Izililo 1:16 - iBhayibhili Elingcwele 1978

¹⁶ Ngiyakhala ngenxa yalokho, amehlo ami ajuluka inyembezi; ngoba umduduzi ukhatshana lami obezakungimisa isibindi. Abantwana bami bachithekile ngoba isitha sinqobile.

IBhayibhili Elingcwele LesiNdebele

¹⁶ Yikho ngilila, amehlo ami empompoza inyembezi. Kakho oseduze ongangiduduza, kakho ongavusa umphefumulo wami. Abantwabami sebeswela ngoba isitha sinqobile.”

Izililo 1:16 Mawu Ofanana

AmaHubo 106:42

Izitha zabo zabacindezela, baba ngaphansi kwamandla azo.

AmaHubo 119:136

Amehlo ami ehlisa inyembezi ezinengi, ngoba abantu kabagcini umlayo wakho.

AmaHubo 69:20

Ukuthukwa kuyidabule inhliziyo yami, ngakho ngiyagula kakhulu. Bengilindele ukuhawukelwa, kodwa kangikuzuzanga, labaduduzayo, kodwa kangibafumananga.

UmTshumayeli 4:1

Ngasengibuya ngibone ukucindezela okwenziwa ngaphansi kwelanga; abacindezelwayo babekhala inyembezi, kodwa kungekho obaduduzayo. Kwakungekho abaduduzayo, ngoba abacindezeli babe lamandla.

U-Isaya 54:11

INkosi ithi: Wena ohluphekayo lohlukuluzwayo ongelamduduzi, ngizakwakha amatshe akho abe mahle, ngizibeke izisekelo zakho ngamatshe athiwa ngamasafire.

UJeremiya 13:17

Kodwa lapho lingalaleli, ngizakhala ensitha ngenxa yokuziqhenya kwenu, ngizakhala kakhulu, lamehlo ami ehlise inyembezi, ngoba umhlambi weNkosi uthunjiwe.

UJeremiya 14:17

Uzakutsho lelilizwi kibo elokuthi: Amehlo ami kawehlise inyembezi ebusuku lemini zingakhawuli, ngoba abantu bami balimele kakhulu, balinyazwe yikutshaywa okubi.

UJeremiya 15:5

Ngubani ozakukuhawukela, wena Jerusalema, lozakukukhalela na? Ngubani ozaphambukela eceleni ukubuza ngempilo yakho na?

UJeremiya 8:18

Kangilakududuzeka osizini lwami, inhliziyo yami iyagula phakathi kwami.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

UJeremiya 9:21

Ngoba ukufa kungenile ngamawindi ethu, kwangena ezigodlweni zamakhosi ethu, kwaqeda abantwana ezindleleni, lamajaha emagumeni.

Izililo 1:2

Uyakhala kakhulu ebusuku, inyembezi zawo zehla ezihlathini zawo. Phakathi kwazo zonke izithandwa zawo kakho owududuzayo. Bonke abangane bawo bawuphethe ngenkohliso, sebeyizitha zawo.

Izililo 1:9

Ukungcola kwalo kwakusezidwabeni zalo, kalikhumbulanga ngokuchitheka kwalo. Ngakhoke ukuwa kwalo kukhulu, kalilaye umduduzi. Nkosi, akukhangele ukuhlupheka kwalo, ngoba isitha sesinqobile.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

Izililo 2:18

Khala kakhulu eNkosini, wena Ziyone! Inyembezi zakho zigeleze njengemifula emini lasebusuku. Ungaphumuli, lenyembezi zakho zingaqamuki.

UHosiya 9:12

Loba bekhulisa abantwana, ngizakubamuka bona, kungasali loyedwa. Maye kibo lapho ngisuka kibo!