UDanyeli 11:23 - iBhayibhili Elingcwele 1978

²³ Kusukela esikhathini sokwenziwa kwesivumelwano laye uzasebenza ngobuqili, aqine abe lamandla elabantu abalutshwana.

IBhayibhili Elingcwele LesiNdebele

²³ Ngemva kokwenza isivumelwano layo uzakwenza inkohliso abesezuza ubukhosi encediswa lihlekana labantu.

UDanyeli 11:23 Mawu Ofanana

UGenesisi 34:13

Amadodana kaJakobe aphendula uShekema loHamori uyise ngobuqili, ngenxa yokuthi ubesemonile uDina udadewabo,

AmaHubo 52:2

Usuku lonke wenza amacebo okubhubhisa, ulimi lwakho lunjengensingo, wena owenza inkohliso.

Izaga 11:18

Omubi uzuza umvuzo oyinkohliso, kodwa ohlanyela ukulunga uzazuza umvuzo weqiniso.

UDanyeli 11:22

Izimpi uzazikhukhula phambi kwakhe, azibhubhise, kanye lesikhulu sesivumelwano.

UDanyeli 11:24

Uzanqoba izindawo ezinothileyo zombuso, enze okungenziwanga ngokhokho bakhe, abele abalandeli bakhe impango lokuthunjiweyo lempahla; enze amacebo okuhlasela inqaba, kodwa kube ngokwesikhatshana nje.

UDanyeli 8:24

Izakuba lamandla amakhulu, ilethe ukuchitheka okwesabekayo, iphumelele kulokho ekwenzayo, ichithe amaqhawe labantu babangcwele.

UDanyeli 8:25

Ngobuqili bayo izakwenza inkohliso iphumelele, izikhukhumeze engqondweni yayo, ichithe abanengi ngokubajuma, ize imelane leNkosi yamakhosi, kodwa izaphohlozwa kungesikho ngezandla zomuntu.

AbaseRoma 1:29

begcwele konke ukungalungi, lobubi, lomhawu, lenzondo; begcwele umona, lokubulala, lenkani, lenkohliso, lolunya; bengabahlebayo

2 AbaseKhorinte 11:3

Kodwa ngilovalo lokuthi njengalokhu inyoka yamkhohlisa uEva ngobuqili bayo, ngokunjalo imicabango yenu mhlawumbe ingaduhiswa, iyekele ukuthembeka okuqotho kuKristu.

2 AbaseThesalonika 2:9

Ukufika koMubi kungumsebenzi kaSathane; kuzakuba ngawo wonke amandla, lezibonakaliso lezimangaliso zamanga,