UDanyeli 11:16 - iBhayibhili Elingcwele 1978

¹⁶ Kodwa ehlaselayo izakwenza ekuthandayo, kungabi khona loyedwa oyimelayo. Izakuma elizweni elihle, lonke libe sesandleni sayo.

IBhayibhili Elingcwele LesiNdebele

¹⁶ Umhlaseli uzazenzela intando yakhe, kakho loyedwa ozakuba lamandla okumelana laye. Izazibeka iqine eLizweni Elihle ibe lamandla okulichithiza.

UDanyeli 11:16 Mawu Ofanana

U-Isaya 8:8

aze afohlele koJuda, akhukhule, adlule, afinyelele lasentanyeni, agcwale endaweni zonke zelizwe; ngoba uNkulunkulu ulathi, impiko zakhe zelulekele ilizwe.

UJeremiya 3:19

Mina bengisithi ngizakukubeka njani phakathi kwabantwana bami, ngikunike ilizwe elihle, ilizwe elihle kakhulu phakathi kwazo zonke izizwe. Ngathi uzakungibiza ngokuthi Baba, ungadeli ukungilandela.

UDanyeli 11:3

Besekuvela inkosi elamandla ezabusa umbuso omkhulu, yenze ekuthandayo.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

UDanyeli 11:41

Izangena elizweni elihle, ibulale amatshumi azinkulungwane; kodwa iEdoma leMowabi lengxenye enkulu yabaseAmoni bazaphunyuka esandleni sayo.

UDanyeli 11:45

Izamisa amathente ayo obukhosi phakathi kolwandle lentaba enhle engcwele. Kodwa izakufa, kungekho ongayisiza.

UDanyeli 5:19

Ngenxa yobukhulu amnika bona bonke abantu bezizwe lezindimi bathuthumela besaba phambi kwakhe; wambulala ayethanda ukumbulala, wamyekela ayethanda ukuba aphile, wamphakamisa ayethanda ukumphakamisa, wamehlisa ayethanda ukumehlisa.

UDanyeli 8:4

Ngayibona inqama igqikilela ngasentshonalanga langasenyakatho langaseningizimu; kwakungelanyamazana eyayingema phambi kwayo, kwakungekho muntu ongaphephisa lutho emandleni ayo; yayizenzela santando, yazikhukhumeza.

UDanyeli 8:7

Ngayibona isondela enqameni, yayithukuthelela kakhulu, yayidumela, yaphula impondo zayo zombili. Inqama yayingelamandla okuyimela; impongo yayiwisela phansi, yayihlifiza; kwakungekho owayengayophula inqama emandleni ayo.

UDanyeli 8:9

Kolunye lwazo kwaphuma uphondo oluncinyane, lwakhula kakhulu, lwatshengisa amandla ayo ngasenginizimu langasempumalanga langaselizweni elihle.

UJoshuwa 1:5

Kakulamuntu ozakumelana lawe zonke insuku zokuphila kwakho. Njengalokhu ngangiloMose, lawe ngizakuba lawe; kangisoze ngikulahle, kangisoze ngikutshiye.