Izililo 1:3 - iBhayibhili Elingcwele 1978

³ UJuda wathunjwa waya kwezinye izizwe ngenxa yokuhlupheka lobugqili obukhulu. Usehlezi phakathi kwezizwe, kafumani ukuphumula. Bonke abamzingelayo bamficile ephakathi kobuhlungu.

IBhayibhili Elingcwele LesiNdebele

³ UJuda useye ebugqilini ngemva kokuhlupheka lokudonsa nzima. Usehlala phakathi kwabezizwe; akatholi ndawo yokuphumula. Bonke abamzingelayo bamxhumile ephakathi kokuhlupheka kwakhe.

Izililo 1:3 Mawu Ofanana

2 AmaKhosi 25:11

UNebuzaradani induna yabalindi wathumba bonke abantu ababesele emzini lalabo ababehlamukele enkosini yaseBabiloni, kanye lezingcitshi zemisebenzi.

2 AmaKhosi 25:21

Inkosi yaseBabiloni yabatshaya yababulalela eRibila elizweni laseHamathi. Bathunjwa ngokunjalo abakoJuda elizweni labo.

2 AmaKhosi 25:4

Basebewufohlela umuzi. Inkosi lawo wonke amadoda empi babaleka ebusuku ngendlela yesango eliphakathi kwemiduli emibili eduze lesivande senkosi, lanxa amaKaladiya ayewuhanqile umuzi. Bahamba baqonda ngaseAraba.

2 AmaKhosi 25:5

Impi yamaKaladiya yaxotshana lenkosi uZedekiya, yayifica emagcekeni aseJeriko; impi yayo yonke yahlakazeka.

UJeremiya 13:19

Imizi yaseNegebi ivaliwe, kakho ongayivula, wonke uJuda uthunjiwe ngokupheleleyo.

UJeremiya 16:16

Khangelani, ngiyathumela abagoli benhlanzi abanengi, bababambe, kutsho iNkosi; emva kwalokho ngizathumela abazingeli abanengi, babazingele entabeni zonke, lasemaqaqeni wonke, babakhuphe ezimbalwini zamatshe zonke.

UJeremiya 24:9

Ngizakubenza babe yinto eyesabekayo kuyo yonke imibuso yomhlaba, babe lihlazo, lesiga, lenhlekisa, lesiqalekiso kuzo zonke indawo engibaxotshele kuzo.

UJeremiya 39:9

UNebuzaradani induna yabalindi yabathumba bonke abantu ababesele emzini, yabasa eBabiloni, labo ababebalekele kuye.

UJeremiya 52:15

UNebuzaradani induna yabalindi wathumba bonke abantu ababesele emzini, lalabo ababehlamukele enkosini yaseBabiloni kanye lezingcitshi zemisebenzi.

UJeremiya 52:8

Impi yamaKaladiya yaxotshana layo inkosi uZedekiya; yamfica emagcekeni aseJeriko; lempi yakhe yonke yahlakazeka.

Izililo 2:9

Amasango alo atshonile phansi, idilizile yephula imigoqo yalo. Inkosi yalo lezikhulu zalo sebesezizweni, kakuselamthetho; labaprofethi balo kabasamukeli umbono eNkosini.

Izililo 4:15

Abantu bathi: Sukani, lingcolile! Sukani, sukani! Lingasithinti. Ngakho basebesiba ngabazingelwayo labazulayo. Abantu bathi phakathi kwezizwe: Kabasayikuhlala lathi.

Izililo 5:5

Sifakwe ijogwe entanyeni sisetshenziswa kakhulu, sidiniwe, kasivunyelwa ukuphumula.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UDutheronomi 28:48

lizakukhonza izitha zenu iNkosi ezakuzithuma kini ukulihlasela, lilambe, lome, lihambeze, liswele zonke izinto. Izakubophela entanyeni yenu ijogwe lensimbi, ize ilibhubhise.