Isambulo 9:2 - iBhayibhili Elingcwele 1978

² Yavula umgodi ongelamkhawulo; kwaphuma intuthu emgodini ithunqa njengentuthu yesithando somlilo omkhulu; kwafiphazwa ilanga lomkhathi ngentuthu evela emgodini.

IBhayibhili Elingcwele LesiNdebele

² Isivule umgodi ongelamkhawulo kwaphuma kuwo izikhatha zentuthu ezazifana leziphuma esihogweni somlilo esikhulukazi. Ilanga lomkhathi kwaba mnyama ngenxa yezikhatha lezi ezaphuma emgodini ongelamkhawulo.

Isambulo 9:2 Mawu Ofanana

UGenesisi 15:17

Kwathi lapho ilanga selitshonile sekumnyama, kwabonakala imbawula ethunqayo lelangabi lomlilo kudabula phakathi kwalezozingxenye.

UGenesisi 19:28

Wakhangela ngaseSodoma laseGomora, langaselizweni lonke legceke, wabona intuthu yelizwe ithunqa njengentuthu yesithando somlilo.

U-Eksodasi 19:18

Intaba yaseSinayi yayithunqa intuthu, ngoba iNkosi yehlela phezu kwayo ngomlilo; intuthu yayo yenyuka njengentuthu yesithando somlilo; intaba yonke yazamazama kakhulu.

U-Isaya 14:31

Khala wena sango, ulile lawe muzi. Uthuthumele, lizwe lonke laseFilistiya. Ngoba intuthu iyathunqa ngasenyakatho, kuyimpi engelamagwala ebuthweni layo.

UDanyeli 3:6

Lowo ongaziwiseli phansi, akhuleke, uzaphoselwa masinyane esithandweni somlilo ovuthayo.

UJoweli 2:10

Nxa besiza, umhlaba uyanyikinyeka phambi kwabo, lephezulu lithuthumele. Ilanga lenyanga kuphenduka kube mnyama, lezinkanyezi kucime ukukhanya kwazo.

UJoweli 2:2

usuku lomnyama losizi, usuku lwamayezi lomnyama omkhulu. Njengobumnyama obembese izintaba kuvela impi elamandla engelakubalwa. Kakuzanga kube khona abanjengabo kusukela endulo, futhi kabayikuba khona ngemva kwabo kuyo yonke iminyaka ezayo.

UJoweli 2:30

Ngizaveza izimangaliso phezulu lasemhlabeni, igazi, lomlilo, lentuthu ethunqayo.

Imisebenzi 2:19

Ngizakuveza izimangaliso ezulwini phezulu, lezibonakaliso emhlabeni phansi, igazi, lomlilo, lokuthunqa kwentuthu.

Isambulo 14:11

Lentuthu yomlilo wokuhlutshwa kwabo ithunqa kuze kube nininini; kabalakuphumula emini lebusuku laba abakhonza isilo lomfanekiso waso, lalowo obekwe uphawu lwebizo laso.

Isambulo 16:10

Isithunywa sesihlanu sathululela okusemganwini waso phezu kwesihlalo sesilo; lombuso waso waba semnyameni. Abantu baxhanxatha inlimi zabo ngenxa yobuhlungu,

Isambulo 8:12

Isithunywa sesine salukhalisa uphondo; kwatshaywa ingxenye yesithathu yelanga, leyenyanga, leyezinkanyezi, ukuze kufiphale ingxenye yesithathu yokukhanya kwazo; kwafiphala ingxenye yesithathu yokukhanya kwemini kanye lokwasebusuku.

Isambulo 9:1

Isithunywa sesihlanu salukhalisa uphondo; ngabona inkanyezi ivela ezulwini, iwela emhlabeni, yanikwa ikhiye yomgodi ongelamkhawulo.

Isambulo 9:11

Sasilenkosi yaso, isithunywa somgodi ongelamkhawulo, okuthiwa ibizo laso ngesiHeberu nguAbadoni, ngesiGriki kuthiwa nguApoliyoni.

Isambulo 9:17

Ngawabona ngokunje amabhiza labagadi bawo embonweni wami; babefake izivikelo zesifuba ezibomvu, leziluhlaza, lezingumthubi; amabhiza ayelamakhanda anjengawezilwane, lasemilonyeni yawo kwaphuma umlilo, lentuthu, lesolufa.