Isambulo 8:13 - iBhayibhili Elingcwele 1978

¹³ Ngasengikhangela, ngezwa ukhozi luphapha emkhathini lukhala ngelizwi elikhulu lusithi: Maye, maye, maye kulabo abakhileyo emhlabeni, lapho sekukhala impondo ezizakukhaliswa yizithunywa ezintathu zokucina!

IBhayibhili Elingcwele LesiNdebele

¹³ Kwathi ngilokhu ngikhangele ngezwa ingqungqulu iphapha emkhathini imemeza ngelizwi elikhulu isithi, “Maye! Maye! Maye kwabahlezi emhlabeni ngenxa yokukhala kwamacilongo asezakhaliswa ngezinye izingilosi ezintathu!”

Isambulo 8:13 Mawu Ofanana

AmaHubo 103:20

Ibongeni iNkosi, lina zithunywa zayo, lina maqhawe ayo elizwa ilizwi layo, lilalela ukukhuluma kwelizwi layo.

UHezekhiyeli 2:10

Sawusombulula phambi kwami, wawubhaliwe ngaphakathi langaphandle amazwi okulila lokukhala lokububula.

AmaHebheru 1:14

Kazisibo yini zonke omoya abasebenzayo abathunyelwe ukukhonza ngenxa yalabo abazakudla ilifa lokusiliswa na?

Isambulo 11:14

Uhlupho lwesibili selwedlulile; seluzakulandelwa ngolwesithathu masinyane.

Isambulo 12:12

Ngakhoke thokozani lina mazulu lani elihlalo kuwo. Kodwa maye kuwe mhlaba lakuwe lwandle! Ngoba uSathane wehlele kini elolaka olukhulu, esazi ukuthi isikhathi sakhe sifitshane.

Isambulo 14:3

Bahlabela ingoma entsha phambi kwesihlalo sobukhosi laphambi kwezidalwa ezine eziphilayo laphambi kwabadala. Kakho olamandla okuyifunda leyongoma, kuphela abayizinkulungwane ezilikhulu lamatshumi amane lane abahlengiweyo emhlabeni.

Isambulo 14:6

Ngasengibona esinye isithunywa siphapha emkhathini, silevangeli elingapheliyo ukulitshumayela kwabakhileyo emhlabeni, kuzo zonke izizwe, lemihlobo, lezindimi labantu.

Isambulo 19:17

Ngasengibona isithunywa simi elangeni, samemeza ngelizwi elikhulu ezinyonini zonke eziphaphayo emkhathini, sathi: Wozani, libuthane edilini elikhulu likaNkulunkulu

Isambulo 3:10

Ngoba ugcinile umlayo wami wokuba ubekezele, lami ngizakukugcina ngesikhathi sokulingwa okuzakufika emhlabeni wonke ukulinga bonke abakhileyo kuwo.

Isambulo 8:2

Ngasengibona izithunywa eziyisikhombisa ezimi phambi kukaNkulunkulu, zinikwa impondo eziyisikhombisa.

Isambulo 9:1

Isithunywa sesihlanu salukhalisa uphondo; ngabona inkanyezi ivela ezulwini, iwela emhlabeni, yanikwa ikhiye yomgodi ongelamkhawulo.

Isambulo 9:12

Uhlupho lokuqala selwedlulile; kodwa kuseza inhlupho ezimbili emva kwalokho.