UDanyeli 10:1 - iBhayibhili Elingcwele 1978

¹ Ngomnyaka wesithathu kaKurosi inkosi yasePerisiya ilizwi lembulelwa uDaniyeli, owayethiwa nguBeliteshazari. Lelolizwi laliqinisile, kodwa kwakulukhuni ukuliqedisisa. Waliqedisisa ngombono.

IBhayibhili Elingcwele LesiNdebele

¹ Ngomnyaka wesithathu kaKhurosi inkosi yasePhezhiya, kwafika kuDanyeli (owayebizwa ngokuthi nguBhelitheshazari) isambulelo. Umbiko waso wawuqinisile umayelana lempi enkulu. Ukuzwisiseka kombiko lowo kwamehlela ngombono.

UDanyeli 10:1 Mawu Ofanana

UGenesisi 41:32

Ukuba iphupho liphindwe kabili kuFaro kungoba lokhu kumisiwe nguNkulunkulu, futhi uNkulunkulu uzakukwenza masinyane.

2 ImiLando 36:22

Kwathi ngomnyaka wokuqala wokubusa kukaKurosi inkosi yasePerisiya, ukuba kugcwaliseke ilizwi leNkosi eyalikhuluma ngoJeremiya, iNkosi yavusa inhliziyo kaKurosi inkosi yasePeresiya ukuba amemezele embusweni wakhe wonke, alobe futhi athi:

U-Ezra 3:7

Banika ababazi bamatshe lababazi bezigodo imali, banika abaseSidoni labaseTire ukudla lokunathwayo lamafutha ukuba balande imikusu eLebanoni bayilethe olwandle eJopha, ngemvumo kaKurosi inkosi yasePerisiya.

U-Ezra 4:3

Kodwa uZerubabeli loJeshuwa lezinye inhloko zezindlu zakoIsrayeli bathi kibo: Kayisikho kwenu ukwakhela uNkulunkulu wethu indlu, kodwa yithi sodwa esifanele ukuyakhela iNkosi uNkulunkulu kaIsrayeli indlu njengokusilaya kwakhe uKurosi inkosi yasePerisiya.

U-Ezra 4:5

bayenga izikhulu ukufilisa icebo labo kuzo zonke insuku zokubusa kukaKurosi inkosi yasePerisiya, kwaze kwaba sensukwini zikaDariyu inkosi yasePerisiya.

U-Ezra 6:14

Abadala babaJuda baqhubeka lomsebenzi wokwakha bekhuthazwa yikutshumayela kukaHagayi umprofethi loZekariya indodana kaIdo. Baqeda ukwakha kwabo njengokulaywa kwabo nguNkulunkulu kaIsrayeli langomthetho kaKurosi loDariyu loAtakisekisi amakhosi asePerisiya.

U-Ezra 6:3

Ngomnyaka wokuqala wokubusa kukaKurosi wakhupha lumthetho mayelana lendlu kaNkulunkulu eseJerusalema wathi: Kakwakhiwe futhi lindlu lapho kuzanikelwa khona iminikelo, kulethwe leminikelo yokutshiswa; ukuphakama kwayo kube zingalo ezingamatshumi ayisithupha, lobubanzi bayo bube zingalo ezingamatshumi ayisithupha;

U-Isaya 44:28

lotshoyo ngoKurosi ukuthi: Yena ungumalusi wami, uzaphelelisa lonke icebo lami; ukuze lakhiwe futhi iJerusalema, kubekwe lezisekelo zethempeli.

UDanyeli 1:17

Lamajaha amane uNkulunkulu wawanika ukwazi lamandla okufunda izincwadi, kanye lokuhlakanipha. Njalo uDaniyeli wayelokuqedisisa ngayo yonke imibono lamaphupho.

UDanyeli 1:21

UDaniyeli waqhubeka kwaze kwaba ngumnyaka wokuqala wokubusa kwenkosi uKurosi.

UDanyeli 1:7

Induna yabathenwa yabatha amanye amabizo; uDaniyeli yathi nguBeliteshazari, loHananiya yathi nguShadraki, loMishayeli yathi nguMeshaki, loAzariya yathi nguAbedinego.

UDanyeli 10:14

ngizile ukuba ngikwenze uqedisise okuzakwehlela abantu bakini ensukwini zokucina. Lo ngumbono ngensuku ezizayo.

UDanyeli 11:2

Khathesi ngizakukutshela. Kusezakuvela amakhosi amathathu ePerisiya; eyesine izanotha ukwedlula wonke. Kuthi lapho isiqinile ngenxa yenotho yayo, izimisele ukulwa lombuso wamaGriki.

UDanyeli 12:4

Kodwa, wena Daniyeli, vala amazwi, unameke incwadi, kuze kube sesikhathini sokuphela. Abanengi bazazula baye le lale, lobubi buzabalokhu busanda.

UDanyeli 12:9

Wathi: Hamba kuhle, Daniyeli, ngoba amazwi avaliwe, ananyekwa kuze kube yisikhathi sokuphela.

UDanyeli 2:21

Uyaphendula izikhathi lezibanga, uyakhupha amakhosi, abeke amakhosi, anike abahlakaniphileyo ukuhlakanipha, lokwazi kulabo abalokuqedisisa.

UDanyeli 4:8

Ekucineni uDaniyeli wafika kimi, lowo owathiwa ibizo likankulunkulu wami lokuthi uBeliteshazari, yena olomoya wabonkulunkulu abangcwele; ngamtshela iphupho ngathi:

UDanyeli 5:12

ngoba kwafunyaniswa kulowomuntu othiwa nguDaniyeli, inkosi eyambiza ngokuthi nguBeliteshazari, umoya omuhle, lokwazi, lokuqedisisa ukuchaza amaphupho, lokuchasisa imizekeliso, lokulungisa izindaba ezilukhuni. Ake abizwe uDaniyeli, azekutsho incazelo yalo.

UDanyeli 5:17

UDaniyeli wasephendula phambi kwenkosi wathi: Zigcinele izipho zakho, unike omunye umvuzo wakho. Kodwa ngizayifundela inkosi umbhalo, ngiyitshele incazelo yawo.

UDanyeli 6:28

Ngakhoke uDaniyeli waphumelela esikhathini sonke sokubusa kukaDariyu lesokubusa kukaKurosi umPerisiya.

UDanyeli 8:16

Ngezwa ilizwi lomuntu phakathi komfula iUlayi, limemeza lisithi: Gabriyeli, yenza lumuntu ukuba awuqedisise umbono.

UDanyeli 8:26

Umbono wezikhathi zokuhlwa lezokusa osulandisiwe uliqiniso. Kodwa kawube yimfihlo, ngoba ungowensuku ezinengi ezizayo.

ULukha 1:20

Khangela, uzakuba yisimungulu, ungakhulumi kuze kube lusuku okuzakwenzeka ngalo lezizinto, ngoba ungakholwanga amazwi ami azagcwaliseka ngesikhathi sawo.

Isambulo 19:9

Sasesisithi isithunywa kimi: Bhala lokhu ukuthi: Babusisiwe labo abamenyelwe edilini lomthimba weWundlu. Sathi kimi: La ngamazwi aqotho kaNkulunkulu.