UDanyeli 2:2 - iBhayibhili Elingcwele 1978

² Inkosi yasilaya ukuba kubizwe izanuse lezangoma labavumisayo lamaKaladiya ukuba bayichasisele amaphupho ayo. Bangenake, bema phambi kwayo.

IBhayibhili Elingcwele LesiNdebele

² Ngakho inkosi yasibiza omasalamusi, lezangoma, labavumisi lezingcazi zezinkanyezi ukuthi bamtshele lokho ayekuphuphile. Sebengenile bema phambi kwayo inkosi,

UDanyeli 2:2 Mawu Ofanana

UGenesisi 41:8

Kwathi ekuseni umoya wakhe wakhathazeka; wabiza izangoma zonke zaseGibithe lazo zonke izazi. Wazilandisela iphupho lakhe; kodwa kwakungekho muntu owayengamchasisela lona.

U-Esta 1:13

Inkosi yasicebisana lamadoda ahlakaniphileyo ayesazi imithetho, ngoba kwakungumkhuba wayo ukucebisana labo bonke abaziyo imithetho lokwahlulela,

U-Eksodasi 7:11

UFaro wasebiza izazi lezangoma, abalumbi baseGibithe, labo benza njalo ngamalumbo abo.

U-Isaya 19:3

AbaseGibithe bazaphelelwa lithemba, ngizachitha amacebo abo; bazabuza ezithombeni, lakubathakathi, lakwabalamadlozi, lezanuseni.

U-Isaya 8:19

Abantu bazakuthi kuwe: Buza emadlozini, lakubathakathi abatshaya imilozwi, banyenyeze; angithi abantu bangabuza kubonkulunkulu babo, babuze kwabafileyo ngabaphilayo na?

UDanyeli 1:20

Ezintweni zonke zokuhlakanipha lezokuqedisisa inkosi eyayibabuza ngazo, yabafumanisa besedlula ngokuphindwe katshumi zonke izanuse lezangoma ezazisembusweni wayo.

UDanyeli 1:4

abangamajaha angelasici, abukekayo, ahlakaniphileyo, alolwazi, akwaziyo ukufunda, lalamandla okusebenza esigodlweni senkosi, bafundiswe izincwadi lolimi lwamaKaladiya.

UDanyeli 2:10

AmaKaladiya ayiphendula inkosi athi: Kakukho muntu emhlabeni ongayitshela inkosi lokho ekufunayo; ngoba kayikho inkosi enkulu lombusi olamandla owake wabuza into enje esanuseni lesangomeni lakumaKaladiya.

UDanyeli 2:27

UDaniyeli wayiphendula inkosi wathi: Imfihlakalo inkosi eyibuzayo, abahlakaniphileyo lezangoma lezanuse labafunda inkanyezi bangeyichasisele inkosi;

UDanyeli 3:8

Ngalesosikhathi kweza amaKaladiya athile, ahleba abaJuda.

UDanyeli 4:3

Yeka ubukhulu bezibonakaliso zakhe, lamandla ezimangaliso zakhe! Umbuso wakhe ungumbuso ongelakuphela, lokubusa kwakhe kungokwezizukulwana zonke.

UDanyeli 4:6

Ngasengikhupha isimemezelo sokuthi bonke abahlakaniphileyo baseBabiloni balethwe phambi kwami ukuze bangitshele incazelo yephupho.

UDanyeli 5:7

Yamemeza ukuba kulethwe izangoma lamaKaladiya labafunda okutshiwo zinkanyezi. Yathi kulababahlakaniphileyo baseBabiloni: Lowo ofunda lumbhalo, angitshele incazelo yawo, uzagqokiswa okuyibubende, agqiziswe iketane legolide entanyeni yakhe, abe ngumbusi wesithathu embusweni.

1 USamuyeli 6:2

AmaFilistiya asebiza abapristi labavumisayo, athi: Sizakwenza njani ngomtshokotsho weNkosi na? Sitsheleni ukuba singawubuyisela njani endaweni yawo.