UDanyeli 11:36 - iBhayibhili Elingcwele 1978

³⁶ Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

IBhayibhili Elingcwele LesiNdebele

³⁶ “Inkosi izakwenza njengokuthanda kwayo. Izaziphakamisa njalo izikhukhumeze ngaphezu kwabonkulunkulu bonke ikhihlize izibozi ngoNkulunkulu wabonkulunkulu. Izaphumelela kuze kugcwaliseke isikhathi sentukuthelo, ngoba lokho okumisiweyo kusamele kwenzeke.

UDanyeli 11:36 Mawu Ofanana

AmaHubo 136:2

Bongani uNkulunkulu wabonkulunkulu, ngoba uthando lwakhe olungapheliyo lumi kuze kube nininini.

AmaHubo 33:10

INkosi ichitha icebo lezizwe, iphuthisa imicabango yabantu.

Izaga 19:21

Umuntu angaba lamacebo amanengi, kodwa yintando yeNkosi ezakuma.

U-Isaya 10:23

Ngoba iNkosi uNkulunkulu wamabandla izaletha ukubhujiswa okumisiweyo phakathi kwawo wonke umhlaba.

U-Isaya 10:25

Ngoba ngesikhatshana nje ukuthukuthela kwami kuzaphela, lolaka lwami luphendulelwe ekubachitheni.

U-Isaya 10:5

Maye kulo iAsiriya, intonga yentukuthelo yami, lenduku yolaka lwami!

U-Isaya 14:13

Wena wathi enhliziyweni yakho: Ngizakwenyukela ezulwini; ngaphezu kwezinkanyezi zikaNkulunkulu ngibeke khona isihlalo sami sobukhosi; ngizahlala entabeni yomhlangano wabonkulunkulu ekucineni ngasenyakatho;

U-Isaya 14:14

ngizakwenyukela ngaphezu kwendawo eziphakemeyo emayezini, ngizenze ngibe njengoPhezukonke.

U-Isaya 26:20

Wozani bantu bami, lingene endlini zenu, livale iminyango, licatshe khona okwesikhatshana luze ludlule ulaka lukaNkulunkulu.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

U-Isaya 46:10

ngibikezela ngaphambili okuzakwenzeka, lasendulo izinto ezingakenziwa, ngisithi: Icebo lami lizakuma njalo, ngizaphelelisa konke engikufunayo;

U-Isaya 57:9

Waziqhola ngamakha, wazigcoba ngamagcobo, wayakhonza unkulunkulu uMoloki; wathumela khatshana izithunywa zakho, wazehlisela lasendaweni yabafileyo.

UHezekhiyeli 28:2

Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

UHezekhiyeli 35:13

Lakhuluma kubi ngami, landisa amazwi enu ngami, ngikuzwile.

UDanyeli 11:16

Kodwa ehlaselayo izakwenza ekuthandayo, kungabi khona loyedwa oyimelayo. Izakuma elizweni elihle, lonke libe sesandleni sayo.

UDanyeli 11:3

Besekuvela inkosi elamandla ezabusa umbuso omkhulu, yenze ekuthandayo.

UDanyeli 11:37

Kayiyikunanza onkulunkulu babokhokho bayo lonkulunkulu othandwa ngabesifazana; kayiyikunanza loyedwa unkulunkulu, ngoba izazikhulisa ibe phezu kwabo bonke.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

UDanyeli 2:47

Inkosi yathi kuDaniyeli: Isibili uNkulunkulu wakho unguNkulunkulu wabonkulunkulu, leNkosi yamakhosi, lomambuli wezimfihlakalo, ngoba uyambule limfihlakalo.

UDanyeli 4:35

bonke abakhileyo emhlabeni batshaywa ize, uyenza akuthandayo ebandleni laphezulu; kakho ongavimbela isandla sakhe, loba athi kuye: Wenzani na?

UDanyeli 5:19

Ngenxa yobukhulu amnika bona bonke abantu bezizwe lezindimi bathuthumela besaba phambi kwakhe; wambulala ayethanda ukumbulala, wamyekela ayethanda ukuba aphile, wamphakamisa ayethanda ukumphakamisa, wamehlisa ayethanda ukumehlisa.

UDanyeli 5:20

Kodwa lapho inhliziyo yakhe isizikhukhumeza, lomoya wakhe ususiba lukhuni waze wazigqaja, wakhutshwa esihlalweni sakhe sobukhosi, kwasuswa lodumo lwakhe.

UDanyeli 7:8

Ngisazikhangele impondo, kwaphuma olunye phakathi kwazo, oluncinyane; kwasekusitshunwa ezintathu ezokuqala ukulucentela indawo. Lwalulamehlo afana lawomuntu, lomlomo okhuluma amazwi okuzincoma.

UDanyeli 8:19

Wathi: Ngizakukutshela okuzakwenzakala ekupheleni kwentukuthelo, ngoba lokho kungokwesikhathi sokucina.

UDanyeli 8:4

Ngayibona inqama igqikilela ngasentshonalanga langasenyakatho langaseningizimu; kwakungelanyamazana eyayingema phambi kwayo, kwakungekho muntu ongaphephisa lutho emandleni ayo; yayizenzela santando, yazikhukhumeza.

UZakhariya 11:16

Ngoba ngizabeka elizweni umalusi ongakhathaleli izimvu ezifayo, ongazidingiyo ezilahlekileyo, longazelaphiyo ezilimeleyo, longaziboneliyo eziphilayo, kodwa adle inyama yezinonileyo, adle lamangqina azo.

UJohane 5:30

Mina ngingenze lutho ngokwami; ngithonisisa njengokuzwa kwami; ukuthonisisa kwami kulungile, ngoba kangifuni intando yami kodwa ngifuna intando yalowo ongithumileyo.

UJohane 6:38

Ngoba ngehlile ezulwini kungasukuba ngenze intando yami, kodwa ngenze intando yalowo ongithumileyo.

Imisebenzi 4:28

ukwenza lokho okwamiswa phambili yisandla sakho lecebo lakho ukuba kwenzeke.

UDutheronomi 10:17

Ngoba iNkosi uNkulunkulu wenu inguNkulunkulu wabonkulunkulu, leNkosi yamakhosi, uNkulunkulu omkhulu, olamandla, owesabekayo, ongakhethi muntu, ongamukeli umvuzo wokuthengwa.

2 AbaseThesalonika 2:3

Kakungabi khona umuntu olikhohlisayo langayiphi indlela; ngoba kaluyikufika lolosuku, kungakaveli ukuvukela uNkulunkulu kuqala, kwambulwe oMubi, indodana yokulahlwa,

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.

2 AbaseThesalonika 2:8

Kung’khonake ezakwambulwa lowo oMubi, kodwa iNkosi uJesu izakumqeda ngomoya womlomo wayo, imbhubhise ngokubonakala kwayo ekufikeni kwayo.

UJoshuwa 22:22

INkosi inguNkulunkulu wabonkulunkulu, iNkosi inguNkulunkulu wabonkulunkulu, yona iyazi, loIsrayeli kufanele akwazi. Uba bekuyikuhlamuka loba kuyikuphambuka eNkosini lingasiyekeli lamhla.

Isambulo 10:7

kodwa lapho sesifikile isikhathi sokuba isithunywa sesikhombisa sikhalise uphondo lwaso, kuzabe sekugcwalisekile imfihlakalo yecebo likaNkulunkulu ayithembisa ezincekwini zakhe abaprofethi.

Isambulo 12:14

Kodwa owesifazana wanikwa amaphiko amabili okhozi olukhulu ukuba awubalekele umgobho, aphaphele enkangala endaweni lapho abezakondliwa khona okweminyaka emithathu lenyanga eziyisithupha.

Isambulo 13:1

Ngasengibona isilo sikhuphuka olwandle, silempondo ezilitshumi lamakhanda ayisikhombisa lemiqhele elitshumi empondweni zaso, kukhona lebizo eliyinhlamba emakhanda aso.

Isambulo 17:17

Ngoba uNkulunkulu ukufakile enhliziyweni zazo ukuba zenze icebo lakhe ngokubamqondo munye, zinike umbuso wazo esilweni, kuze kugcwaliseke amazwi kaNkulunkulu.

Isambulo 17:3

Sangisa enkangala ngehlelwe nguMoya. Ngabona owesifazana egade isilo esibomvu, sigcwele amabizo enhlamba, silamakhanda ayisikhombisa lempondo ezilitshumi.