UDanyeli 1:2 - iBhayibhili Elingcwele 1978

² INkosi uNkulunkulu yanikela uJehoyakimi inkosi yakoJuda esandleni sakhe, lengxenye yezitsha zendlu kaNkulunkulu. UNebukadineza wazisa elizweni laseShinari, endlini kankulunkulu wakhe, wazibeka endlini yenotho.

IBhayibhili Elingcwele LesiNdebele

² UThixo wanikela uJehoyakhimi inkosi yakwaJuda ezandleni zakhe, kanye lezinye impahla zethempeli likaNkulunkulu. Konke wakuthwala wakusa ethempelini likankulunkulu wakhe eBhabhiloniya wakufaka endlini yenotho kankulunkulu wakhe.

UDanyeli 1:2 Mawu Ofanana

UGenesisi 10:10

Umbuso wakhe waqala eBabeli laseEreki laseAkadi laseKaline elizweni laseShinari.

UGenesisi 11:2

Kwathi ekusukeni kwabo empumalanga abantu bafumana igceke elizweni laseShinari, bahlala khona.

2 AmaKhosi 24:1

Ngensuku zokubusa kukaJehoyakimi uNebukadineza inkosi yaseBabiloni wahlasela, uJehoyakimi wathela kuye; kodwa ngemva kweminyaka emithathu wamvukela.

2 ImiLando 36:5

UJehoyakimi wayeleminyaka engamatshumi amabili lanhlanu lapho eqalisa ukubusa; wabusa iminyaka elitshumi lanye eJerusalema. Wenza okubi phambi kweNkosi uNkulunkulu wakhe.

2 ImiLando 36:7

UNebukadineza wathatha ingxenye yezitsha zethempeli, wazisa eBabiloni, wazifaka esigodlweni sakhe.

U-Ezra 1:7

UKurosi inkosi yasePerisiya laye wakhupha izitsha zethempeli, uNebukadineza ayezithethe eJerusalema wazifaka endlini kankulunkulu wakhe.

U-Isaya 11:11

Kuzakuthi ngalolosuku iNkosi yelule isandla sayo ngokwesibili ukubutha abaseleyo ebantwini bayo, ibabuthe eAsiriya laseGibithe lasePatrosi laseEtiyopiya laseElamu, laseShinari laseHamathi, lasemazweni angasolwandle.

U-Isaya 42:24

Ngubani owanikela uJakobe kumphangi na? loIsrayeli kwabaphangayo na? Kwakungesiyo iNkosi esone kuyo yini, esingavumanga ukuhamba endleleni zayo, lesingalalelanga umlayo wayo na?

UJeremiya 25:1

Ilizwi leNkosi elafika kuJeremiya ngabantu bonke bakoJuda, emnyakeni wesine kaJehoyakimi indodana kaJosiya, inkosi yakoJuda — ngomnyaka wokuqala kaNebukadineza, inkosi yaseBabiloni —

UJeremiya 27:16

Ngasengikhuluma kubapristi lakubo bonke abantu ngisithi: INkosi ithi: Lingawalaleli amazwi abaprofethi benu abalitshumayeza besithi: Izitsha zethempeli zizabuyiswa masinyane zivela eBabiloni; ngoba lokhu kungamanga abalitshumayezayo.

UJeremiya 28:3

Ingakapheli iminyaka emibili ngizabuyisela kulindawo izitsha zonke zethempeli, ezathathwa nguNebukadineza inkosi yaseBabiloni kulindawo, wazisa eBabiloni.

UJeremiya 35:11

Kodwa kwathi lapho uNebukadineza inkosi yaseBabiloni ifika ukuhlasela ilizwe, sathi: Asihambeni siye eJerusalema, sibalekele impi yamaKaladiya lempi yamaSiriya. Sezakhe eJerusalema.

UJeremiya 50:2

Memezani phakathi kwezizwe, litshumayele; misani uphawu, litshumayele, lingakufihli, lithi: IBabiloni linqotshiwe, uBali uyangekile, loMerodaki uchithiwe. Izithombe zalo ziyangisiwe, lemifanekiso yalo emibi ichithekile.

UJeremiya 51:44

Ngizamtshaya unkulunkulu uBeli eBabiloni, ngikhuphe emlonyeni wakhe lokho akuginyileyo. Izizwe kazisayikubekelela ziye kuye. Umduli waseBabiloni uwile.

UDanyeli 5:13

UDaniyeli waselethwa phambi kwenkosi; inkosi yathi kuDaniyeli: O nguwe Daniyeli, omunye wabathunjwayo koJuda, inkosi ubaba eyamthatha koJuda.

UDanyeli 5:18

Nkosi, uNkulunkulu oPhezukonke, wanika uNebukadineza uyihlo ubukhosi lobukhulu lodumo lombuso.

UHabhakhukhi 1:16

Ngakhoke siyalihlabela imbule laso, sitshisele imbule laso elihudulwayo impepha; ngoba lisizuzela ukudla okunengi lokumnandi.

UZakhariya 5:11

Sona sathi: Bayisa elizweni laseShinari ukuyakhela indlu khona; lapho isiyakhiwe, bazayibeka phezu kwesisekelo sayo.

UDutheronomi 32:30

Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?

Abahluleli 2:14

Ngakho ulaka lweNkosi lwavutha kuIsrayeli, yabanikela kubaphangi ababaphangayo; yabanikela emandleni ezitha zabo ezazibahanqa, behluleka ukumelana lazo.

Abahluleli 3:8

Ngakho ulaka lweNkosi lwavutha kuIsrayeli, yabanikela esandleni sikaKushani‐Rishathayimi inkosi yaseAramu eliphakathi kwemifula emibili; abakoIsrayeli bayisebenzela inkosi uKushani‐Rishathayimi iminyaka eficaminwembili.

Abahluleli 4:2

INkosi yabanikela esandleni sikaJabini inkosi yaseKanani owayebusa eHazori. Induna yempi yakhe yayinguSisera, owayehlala eHaroshethi elabezizwe.

1 USamuyeli 5:2

AmaFilistiya awuthatha umtshokotsho kaNkulunkulu, awungenisa endlini kaDagoni, awubeka phansi kwakhe uDagoni.