UDanyeli 11:40 - iBhayibhili Elingcwele 1978

⁴⁰ Ngesikhathi sokuphela inkosi yaseningizimu izakuyihlasela; kodwa inkosi yasenyakatho izayisukela njengesivunguzane ilezinqota zokulwa, labagadi bamabhiza, lemikolo eminengi, ihlasele amazwe, ikhukhule, idlule.

IBhayibhili Elingcwele LesiNdebele

⁴⁰ Ngesikhathi sokucina inkosi yaseNingizimu izadumelana layo empini, lenkosi yaseNyakatho izatheleka layo ngezinqola zempi, lebutho, lamabhiza kanye langemikhumbi eminengi. Izahlasela amazwe amanengi iwakhukhule njengozamcolo.

UDanyeli 11:40 Mawu Ofanana

U-Isaya 21:1

Leli yilizwi ngeBabiloni. Njengokudlula kwezivunguzane eNegebi, ingozi ivela enkangala, elizweni elesabekayo.

U-Isaya 5:28

imitshoko yabo ibukhali, lamadandili awo wonke agotshiwe, amangqina amabhiza abo alukhuni njengelitshe, lamavili enqola zokulwa agijima njengesivunguzane.

U-Isaya 66:15

Ngoba iNkosi izafika ngomlilo, izinqola zayo zibe njengesivunguzane, ukwehlisela intukuthelo yayo ngokufutheka, lokukhuza kwayo ngamalangabi omlilo.

UJeremiya 4:13

Khangela, umufo uyeza njengamayezi, inqola zakhe zokulwa zinjengesivunguzane, lamabhiza akhe alejubane kulokhozi. Maye babo, ngoba sichithekile!

UHezekhiyeli 38:4

Ngizakukuphendula, ngifake ingwegwe emihlathini yakho, ngikukhuphe wena lempi yakho yonke, amabhiza labagadi bamabhiza, bonke begqoke izigqoko zensimbi, bephelele, belixuku elikhulu, bonke bephethe amahawu lezihlangu, begweba ngemikhonto.

UHezekhiyeli 38:9

Uzaqhubeka, uze njengesiphepha, ube njengeyezi elisibekele umhlaba, wena lawo wonke amaxuku akho, abantu abanengi belawe.

UDanyeli 11:10

Amadodana ayo azahloma abuthe izimpi ezinkulu; enye izakhukhula yedlule, ilwe ize ifike enqabeni yayo.

UDanyeli 11:11

Inkosi yaseningizimu izakuthukuthela, iphume ukulwa lenkosi yasenyakatho, ibuthe impi enkulu, kodwa izanikelwa esandleni sesitha sayo.

UDanyeli 11:13

Inkosi yasenyakatho ibuye ibuthe futhi impi enkulu kuleyokuqala; kuthi ngemva kweminyaka ethile ifike lempi enkulu lempahla ezinengi.

UDanyeli 11:22

Izimpi uzazikhukhula phambi kwakhe, azibhubhise, kanye lesikhulu sesivumelwano.

UDanyeli 11:25

Uzasukela inkosi yaseningizimu ngamandla langesibindi elempi enkulu; inkosi yaseningizimu ilwe laye ilempi enkulu elamandla; kodwa kayiyikuma, ngoba abantu bazakuyenzela amacebo.

UDanyeli 11:35

Abanye babahlakaniphileyo bazabulawa ukuze abanye bahlolwe, bahlanjululwe, benziwe babe mhlophe, kuze kufike isikhathi sokuphela, ngoba kungokwesikhathi esimisiweyo.

UDanyeli 11:39

Izagcwalisa inqaba zayo eziqinileyo ngabantu bezizweni, abantu abakhonza unkulunkulu wezizweni; labo abayivumayo ibanike udumo, ibenze ababusi phezu kwabanengi, ibanike umvuzo wamazwe.

UDanyeli 11:7

Ngalezozikhathi kuzavela olihlumela empandeni zaleyondodakazi athathe indawo yenkosi. Uzakuyihlasela impi yenkosi yasenyakatho, angene enqabeni yayo, alwe labantu bayo, abehlule.

UDanyeli 12:4

Kodwa, wena Daniyeli, vala amazwi, unameke incwadi, kuze kube sesikhathini sokuphela. Abanengi bazazula baye le lale, lobubi buzabalokhu busanda.

UDanyeli 12:9

Wathi: Hamba kuhle, Daniyeli, ngoba amazwi avaliwe, ananyekwa kuze kube yisikhathi sokuphela.

UDanyeli 8:17

UGabriyeli wasesondela lapho ngimi khona. Esefikile ngatshaywa luvalo, ngathi mbo ngobuso phansi. Kodwa yena wathi kimi: Ndoda, qedisisa ukuba umbono ungowesikhathi sokucina.

UHabhakhukhi 3:14

Ngemitshoko yakho ucibile umkhokheli wamabutho akhe, afika njengesivunguzane ukusichitha, ethokoza kungathi azakudla abahluphekayo ekusithekeni.

UZakhariya 9:14

INkosi izabonakala ngaphezu kwabo, lomtshoko wayo uphazime njengombane; iNkosi uNkulunkulu izakhalisa uphondo, iphume ngezivunguzane zaseningizimu.

Isambulo 16:12

Isithunywa sesithupha sathululela okusemganwini waso emfuleni omkhulu iYufrathi; kwatsha amanzi awo, ukuba indlela ilungiselwe amakhosi avela ngasempumalanga.

Isambulo 9:16

Ubunengi bezimpi zabagade amabhiza babuyinkulungwane yezinkulungwane ziphindwe kamakhulu amabili; ngezwa ukubalwa kwazo.