Isambulo 7:17 - iBhayibhili Elingcwele 1978

¹⁷ ngoba iWundlu elingaphakathi kwesihlalo sobukhosi lizakuba ngumalusi wabo, libaholele emithonjeni yamanzi okuphila; loNkulunkulu uzakwesula inyembezi zonke emehlweni abo.

IBhayibhili Elingcwele LesiNdebele

¹⁷ Ngoba iWundlu elingaphakathi kwesihlalo sobukhosi lizakuba ngumelusi wabo; lizabaholela emithonjeni yamanzi okuphila. ‘UNkulunkulu uzazesula zonke inyembezi emehlweni abo.’”

Isambulo 7:17 Mawu Ofanana

AmaHubo 22:26

Abayanga bazakudla basuthe; abafuna iNkosi bazakuyidumisa. Inhliziyo zenu kaziphile kuze kube nininini.

AmaHubo 23:5

Uyalungisa itafula phambi kwami laphambi kwezitha zami; ugcoba ikhanda lami ngamagcobo, umganu wami ugcwele uyaphuphuma.

AmaHubo 28:9

Siza abantu bakho, ubusise isizwe sakho, ube ngumalusi wabo, ubagcine kuze kube nininini.

U-Isaya 12:3

Ngokuthokoza uzakukha amanzi emithonjeni yokukhululwa.

U-Isaya 25:6

Kulintaba iZiyone iNkosi yamabandla izakwenzela abantu bonke idili elilokudla okumnandi, idili elilewayini elihle elicengekileyo, lelilezibondlo ezimnandi.

U-Isaya 25:8

Izakuqeda ukufa kokuphela. INkosi uNkulunkulu izakwesula inyembezi emehlweni wonke, isuse lehlazo labantu bayo emhlabeni wonke; ngoba iNkosi ikhulumile.

U-Isaya 30:19

Ngakhoke lina bantu abaseZiyone elakhe eJerusalema, kalisayikukhala futhi; impela iNkosi izakuba lomusa kini ekukhaleni kwenu; lapho ikuzwa, izaliphendula.

U-Isaya 30:25

Laphezu kwezintaba ezinde lamaqaqa amade kuzakuba lezifula zamanzi agelezayo osukwini lokubulawa okukhulu, mhla kusiwa izinqaba.

U-Isaya 35:10

abahlengiweyo beNkosi bazakubuyela ekhaya; bazafika eZiyone behlabela begcwele ukuthokoza okungapheliyo; bazazuza ukuthokoza lokujabula, usizi lokububula kuzakuphela.

U-Isaya 40:11

Izakwelusa umhlambi wayo njengomalusi, ibuthe amawundlu ngezingalo zayo, iwagone esifubeni sayo, ihole kuhle amadlezane.

U-Isaya 49:9

Ngizakuthi kwababotshiweyo: Phumani; lakwabasemnyameni: Phumelani obala. Bazakuba njengezimvu ezidla ngasezindleleni, lamadlelo abo abe semadundulwini wonke;

U-Isaya 51:11

Abahlengiweyo beNkosi bazakubuya, bangeneeZiyone behlabela; lokuthokoza okungapheliyo kube ngumqhele wamakhanda abo; bazazuza ukuthokoza lokujabula, usizi lokububula kuzakuphela.

U-Isaya 60:20

Ilanga lakho kalisayikutshona, lenyanga yakho kayisayikuncipha; ngoba iNkosi izakuba yikukhanya kwakho okungelakuphela, lensuku zokulila kwakho zizakuphela.

U-Isaya 65:19

Ngizathokoza ngeJerusalema, ngijabule ngabantu bami; kakusayikuzwakala kulo ilizwi lokukhala lelizwi lokulila.

UJeremiya 2:13

Ngoba abantu bami benzile izinto ezimbi ezimbili; bangihlamukele, mina mthombo wamanzi okuphila, bazigebhela imithombo etshayo, engabambi manzi.

UJeremiya 31:9

Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

UHezekhiyeli 34:23

Ngizazimisela umalusi abe munye, inceku yami uDavida, yena uzakuzelusa. Uzakuzidlisa abe ngumalusi wazo.

UMikha 5:4

Uzakuma aluse umhlambi wakhe ngamandla eNkosi, ngobukhosi bebizo leNkosi uNkulunkulu wakhe. Bazavikeleka, ngoba khathesi esemkhulu kuze kube semikhawulweni yomhlaba;

UMikha 7:14

Yelusa abantu bakho ngentonga yakho, umhlambi ongowakho impela ohlala wodwa ehlathini lasezihotsheni; kawalukele eBashani laseGileyadi njengasendulo.

UMatewu 2:6

Lawe Betlehema, lizwe lakoJuda, kawusuye omncinyane lakanye kubabusi bakoJuda, ngoba kuzakuvela kuwe umbusi ozakwalusa abantu bami uIsrayeli.

UMatewu 5:4

Babusisiwe abakhalayo, ngoba bazakududuzwa.

UJohane 10:11

Mina ngingumalusi olungileyo. Umalusi olungileyo udela ukuphila kwakhe ngenxa yezimvu.

UJohane 10:14

Mina ngingumalusi olungileyo; ngiyazazi ezami, lezami ziyangazi,

UJohane 4:10

UJesu wathi kuye: Uba ubusazile isiphiwo sikaNkulunkulu lokuthi ungubani othi kuwe: Nginathisa; ubuzakucela kuye, yena ubezakukunika amanzi aphilisayo.

UJohane 4:11

Wathi kuye: Nkosi, kawulalutho lokukha, lomthombo uyatshona, uwathathaphi pho lamanzi aphilisayo na?

UJohane 4:14

kodwa lowo onatha amanzi engizakumnika wona kasayikoma; amanzi engizakumnika wona azakuba ngumthombo ogobhozayo phakathi kwakhe, kube yikuphila okungapheliyo.

Imisebenzi 20:28

Ziqapheleni lina lawo wonke umhlambi alibeke kuwo uMoya oNgcwele ukuba libe ngababonisi bokwalusa ibandla leNkosi ezizuzele lona ngegazi layo.

1 UPhethro 5:2

Yalusani umhlambi kaNkulunkulu eliwunikiweyo, kungabi ngokubanjwa ngamandla, kodwa ngokuthanda langokwentando kaNkulunkulu, kungabi ngenxa yenzuzo elihlazo, kodwa ngokuvuma kwenhliziyo,

Isambulo 14:4

Labo yibo abangangcoliswanga yisifazana, ngoba bazigcina behlambululukile; yibo abalandela iWundlu loba lisiya ngaphi. Labo bahlengwa ebantwini, baba yizithelo zokuqala kuNkulunkulu lakulo iWundlu.

Isambulo 21:22

Kangibonanga ithempeli phakathi komuzi, ngoba iNkosi uNkulunkulu, uSomandla, kanye leWundlu balithempeli lawo.

Isambulo 21:23

Umuzi kawudingi ilanga lenyanga ukuba kukhanyise kuwo, ngoba inkazimulo kaNkulunkulu iyawukhanyisa, leWundlu liyisibane sawo.

Isambulo 21:4

azesule izinyembezi zonke emehlweni abo; ukufa kakusayikuba khona, lokulila lokukhala lobuhlungu; ngoba izinto zakuqala sezidlulile.

Isambulo 21:6

Wasesithi kimi: Sekwenzekile. NginguAlfa loOmega, ukuqala lokucina. Owomileyo ngizakumnathisa ngesihle emthonjeni wamanzi okuphila.

Isambulo 22:1

Wasengitshengisa umfula wamanzi okuphila acwengekileyo kakhulu, evela esihlalweni sobukhosi sikaNkulunkulu leseWundlu,

Isambulo 4:11

Ufanele, wena Nkosi yethu loNkulunkulu wethu, ukwamukela ubukhosi lodumo lamandla, ngoba nguwe owadala izinto zonke, langenxa yentando yakho zaba khona, zadalwa.

Isambulo 5:6

Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.