UDanyeli 1:9 - iBhayibhili Elingcwele 1978

⁹ UNkulunkulu wamnika uDaniyeli umusa lesihawu enduneni yabathenwa;

IBhayibhili Elingcwele LesiNdebele

⁹ UNkulunkulu wayekwenzile ukuthi Indunankulu imthande njalo imhawukele uDanyeli,

UDanyeli 1:9 Mawu Ofanana

UGenesisi 32:28

Wathi: Ibizo lakho kalisayikuthiwa nguJakobe, kodwa nguIsrayeli, ngoba ulwile loNkulunkulu labantu, wanqoba.

UGenesisi 39:21

Kodwa iNkosi yaba loJosefa, yaba lomusa kuye, yenza ukuba umlindintolongo amphathe kuhle.

1 AmaKhosi 8:50

Thethelela abantu bakho izono zabo leziphambeko zabo zonke kuwe, wenze izitha zabo ezibathumbileyo zibe lesihawu kibo,

UNehemiya 1:11

Akubeke indlebe yakho encekwini yakho, uzwe lomkhuleko wezinceku zakho ezithanda ukuhlonipha ibizo lakho, uyiphumelelise inceku yakho lamhla, uyinike isihawu phambi kwenkosi. Ngangingumphathi wezitsha zenkosi ngalesosikhathi.

UNehemiya 2:4

Inkosi yasisithi kimi: Ukhala ngani na? Ngasengikhuleka kuNkulunkulu ophezulu.

U-Esta 2:9

Intombi yamthokozisa, wayithanda; wahle wayinika amakha lesabelo sayo sokudla, lamantombazana akhethiweyo ayisikhombisa awesigodlweni senkosi, wayisa yona lamantombazana ayo endaweni enhle yendlu yabesifazana.

UJobe 5:15

Yena ukhulula abahluphekayo ebuhwabeni babo, labaswelayo esandleni sabalamandla.

UJobe 5:16

Ngakhoke abayanga sebelethemba, lobubi sebuzavala umlomo wabo.

AmaHubo 106:46

Yabenza ukuba bahawukelwe yibo bonke ababebathumbile.

AmaHubo 4:3

Kodwa yazini ukuthi iNkosi izahlukanisele olungileyo; iNkosi iyangizwa lapho ngikhala kuyo.

Izaga 16:7

Nxa iNkosi ithokoziswa zindlela zomuntu, iyenza lezitha zakhe zihlalisane kuhle laye.

UDanyeli 1:10

induna yabathenwa yathi kuDaniyeli: Ngiyesaba ukuthi inkosi yami elimisele ukudla lokunathwayo izakubona ukuba wena ucakile kulamanye amajaha ayintanga yakho; ubusungifaka engozini yokubulawa yinkosi.

Imisebenzi 7:10

wamkhulula kuzo zonke inhlupheko zakhe, wamnika umusa lokuhlakanipha phambi kukaFaro inkosi yaseGibithe; yena wamenza abe ngumbusi weGibithe lowendlu yakhe yonke.