Izililo 1:6 - iBhayibhili Elingcwele 1978

⁶ Bonke ubukhosi buphelile eZiyone. Izikhulu zalo sezinjengezimpala ezingafumani idlelo, zibalekile zingelamandla phambi kwabazixotshayo.

IBhayibhili Elingcwele LesiNdebele

⁶ Kuphelile konke ukubenyezela kweNdodakazi yaseZiyoni. Amakhosana ayo asenjengezimpala ezingatholi amadlelo; zibalekile zilambile zingelamandla zibalekela umzingeli.

Izililo 1:6 Mawu Ofanana

2 AmaKhosi 19:21

Nanti ilizwi leNkosi elikhulume ngaye: IZiyone liyakudelela, liyakuklolodela, iJerusalema linikina ikhanda lalo ngemva kwakho.

2 AmaKhosi 25:4

Basebewufohlela umuzi. Inkosi lawo wonke amadoda empi babaleka ebusuku ngendlela yesango eliphakathi kwemiduli emibili eduze lesivande senkosi, lanxa amaKaladiya ayewuhanqile umuzi. Bahamba baqonda ngaseAraba.

2 AmaKhosi 25:5

Impi yamaKaladiya yaxotshana lenkosi uZedekiya, yayifica emagcekeni aseJeriko; impi yayo yonke yahlakazeka.

AmaHubo 50:2

EZiyone elipheleleyo ngobuhle uNkulunkulu uyakhanya.

AmaHubo 96:9

Ikhonzeni iNkosi lambethe ezingcwele; lithuthumele phambi kwayo, mhlaba wonke.

U-Isaya 1:21

Yeka umuzi othembekileyo usuphenduke waba liwule, wona owawugcwele okufaneleyo! Ukulunga kwakuhlezi phakathi kwawo, kodwa khathesi sekuhlala ababulali.

U-Isaya 12:6

Memezani, lihlabele ngokuthokoza, lina baseZiyone, ngoba mkhulu phakathi kwenu oNgcwele kaIsrayeli.

U-Isaya 4:5

INkosi izakwenza phezu kwendawo yentaba yaseZiyone laphezu kwemihlangano yayo iyezi emini, lentuthu lokukhanya kwamalangabi omlilo ebusuku; ngoba phezu kwakho konke kuzakuba khona inkazimulo enjengesivikelo,

UJeremiya 13:18

Tshono enkosini lakunina wenkosi uthi: Hlalani phansi ngokuzithoba, ngoba umqhele wenu omuhle uwele phansi.

UJeremiya 29:4

INkosi yamabandla, uNkulunkulu kaIsrayeli, ithi kibo bonke abathunjwe eJerusalema basiwa eBabiloni:

UJeremiya 47:3

Ngomsindo wokugidiza kwamasondo amabhiza akhe, langomdumo wenqola zakhe zempi, langomdumo wamasondo azo, oyise kabanyemukuli abantwana babo ngenxa yobuthakathaka babo,

UJeremiya 48:41

Imizi izathunjwa, lezinqaba zithathwe, kuthi inhliziyo zamaqhawe aseMowabi ngalolosuku zibe njengenhliziyo yowesifazana ohelelwayo.

UJeremiya 52:11

Yamkhupha amehlo uZedekiya, yambopha ngamaketane, yamusa eBabiloni, yamfaka entolongweni, kwaze kwaba lusuku lokufa kwakhe.

UJeremiya 52:13

Walitshisa ithempeli, lesigodlo senkosi, lezindlu zonke ezinkulu zaseJerusalema.

UHezekhiyeli 24:21

lathi: Tshono kuIsrayeli ukuthi iNkosi uNkulunkulu ithi: Ngizangcolisa indlu yami engcwele, eligugu lamandla enu, ethandekayo emehlweni enu, efiswa ngumoya wenu. Amadodana enu lamadodakazi enu eliwatshiyileyo azakubulawa yimpi.

UHezekhiyeli 24:25

Ndoda, ngizakususa kibo ithempeli labo eliyinqaba yabo, eliyintokozo yabo lodumo lwabo, lelithandekayo emehlweni abo, lelifiswe zinhliziyo zabo, ngisuse amadodana abo lamadodakazi abo.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

UDutheronomi 32:30

Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?