Izililo 1:4 - iBhayibhili Elingcwele 1978

⁴ Imigwaqo eya eZiyone iyalila, ngoba kakho ozayo kulo emikhosini emisiweyo. Emasangweni alo kakulabantu, labapristi balo bayabubula. Intombi zalo ziyahlupheka. Liyahlupheka kakhulu.

IBhayibhili Elingcwele LesiNdebele

⁴ Iyalila imigwaqo eya eZiyoni, ngoba kasekho ozayo emikhosini yalo emisiweyo. Wonke amasango alo asekhohlakele, abaphristi balo bayabubula, amantombazana alo ayagomela, lona lidabukile kakhulu.

Izililo 1:4 Mawu Ofanana

U-Isaya 3:26

Emasangweni eZiyone kuzakuba khona ukukhala lokulila, lona lizakuba njengowesifazana ohlezi phansi eze.

UJeremiya 10:22

Kulamahungahunga okuthi kukhona ukuzamazama okukhulu okusuka elizweni lasenyakatho, okuzakwenza yonke imizi yakoJuda ibe yinkangala lendawo yamakhanka.

UJeremiya 14:2

UJuda uyalila, lemizi yakhe idangele, abantu bakhe bahlezi phansi bayakhala, lokukhala kweJerusalema kuyezwakala.

UJeremiya 9:11

Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

Izililo 1:21

Ake uzwe ukububula kwami, kakho ongiduduzayo. Zonke izitha zami zizwile ngokuhlupheka kwami, ziyathokoziswa yikuthi nguwe okwenzileyo. Lufikise usuku osulumemezile, uzenze ukuba zibe njengami.

Izililo 5:13

Amajaha asetshenziswa ngamandla ukuchola, labafana basindwa yiminyaba yenkuni.

Izililo 5:14

Abadala sebatshiya inkundla, lensizwa zayekela ukuhlabela.

UHosiya 2:13

Ngizamtshaya ngenxa yezinsuku zemikhosi yaboBali, ayebatshisela ngazo impepha, ezicecisa ngamasongo langamangqongqo, walandela izithandwa zakhe, wangikhohlwa, kutsho iNkosi.

ULevi 26:22

Ngizathuma phakathi kwenu izilo ezizakulamuka abantwana benu, zibulale inkomo zenu, zilenze libe balutshwana, lezindlela zenu zibe yinkangala.

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.