Izililo 1:2 - iBhayibhili Elingcwele 1978

² Uyakhala kakhulu ebusuku, inyembezi zawo zehla ezihlathini zawo. Phakathi kwazo zonke izithandwa zawo kakho owududuzayo. Bonke abangane bawo bawuphethe ngenkohliso, sebeyizitha zawo.

IBhayibhili Elingcwele LesiNdebele

² Linjengowesifazane okhala kabuhlungu ebusuku, inyembezi zithe hlikilili ezihlathini. Kakho phakathi kwazo zonke izithandwa zakhe ongamduduza. Bonke abangane bakhe bamhlamukele; sebeyizitha zakhe.

Izililo 1:2 Mawu Ofanana

UJobe 6:15

Abafowethu kabathembekanga njengomfula ogelezayo, njengezifula ezitshayo,

UJobe 7:3

ngokunjalo nginikiwe inyanga eziyize, ngabelwa ubusuku bezinhlupheko.

AmaHubo 126:5

Abahlanyela bekhala bazavuna ngokuthokoza.

AmaHubo 31:11

Sengiyinhlekisa kuzo zonke izitha zami, ikakhulu kwabakhelene lami, ngiyesabeka kubangane bami; abangibonayo ezindleleni bayangibalekela.

AmaHubo 6:6

Ngikhathele yikububula kwami; ngithambisa icansi lami njalo ebusuku ngokukhala, ngithambise umbheda ngezinyembezi zami.

AmaHubo 69:21

Bangipha itshefu ibe yikudla kwami, ekomeni kwami banginathisa iwayini elimunyu.

Izaga 19:7

Bonke abazalwane bomyanga bayamzonda; ngakho labangane bakhe bayamtshiya. Uzama ukukhuluma labo, kodwa kabamnanzi.

UJeremiya 13:17

Kodwa lapho lingalaleli, ngizakhala ensitha ngenxa yokuziqhenya kwenu, ngizakhala kakhulu, lamehlo ami ehlise inyembezi, ngoba umhlambi weNkosi uthunjiwe.

UJeremiya 2:25

Ungazidinisi ngokuhambahamba ulandela abanye onkulunkulu, loba uzibulale ngomhawu. Kodwa wena wathi: Atshi, kangiyekeli, ngoba ngithandile abezizweni, ngizakubalandela.

UJeremiya 3:1

INkosi ithi: Uba indoda isahlukana lomkayo, abesesiba ngowenye indoda, isazakumbuyisa na? Lelolizwe belingayikungcoliswa kakhulu na? Kanti wena usufebile lezithandwa ezinengi, usabuya kimi na? kutsho iNkosi.

UJeremiya 30:14

Zonke izithandwa zakho zikukhohliwe, kazisakudingi. Ngoba ngikutshayile njengesitha, ngokutshaya okulolunya, ngoba icala lakho likhulu, lezono zakho zandile.

UJeremiya 4:30

Wenake, uzakwenzani na? Loba ugqoka okubomvu, ufaka izigqizo zegolide, ugcoba amehlo akho ngomuthi, uzicecisela ize, ngoba izithandwa zakho ziyakudelela, zifuna ukukubulala.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

Izililo 1:19

Ngabiza izithandwa zami, kodwa zangikhohlisa. Abapristi labadala bami bafela phakathi komuzi, besadinga ukudla ukuba baqinise amandla abo.

Izililo 1:21

Ake uzwe ukububula kwami, kakho ongiduduzayo. Zonke izitha zami zizwile ngokuhlupheka kwami, ziyathokoziswa yikuthi nguwe okwenzileyo. Lufikise usuku osulumemezile, uzenze ukuba zibe njengami.

Izililo 1:9

Ukungcola kwalo kwakusezidwabeni zalo, kalikhumbulanga ngokuchitheka kwalo. Ngakhoke ukuwa kwalo kukhulu, kalilaye umduduzi. Nkosi, akukhangele ukuhlupheka kwalo, ngoba isitha sesinqobile.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

UHezekhiyeli 16:37

ngizaqoqa zonke izithandwa zakho obuthokoza lazo, lazo zonke obuzithanda, lazo zonke obuzenyanya. Ngizaziqoqa ukuba zilwe lawe zivela endaweni zonke, ngikunqunulise phambi kwazo ukuze zibone bonke ubunqunu bakho.

UHosiya 2:7

Uzathungatha izithandwa zakhe, kodwa angazifici; uzazidinga, kodwa angazifumani. Abesesithi: Sengizabuyela endodeni yami yokuqala, ngoba kwakungcono kimi ngalesosikhathi kulakhathesi.

UMikha 7:5

Ungamthembi umakhelwana, ungamkholwa umngane; umvalele umlomo umkakho olala lawe.

Isambulo 17:13

Wona ayavumelana, anika isilo amandla okubusa kwawo.

Isambulo 17:16

Lempondo ezilitshumi ozibonileyo zona kanye lesilo zizakusizonda isiphingi; zizakusichitha sisale siyize, zidle inyama yaso, zisitshise ngomlilo.