakhe.

UMatewu 24:22

Uba lezonsuku bezingafinyezwanga, bekungesiliswe muntu; kodwa lezonsuku zizakufinyezwa ngenxa yabakhethiweyo.

UMakho 13:20

Uba iNkosi ibingazifinyezanga insuku, bekungesiliswe muntu; kodwa izifinyezile ngenxa yabakhethiweyo ebakhethileyo.

Imisebenzi 3:12

Kwang’khona uPetro ebona lokho wathi ebantwini: Madoda akoIsrayeli, limangalelani ngalokhu na? Lisijolozelelani ngokungathi ngamandla ethu ingabe ngokukholwa kwethu simenze ukuba ahambe lumuntu na?

AbaseRoma 8:28

Siyazi ukuthi kukho konke usebenza okuhle lalabo abamthandayo uNkulunkulu, ababiziweyo ngokwecebo lakhe.

2 AbaseKhorinte 4:15

Konke kwenziwa ngenxa yenu, ukuthi njengoba umusa ukhula wande ebantwini, kuzakwanda ukubonga, adunyiswe uNkulunkulu.