UDanyeli 2:27 - iBhayibhili Elingcwele 1978

²⁷ UDaniyeli wayiphendula inkosi wathi: Imfihlakalo inkosi eyibuzayo, abahlakaniphileyo lezangoma lezanuse labafunda inkanyezi bangeyichasisele inkosi;

IBhayibhili Elingcwele LesiNdebele

²⁷ Waphendula uDanyeli wathi, “Kasikho isihlakaniphi, noma isangoma, noma oyenza amasalamusi, noma isanuse esingayihlahlulela inkosi imfihlakalo eyidingayo,

UDanyeli 2:27 Mawu Ofanana

UGenesisi 40:8

Zathi kuye: Siphuphile amaphupho, kakho ongawachasisa. UJosefa wathi kuzo: Ukuchasisa kakusikho okukaNkulunkulu na? Ngitshelani wona.

UGenesisi 41:8

Kwathi ekuseni umoya wakhe wakhathazeka; wabiza izangoma zonke zaseGibithe lazo zonke izazi. Wazilandisela iphupho lakhe; kodwa kwakungekho muntu owayengamchasisela lona.

U-Isaya 19:3

AbaseGibithe bazaphelelwa lithemba, ngizachitha amacebo abo; bazabuza ezithombeni, lakubathakathi, lakwabalamadlozi, lezanuseni.

U-Isaya 44:25

Nginguye ofilisa imihlolo yezangoma, athuthaze izanuse, abuyisele emuva abahlakaniphileyo, aphendule ukwazi kwabo kube yibuthutha;

UJeremiya 10:7

Ngubani ongaze wakwesaba, wena Nkosi yezizwe? ngoba ufanele ukwesatshwa. Phakathi kwabahlakaniphileyo bonke bezizwe, lakuyo yonke imibuso yabo, kakho onjengawe.

UDanyeli 1:20

Ezintweni zonke zokuhlakanipha lezokuqedisisa inkosi eyayibabuza ngazo, yabafumanisa besedlula ngokuphindwe katshumi zonke izanuse lezangoma ezazisembusweni wayo.

UDanyeli 2:2

Inkosi yasilaya ukuba kubizwe izanuse lezangoma labavumisayo lamaKaladiya ukuba bayichasisele amaphupho ayo. Bangenake, bema phambi kwayo.

UDanyeli 4:7

Zasezifika izanuse lezangoma lamaKaladiya labafunda okutshiwo zinkanyezi; ngabatshela iphupho, kodwa behluleka ukungitshela incazelo yalo.