Izililo 2:21 - iBhayibhili Elingcwele 1978

²¹ Obhuqwini lwezindlela kulele abatsha labadala; intombi zami lensizwa zami zibulewe; osukwini lokuthukuthela kwakho uzibulele wena, wazibulala ungelasihawu.

IBhayibhili Elingcwele LesiNdebele

²¹ Abatsha labadala babhazalele ndawonye ebhuqwini lwemigwaqo; izinsizwa zami lezintombi zibulewe ngenkemba. Ubabulele ngosuku lokuthukuthela kwakho; awaze waba lesihawu lapho ubabulala.

Izililo 2:21 Mawu Ofanana

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

U-Esta 3:13

Incwadi zathunyelwa ngezigijimi kuwo wonke amazwe enkosi kulomthetho wokuba kubhujiswe kubulawe kuphele bonke abaJuda, abatsha labadala labesifazana labantwana ngasuku lunye, ngosuku lwetshumi lantathu lwenyanga yetshumi lambili ethiwa nguAdari, lokuba kuphangwe impahla yabo.

U-Isaya 27:11

Lapho ingatsha zawo sezomile ziyephulwa; abesifazana beze bazibuse. Ngoba laba ngabantu abangelakuqonda; ngakhoke lowo owabenzayo kayikubahawukela, lowababumbayo kayikubenzela umusa.

UJeremiya 11:22

iNkosi yamabandla ithi: Ngizabatshaya; insizwa zabo zizabulawa empini, amadodana lamadodakazi abo abulawe yindlala;

UJeremiya 13:14

Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

UJeremiya 18:21

Ngalokhoke nikela abantwana babo endlaleni, ubanikele ekubulaweni empini; abafazi babo balahlekelwe ngabantwana, babe ngabafelwakazi, lamadoda abo abulawe ngumkhuhlane, lamajaha abo abulawe empini.

UJeremiya 21:7

Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

UJeremiya 4:31

Ngoba ngizwile ilizwi kungathi ngelowesifazana ohelelwayo, ukukhala okubuhlungu okunjengokozibulayo; yikukhala kweZiyone elikhefuzelayo, liselula izandla zalo lisithi: Maye mina! ngiphelelwa ngamandla ngoba nampa ababulali bayeza.

UJeremiya 51:22

ngiphahlaze ngawe amadoda labesifazana, amaxhegu labatsha, insizwa lezintombi,

UJeremiya 6:11

Ngalokhoke ngigcwele ulaka lweNkosi, sengikhathele yikubekezela. Lwehlisele phezu kwabantwana ezindleleni, lasemihlanganweni yamajaha; ngoba indoda izathathwa lomkayo, abadala kanye lamaxhegu.

UJeremiya 9:20

Yebo, zwanini ilizwi leNkosi, lina besifazana, lendlebe zenu zilamukele ilizwi layo; lifundise amadodakazi enu ukukhala, kube yilowo lalowo afundise umakhelwana wakhe ukulila.

UJeremiya 9:21

Ngoba ukufa kungenile ngamawindi ethu, kwangena ezigodlweni zamakhosi ethu, kwaqeda abantwana ezindleleni, lamajaha emagumeni.

Izililo 1:15

INkosi yeyisile wonke amaqhawe ami phakathi kwami, yaletha impi ukubulala insizwa zami. INkosi inyathele uJuda njengasesikhamelweni sewayini.

Izililo 1:18

INkosi ilungile, ngoba ngilihlamukile ilizwi layo. Kodwa ake lizwe, bantu lonke, libone ukuhlupheka kwami. Intombi zami lensizwa zami zithunjiwe.

Izililo 1:4

Imigwaqo eya eZiyone iyalila, ngoba kakho ozayo kulo emikhosini emisiweyo. Emasangweni alo kakulabantu, labapristi balo bayabubula. Intombi zalo ziyahlupheka. Liyahlupheka kakhulu.

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

Izililo 2:2

INkosi ichithile yonke imizi kaJakobe ingayihawukeli. Ekuthukutheleni kwayo idilizile izinqaba zakoJuda. Yaphosela phansi yangcolisa umbuso lamakhosi awo.

Izililo 3:43

Wena uthukuthele, waxotshana lathi, wasibulala ungelasihawu.

UHezekhiyeli 24:21

lathi: Tshono kuIsrayeli ukuthi iNkosi uNkulunkulu ithi: Ngizangcolisa indlu yami engcwele, eligugu lamandla enu, ethandekayo emehlweni enu, efiswa ngumoya wenu. Amadodana enu lamadodakazi enu eliwatshiyileyo azakubulawa yimpi.

UHezekhiyeli 5:11

Ngakhoke ngiyazifunga, kutsho iNkosi uNkulunkulu, ngoba lingcolisile impela indlu yami engcwele ngakho konke okuzondekayo langamanyala enu wonke, ngizakulibhubhisa ngingalihawukeli, ngingaliyekeli.

UHezekhiyeli 7:4

Kangiyikuliyekela, kangiyikulihawukela, kodwa ngizalitshaya ngenxa yezindlela zenu lapho amanyala enu esephakathi kwenu. Ng’khona lizakwazi ukuba ngiyiNkosi.

UHezekhiyeli 7:9

Kangiyikuliyekela, kangiyikulihawukela, kodwa ngizalitshaya ngenxa yezenzo zenu langamanyala enu asesephakathi kwenu. Ng’khona lizakwazi ukuba ngiyiNkosi etshayayo.

UHezekhiyeli 8:18

Ngizabasukela ekuthukutheleni kwami. Kangiyikubayekela ngibahawukele; lanxa bekhala kakhulu, kangiyikubezwa.

UHezekhiyeli 9:10

Lamike kangiyikubayekela, kangiyikuba lesihawu, kodwa ngizakwehlisela izenzo zabo phezu kwabo.

uAmosi 4:10

Ngathumela phakathi kwenu isifo esifana lesaseGibithe, ngabulala insizwa zenu empini, ngathumba amabhiza enu; ngenza ukuba isihonqo senu sinuke kakhulu; kanti kaliphendukelanga kimi, kutsho iNkosi.

uAmosi 8:13

Ngalolosuku intombi ezinhle lezinsizwa zizaqaleka ngenxa yokoma.

UZakhariya 11:6

Ngoba kangisayikubahawukela abakhileyo kulelilizwe, kutsho iNkosi. Ngizabanikela abantu ezandleni zabomakhelwane babo, lezamakhosi abo; bazachitha ilizwe, kangiyikophula loyedwa ezandleni zabo.

UDutheronomi 28:50

isizwe esesabekayo, esingahloniphi abadala, esingelamusa kwabatsha.

UDutheronomi 32:25

Ngaphandle impi izakubulala, ezindlini kuzakuba khona ukwesaba okukhulu, kubhubhise insizwa lentombi, lomntwana omunyayo lendoda eyimpunga.

UJoshuwa 6:21

Babhubhisa konke okwakukiwo, abesilisa labesifazana, abatsha labadala, lezinkabi lezimvu labobabhemi, bakuqeda ngomkhonto.

1 USamuyeli 15:3

Hambake uyehlasela amaAmaleki, uqede konke alakho; ungabi lasihawu, kodwa ubulale abesilisa labesifazana, izingane lensane ezimunyayo, inkomo lezimvu, amakamela labobabhemi.