Izililo 4:4 - iBhayibhili Elingcwele 1978

⁴ Ulimi lomunyayo lunamathela olwangeni lwakhe ngenxa yokoma, abantwana bacela isinkwa kodwa kakho obaphayo.

IBhayibhili Elingcwele LesiNdebele

⁴ Ngenxa yokoma, ulimi losane lunamathele elwangeni lomlomo; abantwana bancenga becela isinkwa kodwa kakho obaphayo.

Izililo 4:4 Mawu Ofanana

2 AmaKhosi 18:27

Inceku enkulu yabaphendula yathi: Inkosi yami ingithumile ukukhuluma lamazwi enkosini yenu lakini kuphela, kodwa ukuba ingawakhulumi ebantwini abahlezi phezu komduli abazakudla ubulongwe babo, banathe umchamo wabo kanye lani na?

2 AmaKhosi 25:3

Ngosuku lwesificamunwemunye lwenyanga yesine indlala yaba nkulu phakathi komuzi, kwakungaselakudla kwabantu elizweni.

AmaHubo 137:6

lolimi lwami lunamathele olwangeni lwami, uba ngingakukhumbuli, uba ngingabeki iJerusalema phambi kwentokozo yami enkulu.

AmaHubo 22:15

Umlomo wami womile njengodengezi, lolimi lwami lunamathele emihlathini yami; ungitshiya othulini lokufa.

U-Isaya 5:13

Ngakhoke abantu bami bazathunjwa bengananzelele, labadumileyo babo besifa indlala, labantu bonke besifa yikoma.

UJeremiya 14:3

Izikhulu zakhe zithuma inceku zazo ukuba ziyekukha amanzi, zifika emithonjeni, kodwa kazifumani manzi, zibuyele inkonxa zazo zingelalutho, zilenhloni, zidanile, zimbomboza amakhanda.

Izililo 1:11

Bonke abantu balo bayabubula bedinga ukudla; banike okuligugu kwalo ngokudla ukuba baqinise amandla abo. Nkosi, ake ukhangele ngoba mina Jerusalema ngiyadelelwa.

ULukha 10:11

Lothuli lomuzi wenu olunamathele enyaweni zethu siyaluthintithela kini; kodwake yazini lokhu ukuthi umbuso kaNkulunkulu ususondele.

UDutheronomi 28:48

lizakukhonza izitha zenu iNkosi ezakuzithuma kini ukulihlasela, lilambe, lome, lihambeze, liswele zonke izinto. Izakubophela entanyeni yenu ijogwe lensimbi, ize ilibhubhise.

UDutheronomi 32:24

Bazakuqedwa yindlala, baqedwe yikutshisa lesifo esibuhlungu; ngizathuma kubo amazinyo ezilo, lobuhlungu bokuhuquzelayo othulini.