Isambulo 7:12 - iBhayibhili Elingcwele 1978

¹² zisithi: Ameni. Ukudunyiswa, lobukhosi, lokuhlakanipha, lokubonga, lodumo, lamandla, lokunqoba, kakube kuNkulunkulu wethu kuze kube nininini. Ameni.

IBhayibhili Elingcwele LesiNdebele

¹² zisithi: “Ameni! Udumo lobukhosi lokuhlakanipha lokubongwa lokuhlonitshwa lamandla kanye lokuqina kakube kuNkulunkulu wethu nini lanini. Ameni!”

Isambulo 7:12 Mawu Ofanana

UNehemiya 12:46

Ngoba ensukwini zikaDavida uAsafi wabekwa waba yinduna yabahlabeleli bokudumisa lokubonga uNkulunkulu.

UNehemiya 12:8

AmaLevi ayengoJeshuwa loBinuwi loKadimiyeli loSherebiya loJuda, loMathaniya, yena labafowabo yibo ababekhokhela ekuhlabeleni ingoma zokubonga.

AmaHubo 100:4

Ngenani emasangweni ethempeli layo ngokubonga, lasemagumeni alo ngokudumisa. Ibongeni, lidumise ibizo layo.

AmaHubo 106:48

Kayibongwe iNkosi, uNkulunkulu kaIsrayeli, kusukela endulo kuze kube nini lanini! Abantu bonke kabathi: Ameni. Dumisani iNkosi!

AmaHubo 107:22

Kabanikele umnikelo wokubonga, bahlabelele izenzo zayo ngokuthaba.

AmaHubo 116:17

Ngizakunikela kuwe iminikelo yokubonga, ngikhuleke ebizweni lakho.

AmaHubo 147:7

Hlabelelani iNkosi ingoma yokubonga; limdumise uNkulunkulu wethu ngamachacho.

AmaHubo 41:13

Kayibongwe iNkosi, uNkulunkulu kaIsrayeli, kusukela endulo kuze kube nininini. Ameni, Ameni.

AmaHubo 50:14

Nikela kuNkulunkulu umnikelo wokubonga, ugcwalise izithembiso zakho koPhezukonke;

AmaHubo 72:19

Kalibongwe ibizo lakhe elilodumo kuze kube nininini; umhlaba wonke ugcwale ubukhosi bakhe. Ameni, Ameni!

AmaHubo 89:52

Kayibongwe iNkosi kuze kube nini lanini. Ameni, Ameni.

AmaHubo 95:2

Kasize phambi kwayo ngokubonga, sihlabele kuyo amahubo.

U-Isaya 51:3

Ngoba iNkosi izakuliduduza iZiyone, iduduze wonke amanxiwa alo, izakwenza inkangala yalo ifane leEdeni, lomhlaba walo olugwadule ufane lensimu yeNkosi; injabulo lentokozo kuzafunyanwa khona, lokubonga lelizwi lokuhlabelela.

UJeremiya 33:11

ilizwi lokuthaba lelizwi lokuthokoza, ilizwi lomyeni lelomlobokazi, lelizwi labahlabelayo lapho beletha iminikelo yabo yokubonga ethempelini lami besithi: Bongani iNkosi yamabandla, ngoba ilungile, ngoba uthando lwayo olungapheliyo lumi kuze kube nininini. Ngoba ngizabuyisa abantu belizwe babe njengakuqala, kutsho iNkosi.

UJeremiya 33:9

IJerusalema lizakuba libizo elingijabulisayo, udumo lwami lokuzincoma kwami, kuzo zonke izizwe zomhlaba ezizakuzwa ngokuhle konke engibenzela khona; zizakwesaba, zithuthumele ngokuhle konke langokuphumelela konke engibenzele khona.

UJona 2:9

Kodwa mina ngizanikela umnikelo ngikudumise ngelizwi lokubonga, ngigcwalise izithembiso zami; ukukhulula kungokweNkosi.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

AbaseRoma 11:36

Ngoba konke kuvela kuye, kungaye, kuya kuye; kakube kuye ubukhosi kuze kube nininini. Ameni.

1 AbaseKhorinte 14:16

Uba kungenjalo, nxa ubonga ngomoya, lowo ongafundanga angatsho kanjani ukuthi Ameni ekubongeni kwakho, lokhu engakwazi okutshoyo na?

2 AbaseKhorinte 4:15

Konke kwenziwa ngenxa yenu, ukuthi njengoba umusa ukhula wande ebantwini, kuzakwanda ukubonga, adunyiswe uNkulunkulu.

AbaseKholose 2:7

ligxilile, lakhiwe kuye, liqiniswe ekukholweni njengokufundiswa kwenu, lande ekubongeni.

AbaseKholose 3:17

Konke elikwenzayo, loba kungelizwi loba kungezenzo, kwenzeni konke ebizweni leNkosi uJesu, libonge uNkulunkulu uYise ngaye.

UJuda 1:25

kuye uNkulunkulu oyedwa uMsilisi wethu, ngoJesu Kristu iNkosi yethu, kakube inkazimulo, lobukhulu, lobukhosi, lamandla, kungakabi khona isikhathi, lakhathesi, kuze kube nini lanini. Ameni.

Isambulo 1:18

lophilayo; ngangifile, khathesi sengikhona ngiphila kuze kube nininini, ngilamakhiye okufa lawendawo yabafileyo.

Isambulo 19:4

Abadala abangamatshumi amabili lane lezidalwa ezine eziphilayo zaziwisela phansi, zamdumisa uNkulunkulu ohlezi esihlalweni sobukhosi zisithi: Ameni! Haleluya!