Isambulo 8:3 - iBhayibhili Elingcwele 1978

³ Kwasekufika esinye isithunywa, sema ngasealtare siphethe umganu wegolide wokutshisela impepha; sanikwa impepha enengi ukuba siyinikele kanye lemikhuleko yabo bonke abangcwele phezu kwealtare legolide eliphambi kwesihlalo sobukhosi.

IBhayibhili Elingcwele LesiNdebele

³ Enye ingilosi eyayilomganu wegolide wokutshisela impepha yeza yema ngase-alithareni. Yanikwa impepha enengi ukuba iyinikele lemikhuleko yabangcwele bonke e-alithareni legolide phambi kwesihlalo sobukhosi.

Isambulo 8:3 Mawu Ofanana

1 AmaKhosi 7:50

lezinkezo, lezindlawu, lemiganu yokuchela, lemiganu yempepha, lezitsha zokuthwala umlilo, wakwenza ngegolide elihle; lamabhanti ezivalo zendlwana engaphakathi, yindawo engcwele kakhulu, lamabhanti ezivalo zethempeli, wakwenza ngegolide.

AmaHubo 141:2

Umkhuleko wami kawube njengempepha phambi kwakho, lokuphakanyiswa kwezandla zami kube njengomnikelo wakusihlwa.

U-Eksodasi 40:26

Wafaka ialtare legolide ethenteni lokuhlangana phambi kweveli,

U-Isaya 6:6

Kwasekuphaphela kimi elinye lamaserafi liphethe ilahle elivuthayo elalilithethe ngodlawu ealtareni.

UHezekhiyeli 41:22

efana lealtare eyakhiwe ngezigodo, ukuphakama kwayo kuzingalo ezintathu, ubude bayo buzingalo ezimbili, lobubanzi bayo buzingalo ezimbili; izingonsi zayo lesidindi sayo kanye lemiduli yayo kwenziwe ngezigodo. Wathi kimi: Lokhu kuyitafula ephambi kweNkosi.

uAmosi 9:1

Ngayibona iNkosi imi phansi kwealtare, yathi: Tshaya izihloko zezinsika ukuze iminyango inyikinyeke, uzaphulele amakhanda abo bonke abantu; abaseleyo ngizababulala ngempi; kakuyikuphunyuka loyedwa abaleke.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

AmaNani 4:11

Phezu kwealtare legolide bazakwendlala ilembu eliluhlaza, balembese ngezinzwezwe, bafake imijabo yalo.

AmaNani 7:62

inkezo yegolide, ubunzima bayo bungamashekeli alitshumi, igcwele impepha;

ULukha 1:10

Lonke ixuku labantu lalikhuleka ngaphandle ngesikhathi sempepha.

AbaseRoma 8:34

ngubani obalahlayo? NguKristu Jesu owafayo, owavuswa kwabafileyo, ongakwesokunene sikaNkulunkulu losikhulekelayo.

AmaHebheru 7:25

Ngakhoke ulamandla okusilisa ngokupheleleyo abeza kuNkulunkulu ngaye, lokhu ephilela ukubanxusela.

AmaHebheru 9:4

elealtare legolide lokutshisela impepha, lomtshokotsho wesivumelwano obhadwe ngegolide inxa zonke, okwakukhona kuwo inqayi yegolide elemana phakathi, lenduku kaAroni eyahlumayo, lamatshe esivumelwano;

Isambulo 10:1

Ngasengibona esinye isithunywa esilamandla sisehla sivela ezulwini; sambethe iyezi, lomchilowamakhosikazi usekhanda laso; ubuso baso babunjengelanga, lemilenze yaso injengensika zomlilo.

Isambulo 14:18

Lesinye isithunywa futhi saphuma sivela ealtareni, silamandla phezu komlilo, samemeza ngelizwi elikhulu kuso esilesikela ebukhali sisithi: Sebenzisa isikela yakho ebukhali, ubuthelele iziswenya zevini lomhlaba, ngoba izithelo zalo sezivuthiwe.

Isambulo 5:8

Kuthe seliyithethe incwadi, izidalwa ezine eziphilayo labadala abangamatshumi amabili lane baziwisela phansi phambi kweWundlu, kuyilowo lalowo ephethe ichacho lemiganu yegolide igcwele impepha eyimikhuleko yabangcwele.

Isambulo 6:9

Lalapho livula uphawu lwesihlanu, ngabona ngaphansi kwealtare imiphefumulo yalabo ababebulewe ngenxa yelizwi likaNkulunkulu langenxa yobufakazi ababelabo.

Isambulo 7:2

Ngasengibona esinye isithunywa siphuma empumalanga, siphethe uphawu lukaNkulunkulu ophilayo; samemeza ngelizwi elikhulu kuzo izithunywa ezine ezazinikwe amandla okona umhlaba lolwandle,

Isambulo 8:4

Intuthu yempepha yathunqa esandleni sesithunywa, yahlangana lemikhuleko yabangcwele, yenyukela phambi kukaNkulunkulu.

Isambulo 8:5

Isithunywa sasesithatha umganu wokutshisela impepha, sawugcwalisa ngomlilo ovela ealtareni, sawuphosela emhlabeni; kwasekusiba khona ukuduma, lomsindo, lokuphazima kombane, lokuzamazama komhlaba.

Isambulo 9:13

Isithunywa sesithupha salukhalisa uphondo; ngezwa ilizwi livela ezimpondweni ezine zealtare legolide eliphambi kukaNkulunkulu,