Izililo 1:20 - iBhayibhili Elingcwele 1978

²⁰ Ake ukhangele, Nkosi, ngoba sengihluphekile, imibilini yami idungekile, inhliziyo yami ikhathazekile phakathi kwami, ngoba ngihlamukile kakhulu. Phandle ngumkhonto obulalayo, endlini yikufa.

IBhayibhili Elingcwele LesiNdebele

²⁰ Ake ubone, Oh Thixo, ukuthi ngihlupheka njani! Ngiyatsha ngaphakathi kwami, ngidungekile enhliziyweni yami, ngoba bengilihlongandlebe. Ngaphandle, inkemba iyadabukisa; ngaphakathi, yikufa kodwa.

Izililo 1:20 Mawu Ofanana

UJobe 30:27

Inhliziyo yami idungekile, kayilakuphumula, lensuku zosizi zingifikele.

UJobe 33:27

ehlabela phambi kwabantu esithi: Ngonile, ngahlanekela okulungileyo, kodwa kakubalelwanga kimi.

AmaHubo 22:14

Ngichithiwe njengamanzi, wonke amathambo ami anyele, inhliziyo yami injengengcino, incibilikile phakathi kwami.

AmaHubo 38:8

Ngibuthakathaka ngilimele kakhulu, ngiyakhala ngenxa yokukhathazeka kwenhliziyo yami.

Izaga 28:13

Ofihla iziphambeko zakhe kayikuphumelela, kodwa lowo ozivumayo azitshiye, uzahawukelwa.

U-Isaya 16:11

Ngakhoke ngiyakhala njengechacho ngoMowabi, lenhliziyo yami ikhalela iKiri‐Haresethi.

U-Isaya 38:14

Ngiyatshiyoza njengenkonjane, ngikhale njengejuba, amehlo ami adiniwe ngokukhangela ngaphezulu. Nkosi, ngicindezelwe; woba yisibambiso sami.

UJeremiya 14:18

Uba ngiphumela ngaphandle, kugcwele khona ababulewe empini. Uba ngingena emzini, ngibona khona abantu ababulawa yindlala. Abaprofethi labapristi bahamba besenza umsebenzi wabo, kodwa bengazi ukuthi benzani.

UJeremiya 14:20

Siyakuvuma ukona kwethu, Nkosi, lobubi babokhokho bethu, ngoba sonile kuwe.

UJeremiya 2:35

Kangilacala; ngakho intukuthelo yakhe isukile kimi. Kodwake ngizakukugweba ngoba uthi: Kangonanga.

UJeremiya 3:13

Vuma kuphela icala lakho ukuthi uyihlamukele iNkosi uNkulunkulu wakho, wakhonza onkulunkulu bezizweni ngaphansi kwazo zonke izihlahla eziluhlaza, lokuthi kawulalelanga ilizwi lami, kutsho iNkosi.

UJeremiya 31:20

Kambe uEfrayimi uyindodana yami yini eligugu kimi, ungumntwana wami othandekayo na? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; impela ngizakuba lesihawu kuye, kutsho iNkosi.

UJeremiya 4:19

Ngilobuhlungu obukhulu, ngiyazitshila ngenxa yobuhlungu. Maye inhliziyo yami! Inhliziyo yami iyatshaya, kangilakuthula; ngoba ngizwile ukukhala kophondo, lomkhosi wempi.

UJeremiya 48:36

Ngakhoke inhliziyo yami ikhalela iMowabi njengomhubhe, inhliziyo yami iyakhala njengomhubhe ngabantu baseKiri‐Heresi; inotho ababeyizuzile ichithekile.

Izililo 1:11

Bonke abantu balo bayabubula bedinga ukudla; banike okuligugu kwalo ngokudla ukuba baqinise amandla abo. Nkosi, ake ukhangele ngoba mina Jerusalema ngiyadelelwa.

Izililo 1:18

INkosi ilungile, ngoba ngilihlamukile ilizwi layo. Kodwa ake lizwe, bantu lonke, libone ukuhlupheka kwami. Intombi zami lensizwa zami zithunjiwe.

Izililo 1:8

IJerusalema lonile kakhulu, ngakho seliyisinengiso. Bonke ababelihlonipha sebelidelela, ngoba sebebonile ubuze balo. Yebo, selibubula, likhangele eceleni.

Izililo 1:9

Ukungcola kwalo kwakusezidwabeni zalo, kalikhumbulanga ngokuchitheka kwalo. Ngakhoke ukuwa kwalo kukhulu, kalilaye umduduzi. Nkosi, akukhangele ukuhlupheka kwalo, ngoba isitha sesinqobile.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

Izililo 5:16

Umqhele uwile emakhanda ethu. Maye thina, ngoba sonile!

UHezekhiyeli 7:15

Ngaphandle kukhona impi, ngaphakathi kukhona isifo lendlala; osegangeni ubulawa yimpi, lophakathi komuzi abulawe yindlala lesifo.

UDanyeli 9:5

sonile, saziphatha kubi, senza okubi, sakuhlamuka, sayephula imilayo yakho lezimiso zakho;

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

UHabhakhukhi 3:16

Ngiyezwa, kuthuthumela umzimba wami, indebe zami ziqhaqhazele ngenhlokomo; ukubola kungena emathanjeni ami, kutshayane amadolo ami. Ngizakulindela ngokuthula ukuba usuku lokuhlupheka lufike phezu kwalabo abasihlaselayo.

UDutheronomi 32:25

Ngaphandle impi izakubulala, ezindlini kuzakuba khona ukwesaba okukhulu, kubhubhise insizwa lentombi, lomntwana omunyayo lendoda eyimpunga.