Isambulo 5:6 - iBhayibhili Elingcwele 1978

⁶ Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.

IBhayibhili Elingcwele LesiNdebele

⁶ Ngabona iWundlu, kukhanya angathi lalibulewe, limi phakathi laphakathi kwesihlalo sobukhosi, lizingelezwe yizidalwa eziphilayo ezine labadala. Lalilempondo eziyisikhombisa lamehlo ayisikhombisa, okungomoya abayisikhombisa bakaNkulunkulu abathunywe emhlabeni wonke.

Isambulo 5:6 Mawu Ofanana

2 ImiLando 16:9

Ngoba amehlo eNkosi uNkulunkulu athalaza emhlabeni wonke ukuba ibatshengise amandla ayo ngenxa yalabo abalenhliziyo ezipheleleyo kuyo. Wena wenzile ubuthutha kulokhu, ngakho kusukela lamhlanje uzakuba lezimpi ezinengi.

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UDanyeli 8:3

Ngaphakamisa amehlo ami, ngabona inqama imi okhunjini lomfula. Yayilempondo ezimbili, impondo zombili zazinde, olwesibili lulude ukwedlula olunye.

UMikha 4:13

Sukuma, ubhule, Ziyone, ngoba ngizakwenza impondo zakho zibe yinsimbi, lamangqina akho abe lithusi. Uza hoboza abantu abanengi, wahlukanisele iNkosi inzuzo yabo lemfuyo yabo iNkosi yomhlaba wonke.

UHabhakhukhi 3:4

Ukucwazimula kwakhe kwakunjengokukhanya, imisebe yavela esandleni sakhe, efihla lapho amandla akhe.

UZakhariya 3:9

Nanti ilitshe engalibeka phambi kukaJoshuwa, ilitshe okukhona kilo amacele ayisikhombisa; mina ngizakubhala umbhalo kilo, kutsho iNkosi yamabandla; ngizasusa ububi balelilizwe ngosuku olulodwa.

UZakhariya 4:10

Ngubani odelele usuku lwezinto ezincinyane na? Uzathokoza lapho ebona uZerubabeli ephethe ilitshe elikhethiweyo. Isithunywa sasesisithi: Izibane eziyisikhombisa zingamehlo eNkosi athalazayo umhlaba wonke.

AmaNani 7:39

inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

AmaNani 7:57

inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

ULukha 1:69

Yasivusela uMkhululi olamandla endlini kaDavida inceku yayo,

UJohane 1:29

Ngakusasa wabona uJesu esiza kuye, wathi: Khangelani, iWundlu likaNkulunkulu elisusayo isono somhlaba.

UJohane 1:36

Wakhangela uJesu ehamba, wathi: Khangelani, iWundlu likaNkulunkulu.

Imisebenzi 8:32

Isahlukwana sombhalo eyayisifunda yilesi esithi: Walethwa ekuhlatshweni njengemvu; njengewundlu lithule phambi komgundi walo kunjalo kawuvulanga umlomo wakhe.

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

Isambulo 12:11

Bamnqobile ngegazi leWundlu langelizwi lobufakazi babo, ngoba badela ukuphila kwabo kwaze kwaba sekufeni.

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.

Isambulo 14:1

Ngasengikhangela, ngabona iWundlu limi entabeni yaseZiyone, kumi kanye lalo abayizinkulungwane ezilikhulu lamatshumi amane lane, abalotshwe ibizo lalo lelikaYise emabunzini abo.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 21:22

Kangibonanga ithempeli phakathi komuzi, ngoba iNkosi uNkulunkulu, uSomandla, kanye leWundlu balithempeli lawo.

Isambulo 21:23

Umuzi kawudingi ilanga lenyanga ukuba kukhanyise kuwo, ngoba inkazimulo kaNkulunkulu iyawukhanyisa, leWundlu liyisibane sawo.

Isambulo 22:1

Wasengitshengisa umfula wamanzi okuphila acwengekileyo kakhulu, evela esihlalweni sobukhosi sikaNkulunkulu leseWundlu,

Isambulo 22:3

Kakusayikuba khona lokukodwa okuqalekisiweyo. Isihlalo sobukhosi sikaNkulunkulu leseWundlu zizakuba kuwo, lezinceku zakhe zizakumdumisa,

Isambulo 4:8

Izidalwa ezine eziphilayo, ileso laleso kuzo silamaphiko ayisithupha; emaceleni wonke langaphakathi zigcwele amehlo; emini lebusuku kazikhawuli ukuhlabela zisithi: Ingcwele, ingcwele, ingcwele iNkosi uNkulunkulu uSomandla, owayekhona lokhona lozakuba khona.

Isambulo 5:11

Ngasengikhangela, ngezwa ilizwi lezithunywa ezingelakubalwa; zonke zazimi zihanqe isihlalo sobukhosi, lezidalwa eziphilayo labadala; izigidigidi zazikhona lapho, izinkulungwane ngezinkulungwane, zamemeza ngelizwi elikhulu zisithi:

Isambulo 5:12

Lifanele iWundlu elahlatshwayo ukwamukela amandla lenotho, lokuhlakanipha, lokunqoba, lodumo, lobukhosi, lokudunyiswa.

Isambulo 5:13

Ngezwa konke okudaliweyo okusezulwini, lokusemhlabeni, lokungaphansi komhlaba, lokusolwandle, kusithi: Kuye ohlezi esihlalweni sobukhosi lakulo iWundlu kakube ukudunyiswa, lodumo, lobukhosi, lokunqoba, kuze kube nini lanini.

Isambulo 5:14

Lezidalwa ezine eziphilayo zathi: Ameni. Labadala baziwisela phansi, bakhonza.

Isambulo 6:16

besithi ezintabeni lasemaweni: Welani phezu kwethu, lisifihle emehlweni akhe ohlezi esihlalweni sobukhosi lasolakeni lweWundlu,

1 USamuyeli 2:10

Izitha zeNkosi zizabhujiswa; oPhezukonke uzaduma esezulwini, ahlulele emhlabeni wonke, anike amandla inkosi yakhe, aphakamise amandla ogcotshiweyo wakhe.