Izililo 4:11 - iBhayibhili Elingcwele 1978

¹¹ INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

IBhayibhili Elingcwele LesiNdebele

¹¹ UThixo ubhodlisile intukuthelo yakhe; uluthulule ulaka lwakhe olwesabekayo. Uwulumathisile umlilo eZiyoni, watshisa izisekelo zayo.

Izililo 4:11 Mawu Ofanana

U-Isaya 51:20

Amadodana akho aphelelwe ngamandla, alele ezindleleni zonke njengenyamazana ebanjwe ngumjibila; agcwele ulaka lweNkosi lokukhuza kukaNkulunkulu wakho.

UJeremiya 13:14

Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

UJeremiya 17:27

Kodwa uba lingangilaleli, lingenzi iSabatha libe ngcwele, lingena ngamasango eJerusalema ngosuku lweSabatha, lithwele imithwalo, ngizaphemba umlilo emasangweni alo, ozakutshisa uqothule izindlu zamakhosi zaseJerusalema, ungacimeki.

UJeremiya 21:14

Ngizalitshaya ngokufanele izenzo zenu, kutsho iNkosi; ngizaphemba umlilo ehlathini ozatshisa konke okuseduze lalo.

UJeremiya 36:7

Mhlawumbe ukukhuleka kwabo kungezwakala eNkosini, baphenduke bonke endleleni yabo embi, ngoba ulaka lweNkosi lukhulu kanye lokuthukuthela kwayo ngalababantu.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

Izililo 2:1

Yeka umnyama iNkosi ekuthukutheleni kwayo ewehlisele phezu kweZiyone. Iphosele ubuhle bukaIsrayeli emhlabeni busuka ezulwini; kayikhumbulanga ithempeli layo ngosuku lokuthukuthela kwayo.

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

Izililo 2:3

Yaqeda ngokuvutha kolaka lwayo wonke amandla akoIsrayeli. Yasusa isandla sayo sokusiza phambi kwezitha. Yatshisa kuJakobe njengomlilo welangabi oqothula konke.

Izililo 2:4

Isinemba ngemitshoko yayo njengesitha, yathiya isandla sayo esilamandla; njengesitha ibulele bonke abathandeka emehlweni ethu; lasethenteni laseZiyone yehlisela ulaka lwayo njengomlilo.

Izililo 2:8

INkosi ikhethile ukudiliza umduli weZiyone, iwulinganisile ngentambo yokulinganisa, kayiyekelanga ukudiliza; yenza ukuba kukhale umthangala lomduli, iphele amandla kanyekanye.

Izililo 4:22

Ukutshaywa ngenxa yobubi bakho sekuphelele, wena Ziyone. Kayisayikuliyekele ekuthunjweni. Kodwa, wena Edoma, uzatshaywa ngenxa yobubi bakho, izakwambula izono zakho.

UHezekhiyeli 22:31

Ngalokho ngehlisele ukuthukuthela kwami phezu kwabo, ngabaqeda ngomlilo wolaka lwami, ngaphindisela indlela yabo kibo, kutsho iNkosi uNkulunkulu.

UHezekhiyeli 36:18

Ngakho ngasengehlisela phezu kwabo ulaka lwami ngenxa yegazi abalichitha elizweni, langenxa yezithombe abalingcolisa ngazo.

UHezekhiyeli 6:12

Okhatshana uzabulawa yisifo, oseduze abulawe yimpi, loseleyo abulawe yindlala. Kuzaphela ngokunjalo ukufutheka kwami phezu kwabo.

UDanyeli 9:12

Ugcwalisile amazwi akho owawakhuluma ngathi langababusi bethu abasibusayo ngokusehlisela umonakalo omkhulu; ngoba emhlabeni wonke kakuzanga kwenziwe okunjengalokho okwenziwe eJerusalema.

ULevi 26:28

lami ngizakuhamba ngokuphambene lani ngilolaka, ngilitshaye kasikhombisa ngenxa yezono zenu.

UZefaniya 2:2

ungakadudulwa njengamakhoba aphephukayo, ungakehlelwa yintukuthelo eyesabekayo yeNkosi, ungakafikelwa lusuku lolaka lweNkosi.

UZakhariya 1:6

Kodwa amazwi ami lezimiso zami, engalaya ngakho inceku zami abaprofethi, kakubaficanga okhokho benu na? Ngakho baphenduka bathi: Njengalokhu iNkosi yamabandla yazimisela ukusiphatha ngokufanele indlela zethu lezenzo zethu, yenze njalo.

ULukha 21:22

ngoba lezi zinsuku zempindiselo ukuze kugcwaliseke imibhalo.