UDanyeli 2:23 - iBhayibhili Elingcwele 1978

²³ Ngiyakubonga ngikudumise, wena Nkulunkulu wabokhokho, ngoba unginikile ukuhlakanipha lamandla, usungazisile lokho esikucelileyo kuwe, ngoba usitshengisile indaba yenkosi.

IBhayibhili Elingcwele LesiNdebele

²³ Ngiyakubonga njalo ngiyakudumisa, Oh Nkulunkulu wabokhokho bami: Ungiphile inhlakanipho lamandla, usungazisile mina lokho esikucelileyo kuwe, ususazisile thina iphupho lenkosi.”

UDanyeli 2:23 Mawu Ofanana

UGenesisi 18:17

INkosi yathi: Ngingamfihlela uAbrahama lokho engizakwenza na?

UGenesisi 31:42

Uba ebengelami uNkulunkulu kababa, uNkulunkulu kaAbrahama lowo owesatshwa nguIsaka, impela ubuzakungixotsha ngize. Kodwa uNkulunkulu ubonile inhlupheko zami lomsebenzi wezandla zami, wakusola ebusuku okudlulileyo.

1 AmaKhosi 18:36

Kwathi ngesikhathi sokunikelwa komnikelo uElija wasondela wathi: Nkosi, Nkulunkulu kaAbrahama lokaIsaka lokaIsrayeli, kakwaziwe lamhla ukuthi nguwe onguNkulunkulu koIsrayeli; lokuthi mina ngiyinceku yakho, lokuthi ngizenzile zonke lezizinto ngokutsho kwakho.

1 AmaKhosi 8:57

INkosi uNkulunkulu wethu ibe lathi njengalokhu yayilabokhokho bethu, ingasitshiyi ingasilahli,

1 ImiLando 29:10

UDavida waseyibonga iNkosi phambi kwebandla lonke, wathi: Kawudunyiswe, wena Nkosi, Nkulunkulu kaIsrayeli ukhokho, kuze kube nininini.

1 ImiLando 29:13

Siyakubonga khathesi, Nkulunkulu wethu, silidumise ibizo lakho elilodumo.

2 ImiLando 20:6

wathi: Nkosi, Nkulunkulu wabokhokho, wena kawusuye uNkulunkulu osezulwini na? Kawubusi yonke imibuso yezizwe na? Esandleni sakho kukhona amandla wonke, ukuba kungabi khona ongamelana lawe.

AmaHubo 21:2

Uyinikile isifiso senhliziyo yayo, kawalanga ukucela kwayo.

AmaHubo 21:4

Yacela ukuphila kuwe, wayinika khona, insuku ezinengi kuze kube nini lanini.

AmaHubo 25:14

Ubuhlobo beNkosi bungobalabo abayesabayo, iyabazisa isivumelwano sayo.

AmaHubo 50:14

Nikela kuNkulunkulu umnikelo wokubonga, ugcwalise izithembiso zakho koPhezukonke;

U-Eksodasi 3:15

UNkulunkulu wathi njalo kuMose: Uzakutsho kwabakoIsrayeli ukuthi: INkosi uNkulunkulu wabokhokho benu, uNkulunkulu kaAbrahama, uNkulunkulu kaIsaka, uNkulunkulu kaJakobe ungithumile kini; yilo leli ibizo lami kuze kube nininini, yiso lesi isikhumbuzo sami kuzo zonke izizukulwana.

Izaga 21:22

Ohlakaniphileyo anganqoba umuzi wamaqhawe, adilizele phansi inqaba ayithembileyo.

Izaga 24:5

Ukuhlakanipha kukhulu kulobuqhawe, lokwazi kukhulu kulamandla;

Izaga 8:14

Ngilokweluleka lokuhlakanipha okuqondileyo, ngilokuqedisisa lamandla.

UmTshumayeli 7:19

Ukuhlakanipha kuyamqinisa ohlakaniphileyo ukwedlula ababusi abalitshumi abaphakathi komuzi.

UmTshumayeli 9:16

Mina ngithi ukuhlakanipha kungcono kulamandla lanxa ukuhlakanipha komyanga kuseyiswa lamazwi akhe engalalelwa.

UmTshumayeli 9:18

Ukuhlakanipha kungcono kulezikhali zokulwa, kodwa isiphosiso esisodwa silamandla okuchitha ubuhle obunengi.

U-Isaya 12:1

Wena ngalolosuku uzakuthi: Ngizakukubonga, Nkosi, ngoba lanxa wawungithukuthelele, ukuthukuthela kwakho kwadeda, wangiduduza.

UJeremiya 33:3

Ngibiza, ngizakusabela, ngikutshele izinto ezinkulu ezifihlakeleyo ongazaziyo.

UDanyeli 1:17

Lamajaha amane uNkulunkulu wawanika ukwazi lamandla okufunda izincwadi, kanye lokuhlakanipha. Njalo uDaniyeli wayelokuqedisisa ngayo yonke imibono lamaphupho.

UDanyeli 2:18

wabatshela ukuba bacele isihawu sikaNkulunkulu ophezulu ngalimfihlakalo, ukuze uDaniyeli kanye labangane bakhe bangabhujiswa kanye labo bonke abahlakaniphileyo baseBabiloni.

uAmosi 3:7

Impela iNkosi uNkulunkulu kayenzi lutho ingazambulelanga inceku zayo abaprofethi imfihlakalo yayo.

UMatewu 11:25

Ngalesosikhathi uJesu wakhuluma wathi: Ngiyakubonga, Baba, Nkosi yezulu lomhlaba, ngoba ukufihlile lokhu kwabahlakaniphileyo labaqedisisayo, wakwambulela izingane.

ULukha 10:21

Ngalesosikhathi wathokoza ngoMoya oNgcwele, wathi: Ngiyakubonga, Baba, Nkosi yezulu lomhlaba, ngoba ukufihlile lokhu kwabahlakaniphileyo labaqedisisayo, wakwambulela izingane; yebo, Baba, ngoba kwaba kuhle kuwe ukuba kube njalo.

UJohane 11:41

Balisusake ilitshe. Khona uJesu waphakamisa amehlo akhe, wathi: Baba, ngiyakubonga ngoba ungizwile.

UJohane 15:15

Kangisalibizi ngokuthi liyizinceku, ngoba inceku kayikwazi ukuthi inkosi yayo yenzani; kodwa sengilibiza ngokuthi lingabangane, ngoba konke engikuzwileyo kuBaba ngilazise khona.

Isambulo 1:1

Lesi yisambulelo sikaJesu Kristu amnika sona uNkulunkulu, ukuba abonise inceku zakhe izinto ezimele ukwenzeka masinyane. Wathuma isithunywa sakhe ukuyibonisa inceku yakhe uJohane,

Isambulo 5:5

Omunye wabadala wasesithi kimi: Ungakhali; ngoba sinqobile iSilwane sesizwe sakoJuda, iMpande kaDavida, ukuze siyivule lincwadi, siqhaqhe lezimpawu zayo eziyisikhombisa.