Izililo 2:1 - iBhayibhili Elingcwele 1978

¹ Yeka umnyama iNkosi ekuthukutheleni kwayo ewehlisele phezu kweZiyone. Iphosele ubuhle bukaIsrayeli emhlabeni busuka ezulwini; kayikhumbulanga ithempeli layo ngosuku lokuthukuthela kwayo.

IBhayibhili Elingcwele LesiNdebele

¹ UThixo wembese iNdodakazi yeZiyoni ngeyezi lolaka lwakhe! Ubutaklazele phansi ubunkanyankanya buka-Israyeli busuka ezulwini busiya emhlabeni; kasinakanga isenabelo sakhe mhla wentukuthelo yakhe.

Izililo 2:1 Mawu Ofanana

2 USamuyeli 1:19

Udumo lwakho, Israyeli, lubulewe ezindaweni zakho eziphakemeyo. Maye ngokuwa kwamaqhawe!

1 ImiLando 28:2

Inkosi uDavida yasisukuma isithi: Lalelani, zihlobo zami labantu bami; bengizimisele ukwakhela umtshokotsho wesivumelwano seNkosi indlu yokuhlala leyisigcabha senyawo zikaNkulunkulu wethu, ngenza amalungiselelo okwakha.

AmaHubo 132:7

Asiyeni endlini yeNkosi, sikhonze phambi kwayo.

AmaHubo 89:45

Ufinyezile insuku zobutsha bakhe, wamthela ihlazo.

AmaHubo 99:5

Dumisani iNkosi uNkulunkulu wethu, likhonze phambi kwayo. Ingcwele yona!

U-Isaya 64:11

Indlu yethu engcwele lemangalisayo, lapho obaba babekudumisela khona, itshisiwe ngomlilo, lazo zonke indawo zethu ezithandekayo sezingamanxiwa.

UJeremiya 30:14

Zonke izithandwa zakho zikukhohliwe, kazisakudingi. Ngoba ngikutshayile njengesitha, ngokutshaya okulolunya, ngoba icala lakho likhulu, lezono zakho zandile.

Izililo 1:1

Yeka ukuhlala kwawo wodwa umuzi owawugcwele abantu! Usunjengomfelwakazi wona owawumkhulu phakathi kwezizwe. Wona owawuyinkosikazi phakathi komuzi usungobuswayo.

Izililo 1:12

Kakusilutho kini yini lonke elidlulayo na? Khangelani libone ukuba kukhona yini usizi olunjengolwami, olwehliselwe phezu kwami, iNkosi engehlisele lona osukwini lokuthukuthela kwayo.

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

Izililo 4:1

Yeka ukufiphala kwegolide lokuphenduka kwegolide elihle! Amatshe endlu engcwele achithekile ekuhlanganeni kwazo zonke indlela.

Izililo 4:11

INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

UHezekhiyeli 13:13

Ngakhoke, iNkosi uNkulunkulu ithi: Ekuthukutheleni kwami ngizavusa isiphepha somoya, langolaka lwami nginise impophoma zezulu lesiqhotho esikhulu ukuba ngiwudilize.

UHezekhiyeli 19:12

Kodwa isihlahla sevini sasitshunwa ngokuthukuthela, saphoselwa phansi, lomoya wasempumalanga wasomisa, lezithelo zaso zaphephuka, isigodo saso esiqinileyo soma, umlilo wasitshisa.

UHezekhiyeli 24:21

lathi: Tshono kuIsrayeli ukuthi iNkosi uNkulunkulu ithi: Ngizangcolisa indlu yami engcwele, eligugu lamandla enu, ethandekayo emehlweni enu, efiswa ngumoya wenu. Amadodana enu lamadodakazi enu eliwatshiyileyo azakubulawa yimpi.

UHezekhiyeli 30:18

ETahafanesi ukukhanya kuzakuba mnyama, lapho ngiqeda khona ukubusa kweGibithe, lamandla aziphakamisileyo azaphela, lamayezi afike phezu kwalo, kuthunjwe lamadodakazi alo.

UJoweli 2:2

usuku lomnyama losizi, usuku lwamayezi lomnyama omkhulu. Njengobumnyama obembese izintaba kuvela impi elamandla engelakubalwa. Kakuzanga kube khona abanjengabo kusukela endulo, futhi kabayikuba khona ngemva kwabo kuyo yonke iminyaka ezayo.

UMatewu 11:23

Wenake, Kapenawume, uzakuphakanyiselwa ezulwini na? Atshi! Uzakwehliselwa endaweni yabafileyo; ngoba uba yayenziwe eSodoma imisebenzi yamandla eyenziwe kuwe, ngabe lisekhona iSodoma kuze kube lamuhla.

ULukha 10:15

Lawe Kapenawume uzakuphakanyiselwa ezulwini na? Atshi! Uzakwehliselwa endaweni yabafileyo.

ULukha 10:18

Wathi kibo: Ngabona uSathane enjengombane esiwa ezulwini.

1 USamuyeli 4:21

Wamutha ibizo umntwana wathi ngulkabodi, okuyikuthi udumo lusukile koIsrayeli; ngoba umtshokotsho kaNkulunkulu uthunjiwe, langenxa yokufa kukayisezala lomkakhe.

1 USamuyeli 4:22

Wathi: Udumo lusukile koIsrayeli ngoba umtshokotsho kaNkulunkulu uthunjiwe.