Isambulo 9:15 - iBhayibhili Elingcwele 1978

¹⁵ Zasezikhululwa izithunywa ezine ezazilungiselwe lezizikhathi losuku lenyanga lomnyaka ukuba zibulale ingxenye yesithathu yabantu.

IBhayibhili Elingcwele LesiNdebele

¹⁵ Ngakho izingilosi ezine lezo ezazigcinwe zilindele lesisikhathi losuku lenyanga kanye lomnyaka zakhululelwa ukubulala ingxenye yesithathu yoluntu.

Isambulo 9:15 Mawu Ofanana

Isambulo 20:7

Lapho isiphelile iminyaka eyinkulungwane, uSathane uzakukhululwa ekubotshweni kwakhe,

Isambulo 8:10

Isithunywa sesithathu salukhalisa uphondo; kwasekusiwa kuvela ezulwini inkanyezi enkulu ikhanya njengesibane, yawela phezu kwengxenye yesithathu yemifula laphezu kwemithombo yamanzi.

Isambulo 8:7

Isithunywa sokuqala salukhalisa uphondo; kwasekusiba khona isiqhotho lomlilo kuhlanganiswe legazi, kwaphoselwa emhlabeni; kwathi ingxenye yesithathu yomhlaba yatsha lengxenye yesithathu yezihlahla, labo bonke utshani obuluhlaza batshiswa.

Isambulo 8:8

Isithunywa sesibili salukhalisa uphondo; kwaphoselwa olwandle ulutho olunjengentaba enkulu evutha umlilo.

Isambulo 8:9

Kwathi ingxenye yesithathu yolwandle yaphenduka yaba ligazi, kwafa ingxenye yesithathu yezidalwa eziphilayo ezisolwandle, kwafa ingxenye yesithathu yemikolo.

Isambulo 9:10

sasilemisila efana leyabofezela elendonsi, lasemisileni yaso kukhona amandla aso okona abantu inyanga ezinhlanu.

Isambulo 9:18

Ngalezizifo ezintathu kwabulawa ingxenye yesithathu yabantu ngomlilo langentuthu langesolufa, okwaphuma emilonyeni yawo.

Isambulo 9:5

Kwathiwa singababulali, kodwa sibahluphe inyanga ezinhlanu; lobuhlungu baso baba njengobuhlungu bukafezela, lapho eluma umuntu.