Izililo 3:25 - iBhayibhili Elingcwele 1978

²⁵ INkosi ilungile kwabayithembayo, kulabo abayidingayo.

IBhayibhili Elingcwele LesiNdebele

²⁵ UThixo ulungile kulowo omethembayo, kulowo omdingayo;

Izililo 3:25 Mawu Ofanana

UGenesisi 49:18

Nkosi, ngilindele ukusiza kwakho.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

2 ImiLando 19:3

Kodwake kusekhona okuhle okuthile kuwe, ngoba uziqedile insika zikankulunkulukazi uAshera elizweni, wayimisela inhliziyo yakho ukumdinga uNkulunkulu.

2 ImiLando 30:19

abazimisele ukumdinga uNkulunkulu, iNkosi uNkulunkulu wabokhokho babo, lanxa bengayilandelanga imithetho yokuhlanjululwa kwendlu engcwele.

2 ImiLando 31:21

Wonke umsebenzi awenzayo enkonzweni yendlu kaNkulunkulu ngokomlayo langemithetho, edinga uNkulunkulu wakhe, wawenza ngenhliziyo yakhe yonke, waphumelela.

U-Ezra 8:22

Ngoba ngaba lenhloni ukucela enkosini ibutho labagadi bamabhiza ukusivikela ezitheni ekuhambeni kwethu; ngoba sasiyitshelile inkosi sathi: UNkulunkulu wethu ulabo bonke abamdingayo, lamandla lolaka lwakhe lumelana labo bonke abamdelayo.

AmaHubo 105:3

Jabulani ebizweni layo elingcwele; kazithokoze inhliziyo zabo abafuna iNkosi.

AmaHubo 119:2

Babusisiwe abagcina imilayo yayo, abayidingayo ngenhliziyo yonke,

AmaHubo 22:26

Abayanga bazakudla basuthe; abafuna iNkosi bazakuyidumisa. Inhliziyo zenu kaziphile kuze kube nininini.

AmaHubo 25:8

INkosi ilungile iqondile; ngakhoke iyazifundisa izoni indlela ezingahamba ngayo;

AmaHubo 27:14

Themba iNkosi, uqine, inhliziyo yakho ime isibindi, yebo, themba iNkosi.

AmaHubo 27:8

Wena uthe: Funani ubuso bami. Inhliziyo yami ithi kuwe: Ubuso bakho, Nkosi, ngizakubufuna.

AmaHubo 37:34

Themba iNkosi, unamathele endleleni yayo, izakukuphakamisa, ulifuye ilizwe, ubukele ukuchithwa kwababi.

AmaHubo 37:7

Thula phambi kweNkosi, ulindele yona; ungazikhathazi ngolenhlanhla, ngomuntu owenza amacebo amabi.

AmaHubo 39:7

Phoke, Nkosi, ngingathembani na? Ithemba lami likuwe.

AmaHubo 61:1

Nkulunkulu, zwana ukukhala kwami, ulalele umkhuleko wami.

AmaHubo 61:5

Ngoba wena, Nkulunkulu, uzwile izithembiso zami, wanginika isabelo sabesaba ibizo lakho.

AmaHubo 69:32

Abacindezelweyo kabakubone lokhu, bathokoze; lina elidinga uNkulunkulu kazivuseleleke inhliziyo zenu.

AmaHubo 71:14

Kodwa mina ngizakuthemba kuwe njalonjalo, ngikudumise futhifuthi.

U-Isaya 25:9

Kuzakuthiwa ngalolosuku: Khangela, lo nguNkulunkulu wethu ebesimlindele ukuba asikhulule. Le yiNkosi ebesiyilindele; asithabe, sithokoze ngokusikhulula kwayo.

U-Isaya 26:9

Umphefumulo wami uyakulangatha ebusuku, lomoya wami uyakudingisisa. Ngoba lapho izahlulelo zakho zikhona emhlabeni, abahlala emhlabeni bafunda ukulunga.

U-Isaya 30:18

Kodwa iNkosi ilindele ukuba ibe lomusa kini, iyathanda ukuba ibe lesihawu kini; ngoba iNkosi inguNkulunkulu wokulunga, babusisiwe bonke abathemba kuyo.

U-Isaya 40:31

kodwa abayithembayo iNkosi bazazuza amandla amatsha, bazakuqonga ngamaphiko njengokhozi, bagijime bangadinwa, bahambe bangapheli amandla.

U-Isaya 55:6

Dingani iNkosi iselokufunyanwa, likhuleke kuyo iseseduze;

U-Isaya 64:4

Kusukela endulo abantu kabezwanga, futhi kababonanga uNkulunkulu onjengawe, osebenzela labo abamthembayo.

Izililo 3:26

Kuhle ukuyithemba, lokulindela ngokuthula ukukhulula kwayo.

UHosiya 10:12

Zihlanyeleleni ukulunga, livune izithelo zothando olungapheliyo; qhathani ingqatho yenu, ngoba kuyisikhathi sokuyidinga iNkosi, ukuba ifike, ithele ukulunga phezu kwenu.

UZefaniya 3:8

Ngakhoke ngilindela, itsho iNkosi, kuze kube lusuku engizakuvuka ngalo ngithonisise izizwe. Ngoba isiqumo sami siyikubuthelela izizwe, ngiqoqe imibuso, ngithululele phezu kwayo intukuthelo yami, konke ukuvutha kolaka lwami; ngoba ngomlilo wolaka lwami lomona wami wonke umhlaba uzakutshiswa.

1 AbaseThesalonika 1:10

lilindele iNdodana yakhe ivela ezulwini, ayivusa kwabafileyo, uJesu osophula olakeni oluzayo.

UJakhobe 5:7

Bazalwane, bekezelani ize ifike iNkosi. Khangelani, umlimi uyalindela isithelo somhlabathi esiligugu, asibekezelele, size sizuze izulu elokuqala lelokucina.