Isambulo 7:2 - iBhayibhili Elingcwele 1978

² Ngasengibona esinye isithunywa siphuma empumalanga, siphethe uphawu lukaNkulunkulu ophilayo; samemeza ngelizwi elikhulu kuzo izithunywa ezine ezazinikwe amandla okona umhlaba lolwandle,

IBhayibhili Elingcwele LesiNdebele

² Ngabuya ngabona enye ingilosi isiza ivela empumalanga, ilophawu lukaNkulunkulu ophilayo. Yamemeza ngelizwi elikhulu ezingilosini ezine ezaziphiwe amandla okulimaza umhlaba lolwandle, isithi:

Isambulo 7:2 Mawu Ofanana

2 AmaKhosi 19:4

Mhlawumbe iNkosi uNkulunkulu wakho iwezwile wonke amazwi enceku enkulu ethunywe yinkosi yayo yaseAsiriya, ukuba iklolodele uNkulunkulu ophilayo, lokuthi izakukukhuza yona iNkosi uNkulunkulu wakho lokhu ekuzwileyo. Ngakhoke akukhulekele ingcosana eseleyo.

Ingoma 8:6

Ngigqiza ngibe luphawu esifubeni sakho lophawu engalweni yakho; ngoba uthando lulamandla njengokufa, lomhawu ulesihluku njengeliba; uthando luyavutha njengomlilo, lutshise njengelangabi.

U-Isaya 41:2

Ngubani ovusa lowo ovela ngasempumalanga onqobayo kuzo zonke indawo ahamba kizo na? Ngubani onikela izizwe phambi kwakhe, amenze anyathezele phansi amakhosi, umkhonto wakhe uyawachitha njengothuli, lemitshoko yakhe iwatsahaze njengezibi phambi komoya na?

UHezekhiyeli 9:4

yathi kuye: Dabula phakathi komuzi waseJerusalema, ufake uphawu emabunzini abantu ababubulayo bekhala ngawo wonke amanyala enziwa phakathi kwawo.

UMalaki 3:1

INkosi yamabandla ithi: Khangelani, ngiyasithuma isithunywa sami ukulungisa indlela phambi kwami. INkosi eliyidingayo izafika masinyane ethempelini layo; isithunywa sesivumelwano elithokoza ngaso siyeza.

UMalaki 4:2

Kodwa kini elesaba ibizo lami kuzakuphuma ilanga lokulunga lilokusilisa empikweni zalo. Lina lizaphuma, liqolotsha njengamathole ephuma esibayeni.

UMatewu 16:16

USimoni Petro waphendula wathi: UnguKristu, iNdodana kaNkulunkulu ophilayo.

UMatewu 26:63

Kodwa uJesu wathula. Umpristi omkhulu wathi kuye: Ngikufungisa uNkulunkulu ophilayo ukuba usitshele uba unguKristu, iNdodana kaNkulunkulu.

UJohane 6:27

Lingasebenzeli ukudla okuphelayo kodwa sebenzelani ukudla okuhlala kuze kube yikuphila okungapheliyo, ezakulinika khona iNdodana yomuntu; ngoba uNkulunkulu uYise ubeke kuyo uphawu lwakhe.

2 AbaseKhorinte 1:22

owabeka uphawu lwakhe kithi, wasinika uMoya wakhe enhliziyweni zethu ukuba yisibambiso.

Abase-Efesu 1:13

Lani, eselizwile ilizwi leqiniso elilivangeli lokusiliswa kwenu lakholwa kuye, libekwe uphawu loMoya oNgcwele othenjisiweyo

Abase-Efesu 4:30

Lingamdabukisi uMoya oNgcwele kaNkulunkulu elabekwa uphawu ngaye kuze kube lusuku lokuhlengwa.

UDutheronomi 5:26

Ngoba ngubani ebantwini bonke owezwa ilizwi likaNkulunkulu ophilayo likhuluma livela emlilweni, njengalokhu silizwile thina, waphila na?

1 AbaseThesalonika 1:9

Ngoba bona uqobo lwabo balandisa ngathi ukuthi kwaba njani ukufika kwethu kini, lokuthi laphendukela kuNkulunkulu litshiya izithombe, ukuba likhonze uNkulunkulu ophilayo weqiniso,

2 uTimothi 2:19

Kodwa isisekelo esiqinileyo sikaNkulunkulu simi silaloluphawu lokuthi: INkosi iyabazi abangabayo; lokuthi: Ilowo lalowo ophatha ibizo leNkosi kahlukane lokungalungi.

AmaHebheru 12:22

Kodwa lina lize entabeni yaseZiyone lasemzini kaNkulunkulu ophilayo, iJerusalema elasezulwini, lakuzithunywa eziyizigidi ezingelakubalwa ezihlangene ngokuthokoza,

Isambulo 1:3

Ubusisiwe owafundayo amazwi alesisiprofethi, babusisiwe lalabo abezwayo bagcine okulotshiweyo kuso, ngoba isikhathi siseduze.

Isambulo 10:1

Ngasengibona esinye isithunywa esilamandla sisehla sivela ezulwini; sambethe iyezi, lomchilowamakhosikazi usekhanda laso; ubuso baso babunjengelanga, lemilenze yaso injengensika zomlilo.

Isambulo 10:4

Kwathi imidumo eyisikhombisa isizwakele, ngasengizakuloba; kodwa ngezwa ilizwi livela ezulwini lisithi: Kwenze imfihlo okukhulunywe yimidumo eyisikhombisa, ungakulobi.

Isambulo 16:12

Isithunywa sesithupha sathululela okusemganwini waso emfuleni omkhulu iYufrathi; kwatsha amanzi awo, ukuba indlela ilungiselwe amakhosi avela ngasempumalanga.

Isambulo 5:2

Ngasengibona isithunywa esilamandla simemeza ngelizwi elikhulu sisithi: Ngubani ofanele ukuvula lincwadi lokuqhaqha impawu zayo na?

Isambulo 8:3

Kwasekufika esinye isithunywa, sema ngasealtare siphethe umganu wegolide wokutshisela impepha; sanikwa impepha enengi ukuba siyinikele kanye lemikhuleko yabo bonke abangcwele phezu kwealtare legolide eliphambi kwesihlalo sobukhosi.

Isambulo 9:14

lisithi kuso isithunywa sesithupha esasilophondo: Khulula izithunywa ezine ezibotshiweyo ngasemfuleni omkhulu iYufrathi.

Isambulo 9:4

Kwathiwa singoni utshani bomhlaba, leyodwa into eluhlaza, lesisodwa isihlahla, kuphela labobantu abangelalo uphawu lukaNkulunkulu emabunzini abo.

1 USamuyeli 17:26

UDavida wathi ebantwini ababemi laye: Uzakwenzelwani umuntu obulala lumFilistiya, asuse ihlazo koIsrayeli na? Ngoba ungubani lumFilistiya ongasokanga ukuba azeyise izimpi zikaNkulunkulu ophilayo na?

1 USamuyeli 17:36

Inceku yakho seyabulala izilwane lamabhere; lalumFilistiya ongasokanga ngizamenza njalo, lokhu weyisile izimpi zikaNkulunkulu ophilayo.