UDanyeli 1:5 - iBhayibhili Elingcwele 1978

⁵ Inkosi yabamisela isabelo sokudla kwabo kwensuku zonke, okumnandi okudliwa yinkosi, lewayini elinathayo. Babezafundiswa iminyaka emithathu, kuthi ekupheleni kwayo balethwe enkosini ukuyisebenzela.

IBhayibhili Elingcwele LesiNdebele

⁵ Inkosi yababela ukudla okukhethiweyo okwansuku zonke kanye lewayini kuthathwa kokwakulungiselwe inkosi. Babezafundiswa okweminyaka emithathu, kuthi ngemva kwalokho baqalise ukusebenza esigodlweni.

UDanyeli 1:5 Mawu Ofanana

UGenesisi 41:46

UJosefa wayeleminyaka engamatshumi amathathu mhla esima phambi kukaFaro inkosi yaseGibithe. UJosefa waphuma kuFaro, wadabula ilizwe lonke laseGibithe.

1 AmaKhosi 10:8

Bayadela abafazi bakho. Ziyadela inceku zakho ezikusebenzelayo insuku zonke zizwe ukuhlakanipha kwakho.

2 AmaKhosi 25:30

wayelesabelo esimiyo esenzuku zonke, asinikwa yinkosi njengokuswela kwakhe insuku zonke zokuhamba kwakhe, waze wafa.

2 ImiLando 9:7

Bayadela abafazi bakho. Ziyadela inceku zakho ezikusebenzelayo insuku zonke zizwe ukuhlakanipha kwakho.

Izaga 23:3

Ungafisi izibondlo zakhe, ngoba ziyinkohliso.

UJeremiya 15:19

Ngakhoke kutsho iNkosi, uba ubuya, ngizakukwamukela ungisebenzele. Uba ukhuluma okuhle, ungakhulumi okubi, uzakuba njengomlomo wami. Bazakuza kuwe, kodwa wena kawuyikuya kubo.

UDanyeli 1:19

Inkosi yakhuluma labo; phakathi kwawo wonke kwakungekho owayefana loDaniyeli loHananiya loMishayeli loAzariya; basebeqalisa ukuyisebenzela inkosi.

UDanyeli 1:8

Kodwa uDaniyeli wazimisela ukuba angazingcolisi ngokudla kwenkosi okumnandi, langewayini eyayilinatha. Ngakhoke wasecela induna yabathenwa ukuba imvumele angazingcolisi.

UMatewu 6:11

Siphe lamhla ukudla kwethu kwensuku ngensuku.

ULukha 1:19

Isithunywa samphendula sathi: NginguGabriyeli mina, omayo phambi kukaNkulunkulu; ngithunyiwe ukukhuluma lawe lokukubikela lindaba enhle.

ULukha 11:3

Siphe ukudla kwethu insuku ngensuku.

ULukha 21:36

Ngakhoke lindani ngezikhathi zonke, likhulekele ukuba libe lamandla okuphepha zonke lezizinto ezizakwenzeka lawokuma phambi kweNdodana yomuntu.

1 USamuyeli 16:22

USawuli wasethumela ilizwi kuJese wathi: UDavida uzahlala emsebenzini wami, ngoba uyangithokozisa.