Isambulo 6:8 - iBhayibhili Elingcwele 1978

⁸ Ngakhangela, ngabona ibhiza eliliganu, oligadileyo ibizo lakhe kwakuthiwa ngukuFa, leHadesi lamlandela. Wanikwa amandla phezu kwengxenye yesine yokomhlaba ukuba abulale ngomkhonto, langendlala, langomkhuhlane, langezilo.

IBhayibhili Elingcwele LesiNdebele

⁸ Ngakhangela, khonapho phambi kwami kwakulebhiza eliliganu! Umgadi walo wayethiwa nguKufa, leHadesi lalimlandela eduzane emva kwakhe. Babephiwe amandla phezu kwengxenye yesine yomhlaba ukuba babulale ngenkemba langendlala langezifo kanye langezilo zeganga zasemhlabeni.

Isambulo 6:8 Mawu Ofanana

Izaga 5:5

Inyawo zaso zehlela ekufeni, lezinyathelo zaso zihamba ngendlela yasendaweni yabafileyo.

U-Isaya 25:8

Izakuqeda ukufa kokuphela. INkosi uNkulunkulu izakwesula inyembezi emehlweni wonke, isuse lehlazo labantu bayo emhlabeni wonke; ngoba iNkosi ikhulumile.

UJeremiya 14:12

Loba bezila ukudla, kangiyikuzwa ukukhala kwabo; loba benikela umnikelo wokutshiswa lomnikelo wempuphu, kangiyikuthokoza ngabo; kodwa ngizabaqeda ngempi langendlala langomkhuhlane.

UJeremiya 16:16

Khangelani, ngiyathumela abagoli benhlanzi abanengi, bababambe, kutsho iNkosi; emva kwalokho ngizathumela abazingeli abanengi, babazingele entabeni zonke, lasemaqaqeni wonke, babakhuphe ezimbalwini zamatshe zonke.

UJeremiya 16:4

Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

UJeremiya 24:10

Ngizabehlisela impi lendlala lomkhuhlane, baze babhubhe baphele elizweni engibanika lona lokhokho babo.

UJeremiya 29:17

ithi: Khangelani, ngiyathuma kibo impi lendlala lomkhuhlane, ngibenze babe njengomkhiwa omubi kakhulu ongadlekiyo ngenxa yobubi bawo.

UJeremiya 43:11

Uzafika, ahlasele ilizwe laseGibithe, labo abamiselwe umkhuhlane abanikele emkhuhlaneni, abamiselwe ukuthunjwa abanikele ekuthunjweni, labamiselwe umkhonto abanikele emkhontweni;

UHezekhiyeli 29:5

Ngikuphosele enkangala, wena lazo zonke inhlanzi zemifula yakho, liwele egangeni lingabuthwa lingcwatshwe. Ngizakukunikela ube yikudla kwezilo zomhlaba lenyoni zaphezulu.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHosiya 13:14

Ngizabahlawulela emandleni endawo yabafileyo yini? ngibahlenge ekufeni na? Kufa, zingaphi izifo zakho na? Ndawo yabafileyo, kungaphi ukuchitheka kwakho? Isihawu kasisekho kimi.

UHabhakhukhi 2:5

Iwayini liyakhohlisa; umuntu ozikhukhumezayo kayikuma; ubuhwaba bakhe bubanzi njengendawo yabafileyo; kasuthi njengokufa; uzibuthela zonke izizwe, aziqoqele bonke abantu.

UZakhariya 6:3

eyesithathu ilamabhiza amhlophe, leyesine ilamabhiza alamabala.

UMatewu 11:23

Wenake, Kapenawume, uzakuphakanyiselwa ezulwini na? Atshi! Uzakwehliselwa endaweni yabafileyo; ngoba uba yayenziwe eSodoma imisebenzi yamandla eyenziwe kuwe, ngabe lisekhona iSodoma kuze kube lamuhla.

UMatewu 24:7

Ngoba isizwe sizakuvukela isizwe, lombuso uvukele umbuso; kube khona indlala lokuzamazama komhlaba indawo ngendawo.

1 AbaseKhorinte 15:55

Kufa, kungaphi ukunqoba kwakho na? Kufa, lungaphi udonsi lwakho na?

Isambulo 1:18

lophilayo; ngangifile, khathesi sengikhona ngiphila kuze kube nininini, ngilamakhiye okufa lawendawo yabafileyo.

Isambulo 12:4

umsila wawo wadonsa ingxenye yesithathu yezinkanyezi zomkhathi, waziphosela emhlabeni. Umgobho wema phambi kowesifazana obesezakubeletha, ukuze kuthi lapho esebelethile, udle umntwana wakhe.

Isambulo 9:15

Zasezikhululwa izithunywa ezine ezazilungiselwe lezizikhathi losuku lenyanga lomnyaka ukuba zibulale ingxenye yesithathu yabantu.

Isambulo 9:18

Ngalezizifo ezintathu kwabulawa ingxenye yesithathu yabantu ngomlilo langentuthu langesolufa, okwaphuma emilonyeni yawo.