Izililo 5:16 - iBhayibhili Elingcwele 1978

¹⁶ Umqhele uwile emakhanda ethu. Maye thina, ngoba sonile!

IBhayibhili Elingcwele LesiNdebele

¹⁶ Umqhele usuwile ekhanda lethu. Maye thina, ngoba sonile!

Izililo 5:16 Mawu Ofanana

UJobe 19:9

Ungamukile udumo lwami, wasusa umqhele ekhanda lami.

AmaHubo 89:39

Usiphikile isivumelwano sakho lenceku yakho; wawudumaza umqhele wakhe, wawuphosela phansi.

Izaga 14:34

Ukulunga kuphakamisa isizwe, kodwa ukona kulihlazo ebantwini.

Izaga 27:24

ngoba imfuyo kayiyikuhlala kokuphela, lenotho kayihlali kuzo zonke izizukulwana.

U-Isaya 3:8

IJerusalema ikhubekile, loJuda uwile, lokhu ukukhuluma kwabo lokwenza kwabo kuphambene leNkosi, ukudelela ubukhosi bayo.

UJeremiya 13:18

Tshono enkosini lakunina wenkosi uthi: Hlalani phansi ngokuzithoba, ngoba umqhele wenu omuhle uwele phansi.

UJeremiya 2:17

Wena Israyeli, kawuzehliseli lokhu ngokuhlamuka iNkosi uNkulunkulu wakho lapho ikukhokhela endleleni na?

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 4:18

Ukuhamba kwakho lezenzo zakho kukulethele lokho. Lokhu kuyikuphela kwakho, kubuhlungu, sekufinyelele enhliziyweni yakho uqobo.

Izililo 1:1

Yeka ukuhlala kwawo wodwa umuzi owawugcwele abantu! Usunjengomfelwakazi wona owawumkhulu phakathi kwezizwe. Wona owawuyinkosikazi phakathi komuzi usungobuswayo.

Izililo 1:18

INkosi ilungile, ngoba ngilihlamukile ilizwi layo. Kodwa ake lizwe, bantu lonke, libone ukuhlupheka kwami. Intombi zami lensizwa zami zithunjiwe.

Izililo 1:20

Ake ukhangele, Nkosi, ngoba sengihluphekile, imibilini yami idungekile, inhliziyo yami ikhathazekile phakathi kwami, ngoba ngihlamukile kakhulu. Phandle ngumkhonto obulalayo, endlini yikufa.

Izililo 1:8

IJerusalema lonile kakhulu, ngakho seliyisinengiso. Bonke ababelihlonipha sebelidelela, ngoba sebebonile ubuze balo. Yebo, selibubula, likhangele eceleni.

Izililo 2:1

Yeka umnyama iNkosi ekuthukutheleni kwayo ewehlisele phezu kweZiyone. Iphosele ubuhle bukaIsrayeli emhlabeni busuka ezulwini; kayikhumbulanga ithempeli layo ngosuku lokuthukuthela kwayo.

Izililo 4:13

Kwakungenxa yezono zabaprofethi balo lobubi babapristi balo, ababechitha igazi labalungileyo phakathi kwalo.

UHezekhiyeli 21:26

iNkosi uNkulunkulu ithi: Susa iqhiye lakho, wethule umqhele; izinto kaziyikuhlala zinjalo. Phakamisa labo abehliselwe phansi, wehlisele phansi abaphakanyisiweyo.

UMikha 6:13

Ngakhoke sengizakulitshaya, ngilichithe ngenxa yezono zenu.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

Isambulo 3:11

Ngiyeza masinyane; bambisisa lokho olakho, ukuze ungawamukwa muntu umqhele wakho.

1 USamuyeli 7:6

Babuthana eMizipa, bakha amanzi, bawathela phambi kweNkosi, bazila ukudla mhlalokho, bathi: Sonile eNkosini. KuseMizipa lapho uSamuweli wayesahlulela uIsrayeli khona.