Izililo 1:9 - iBhayibhili Elingcwele 1978

⁹ Ukungcola kwalo kwakusezidwabeni zalo, kalikhumbulanga ngokuchitheka kwalo. Ngakhoke ukuwa kwalo kukhulu, kalilaye umduduzi. Nkosi, akukhangele ukuhlupheka kwalo, ngoba isitha sesinqobile.

IBhayibhili Elingcwele LesiNdebele

⁹ Ukungcola kwayo kwabhixa izidwaba zayo; kayinakanga ikusasa yayo. Ukuwa kwayo kwesabeka, kungekho oyiduduzayo. “Oh Thixo, ake ukhangele ukuhlupheka kwami, ngoba isitha sesinqobile.”

Izililo 1:9 Mawu Ofanana

2 USamuyeli 16:12

Mhlawumbe izabona usizi lwami, ingilethele okuhle ngalokhu ukuthukwa kwalamuhla.

2 AmaKhosi 14:26

Ngoba iNkosi yabona ukuthi ukuhlupheka kukaIsrayeli kwakukukhulu, wayengekho loyedwa oseleyo oyisigqili lokhululekileyo, kungasekho ongasiza uIsrayeli.

UNehemiya 9:32

Ngakhoke, Nkulunkulu wethu omkhulu, wena olamandla lowesabekayo, ogcina isivumelwano lolothando olungapheliyo, ungadeleli ubunzima bonke obusehleleyo thina sonke, lamakhosi ethu lezikhulu zethu labapristi bethu labaprofethi bethu labokhokho bethu labo bonke abantu bakho, kusukela esikhathini samakhosi aseAsiriya kuze kube lamhla.

AmaHubo 119:153

Khangela ukuhlupheka kwami, ungikhulule, ngoba kangiwukhohlwa umlayo wakho.

AmaHubo 140:8

Ungazivumeli, Nkosi, izifiso zababi, ungawaphumelelisi amacebo abo.

AmaHubo 25:18

Khangela ukuhlupheka kwami lenkathazo yami, ungithethelele zonke izono zami.

AmaHubo 69:21

Bangipha itshefu ibe yikudla kwami, ekomeni kwami banginathisa iwayini elimunyu.

U-Eksodasi 3:17

ngithi ngizalikhupha ekuhluphekeni kwenu eGibithe, ngilise elizweni lamaKanani lamaHethi lamaAmori lamaPerizi lamaHivi lamaJebusi, ilizwe eligcwele uchago lenyosi.

U-Eksodasi 3:7

INkosi yasisithi: Impela ngibonile ukuhlupheka kwabantu bami abaseGibithe, ngizwile ukukhala kwabo ngenxa yabacindezeli babo; ngiyalwazi usizi lwabo;

U-Eksodasi 4:31

Abantu bakholwake; lapho sebezwile ukuthi iNkosi ibahambele abakoIsrayeli, lokuthi ibonile ukuhlupheka kwabo, bakhothamisa amakhanda, badumisa.

UmTshumayeli 4:1

Ngasengibuya ngibone ukucindezela okwenziwa ngaphansi kwelanga; abacindezelwayo babekhala inyembezi, kodwa kungekho obaduduzayo. Kwakungekho abaduduzayo, ngoba abacindezeli babe lamandla.

U-Isaya 3:8

IJerusalema ikhubekile, loJuda uwile, lokhu ukukhuluma kwabo lokwenza kwabo kuphambene leNkosi, ukudelela ubukhosi bayo.

U-Isaya 37:17

Akubeke indlebe yakho, Nkosi, uzwe, ukhangele, ubone; akuzwe amazwi wonke kaSenakeribi awathumileyo ukuklolodela uNkulunkulu ophilayo.

U-Isaya 37:23

Ngubani omklolodeleyo wamthuka na? Uphakamisele bani ilizwi lakho na? Ukhangele bani ngokuzikhukhumeza na? NgoNgcwele kaIsrayeli.

U-Isaya 37:29

Ngoba ungithukuthelele, lokuziqakisa kwakho kufikile endlebeni zami, ngizakukufaka umkhala emakhaleni akho, lamatomu emlonyeni wakho, ngikubuyisele ngendlela oweza ngayo.

U-Isaya 37:4

Mhlawumbe iNkosi, uNkulunkulu wakho, iwezwile amazwi enceku enkulu ethunywe yinkosi yayo yaseAsiriya ukuba iklolodele uNkulunkulu ophilayo, lokuthi izakukukhuza yona iNkosi uNkulunkulu wakho lokhu ekuzwileyo. Ngakhoke ake ukhulekele ingcosana eseleyo.

U-Isaya 40:2

Misani iJerusalema isibindi, limemeze kulo ukuthi insuku zalo zobunzima seziphelile, lokuthi lithethelelwe ububi balo, ngoba lamukelisiwe esandleni seNkosi okuphindwe kabili ngazo zonke izono zalo.

U-Isaya 47:7

Wathi: Ngizakuba yinkosikazi kuze kube nininini; kawuzikhathazanga ngalezizinto, kawukhumbulanga ukucina kwazo.

U-Isaya 51:19

Lokhu kokubili kukwehlele, ngubani ozakukukhalela na? ngitsho ukuchitheka lokubhujiswa, indlala, lempi; ngubani ozakukududuza na?

U-Isaya 54:11

INkosi ithi: Wena ohluphekayo lohlukuluzwayo ongelamduduzi, ngizakwakha amatshe akho abe mahle, ngizibeke izisekelo zakho ngamatshe athiwa ngamasafire.

UJeremiya 13:27

Ngibonile amanyala akho, lobufebe bakho, lokuthokoza kwakho ngakho, lendlela zokuphinga kwakho phezu kwezintaba egangeni. Maye kuwe, wena Jerusalema! Koze kube nini ungakahlambuluki na?

UJeremiya 16:7

Kakho ozakubanika abalilayo isinkwa ukubaduduza ngenxa yabafileyo; futhi kakho ozamnathisa inkezo yokududuza ngoyise langonina.

UJeremiya 2:34

Lasezigqokweni zakho kufunyanwa igazi labayanga abangelacala; kawubafumananga befohlela. Kanti kukho konke lokho uthi:

UJeremiya 48:26

Mdakiseni, ngoba ezikhukhumezile eNkosini; iMowabi lizazibhixa emahlanzweni alo, libe yinhlekisa.

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

UJeremiya 50:29

Bizani abaphatha imitshoko, balwe leBabiloni bonke abakwazi ukutshoka; lihanqeni inxa zonke, kungabi khona ophunyukayo, liliphindisele njengezenzo zalo, lenze kulo njengakho konke elikwenzileyo; ngoba liyidelele iNkosi, oNgcwele kaIsrayeli.

Izililo 1:17

IZiyone liyelula izandla zalo ukukhuleka, kodwa kakho oliduduzayo. INkosi ilayile ngoJakobe ukuthi abakhelene laye babe yizitha zakhe. IJerusalema seliyisinengiso phakathi kwabo.

Izililo 1:21

Ake uzwe ukububula kwami, kakho ongiduduzayo. Zonke izitha zami zizwile ngokuhlupheka kwami, ziyathokoziswa yikuthi nguwe okwenzileyo. Lufikise usuku osulumemezile, uzenze ukuba zibe njengami.

Izililo 2:13

Ngingathini ngawe na? Ngingakufanisa ngani, wena Jerusalema na? Ngingakufanisa ngani ukuba ngikududuze, wena Ziyone na? Ngoba ukuchitheka kwakho kukhulu njengolwandle. Ngubani ongakwelapha na?

Izililo 4:1

Yeka ukufiphala kwegolide lokuphenduka kwegolide elihle! Amatshe endlu engcwele achithekile ekuhlanganeni kwazo zonke indlela.

Izililo 5:1

Khumbula, Nkosi, okusehleleyo, khangela ubone ihlazo lethu.

UHosiya 2:14

Ngalokhoke ngizamhuga, ngimuse enkangala, ngimduduze.

UZefaniya 2:10

Lokhu kuzakuba ngumvuzo wokuziphakamisa kwabo, ngoba bakloloda, bazikhukhumeza ngabantu beNkosi yamabandla.

UJohane 11:19

Abanengi kubaJuda babefikile kuMatha loMariya ukuba babakhalele ngomnewabo.

UDutheronomi 26:7

Sasesikhala eNkosini uNkulunkulu wabokhokho; yalizwa ilizwi lethu, yabona ukuhlupheka kwethu, lokutshikatshika kwethu, lokucindezelwa kwethu;

UDutheronomi 32:27

uba bengingesabi ukuzincoma kwezitha, lezitha zabo zikuhlanekele, zithi: Isandla sethu sinqobile; kakusiyo iNkosi eyenze konke lokhu.

UDutheronomi 32:29

Uba bebehlakaniphile, ngabe bakuqedisisa lokhu, bazi ukuphela kwabo.

1 UPhethro 4:17

Ngoba sekuyisikhathi sokuba ukuthonisiswa kuqale endlini kaNkulunkulu; uba kuqala ngathi, kuzakuba yini ukuphela kwalabo abangalalelanga ivangeli likaNkulunkulu na?

1 USamuyeli 1:11

Wasesenza isithembiso esithi: Nkosi yamabandla, uba ungabona ukuhlupheka kwencekukazi yakho, ungikhumbule, ungangikhohlwa mina incekukazi yakho, unginike indodana, minake ngizayinika iNkosi insuku zonke zokuphila kwayo, kayiyikuliphuca lekhanda layo.