Izililo 3:26 - iBhayibhili Elingcwele 1978

²⁶ Kuhle ukuyithemba, lokulindela ngokuthula ukukhulula kwayo.

IBhayibhili Elingcwele LesiNdebele

²⁶ kuhle ukulinda ngokuthula, ukulindela insindiso kaThixo.

Izililo 3:26 Mawu Ofanana

UGenesisi 49:18

Nkosi, ngilindele ukusiza kwakho.

2 ImiLando 20:17

Kakusini lodwa elizakulwa kulimpi; manini liqine, lizakubona ukunqoba iNkosi ezakulenzela khona, lina abakoJuda labaseJerusalema. Lingesabi litshaywe luvalo; kusasa phumani liyekulwa labo, iNkosi izakuba lani.

AmaHubo 119:166

Ngiyathembela ekukhululeni kwakho, Nkosi, ngiyenza imithetho yakho.

AmaHubo 119:174

Ngiyalangatha ukukhulula kwakho, Nkosi, umlayo wakho uyintokozo yami.

AmaHubo 130:5

Ngiyilindele iNkosi, umphefumulo wami uyilindele, ngiyathemba elizwini layo;

AmaHubo 37:34

Themba iNkosi, unamathele endleleni yayo, izakukuphakamisa, ulifuye ilizwe, ubukele ukuchithwa kwababi.

AmaHubo 37:7

Thula phambi kweNkosi, ulindele yona; ungazikhathazi ngolenhlanhla, ngomuntu owenza amacebo amabi.

AmaHubo 52:9

Ngizakukudumisa kuze kube nini lanini ngokwenza kwakho, Nkulunkulu. Ngizakulitshumayela ibizo lakho phambi kwabangcwele, ngoba lihle.

AmaHubo 54:6

Ngizakunikela kuwe ngokuthokoza; ngizakulibonga ibizo lakho, Nkosi, ngoba lokhu kuhle.

AmaHubo 62:2

Nguye kuphela olidwala lami, lomkhululi wami, lenqaba yami; kangiyikunyikinywa.

AmaHubo 73:28

Kodwa mina kungilungele ukuba seduze loNkulunkulu; ngiyenzile iNkosi uNkulunkulu wami yaba yisiphephelo sami, ukuze ngitshumayele zonke izenzo zakhe.

AmaHubo 92:1

Kuhle ukukubonga, Nkosi, lokudumisa ibizo lakho, wena oPhezukonke;

U-Eksodasi 14:13

UMose wathi ebantwini: Lingesabi; manini liqine, libone ukukhulula kweNkosi ezakulenzela khona lamuhla; ngoba amaGibithe eliwabonayo lamuhla, kalisayikuwabona futhi.

U-Eksodasi 14:14

INkosi izakulilwela, ngakho thulani lina.

U-Isaya 30:15

INkosi uNkulunkulu, oNgcwele kaIsrayeli, ithi: Phendukelani kimi, lihlale ngokuthula, ng’khona lizakusizwa; amandla enu asekuchumeni lekuthembeni; kodwa kalikufuni.

U-Isaya 30:7

Ngoba usizo lwaseGibithe kalulamsebenzi, luyize; ngakhoke ngilibize ngokuthi ngumgobo ongelangozi.

U-Isaya 7:4

uthi kuye: Qina, ume isibindi, ungesabi, inhliziyo yakho ingathuthunyeliswa yilezizikhuni ezimbili ezithunqayo nje, ungathuthunyeliswa lulaka oluvuthayo lukaRezini leSiriya lendodana kaRemaliya.

UJeremiya 14:22

Kambe bakhona yini phakathi konkulunkulu bamanga bezizwe abanganisa izulu? Kumbe iphezulu lona lingehlisa izihlambo na? Atshi! angithi nguwe kuphela, Nkosi, Nkulunkulu wethu? Thina sithembela kuwe, ngoba nguwe ozenzayo zonke lezizinto.

Izililo 3:27

Kuhle emuntwini ukuba athwale ijogwe ebutsheni bakhe.

UHabhakhukhi 2:3

Ngoba umbono ungowesikhathi sawo; uyaphangisa ukuya ekupheleni, kawuyikukhohlisa. Uba uphuza, uwulindele; ngoba uzakufika impela, kawuyikuphuza.

AbaseGalathiya 4:18

Kuhle ukuthi litshisekelelwe ngenxa yolutho oluhle insuku zonke, kungabi nxa ngikhona kini kuphela.

AmaHebheru 10:35

Ngakhoke lingalahlekelwa yisibindi senu esilomvuzo omkhulu.

AmaHebheru 3:14

Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

1 UPhethro 1:13

Vusani ingqondo zenu, liqonde, lithembe ngokupheleleyo umusa elizakuwamukela ekwambulweni kukaJesu Kristu.