Isambulo 5:13 - iBhayibhili Elingcwele 1978

¹³ Ngezwa konke okudaliweyo okusezulwini, lokusemhlabeni, lokungaphansi komhlaba, lokusolwandle, kusithi: Kuye ohlezi esihlalweni sobukhosi lakulo iWundlu kakube ukudunyiswa, lodumo, lobukhosi, lokunqoba, kuze kube nini lanini.

IBhayibhili Elingcwele LesiNdebele

¹³ Ngezwa izidalwa zonke ezulwini lasemhlabeni langaphansi komhlaba lasolwandle lakho konke okukukho, kuhlabela kusithi: “Kuye ohlezi esihlalweni sobukhosi lakulo iWundlu kakube lenhlonipho lodumo lenkazimulo kanye lamandla kuze kube nininini!”

Isambulo 5:13 Mawu Ofanana

1 ImiLando 29:11

Bungobakho, wena Nkosi, ubukhulu lamandla lodumo lokunqoba lobukhosi; ngoba konke okusezulwini lokusemhlabeni kungokwakho; umbuso ungowakho, Nkosi; wena uphakeme, uyinhloko phezu kwakho konke.

U-Isaya 24:14

Abantu bayaphakamisa amazwi abo, behlabela ngokuthokoza, bememeza ngobukhosi beNkosi ngasentshonalanga.

U-Isaya 42:10

Hlabelelani iNkosi ingoma entsha, liyidumise emhlabeni wonke. Luhlokome ulwandle lakho konke okukilo, lamazwe angasolwandle, labo abakhe kiwo.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

ULukha 2:14

Udumo kalube kuNkulunkulu kweliphezulu, lokuthula emhlabeni ebantwini abathokozelwa nguye.

UJohane 1:29

Ngakusasa wabona uJesu esiza kuye, wathi: Khangelani, iWundlu likaNkulunkulu elisusayo isono somhlaba.

AbaseRoma 11:36

Ngoba konke kuvela kuye, kungaye, kuya kuye; kakube kuye ubukhosi kuze kube nininini. Ameni.

AbaseRoma 16:27

kuNkulunkulu olokwazi yena yedwa kakube ubukhosi ngoJesu Kristu kuze kube nininini. Ameni.

AbaseRoma 9:5

bangababo okhokho avela kubo uKristu ngokwenyama. UNkulunkulu ophezu kwakho konke kabongwe kuze kube nininini. Ameni.

Abase-Efesu 3:21

kakube kuye udumo ebandleni lakuKristu Jesu ezizukulwaneni zonke kuze kube nini lanini. Ameni.

AbaseFiliphi 2:10

ukuze kuthi ebizweni likaJesu amadolo wonke aguqe, awabasezulwini, lawabasemhlabeni, lawabangaphansi komhlaba,

AbaseKholose 1:23

uba lihlala ekukholweni, lisekelwe liqinile, lingasuki ethembeni levangeli elalizwayo. Lona latshunyayelwa kukho konke okudaliweyo okungaphansi kwezulu, engenziwe isikhonzi salo mina Pawuli.

1 uTimothi 4:16

Zinanzelele wena kanye lokufundisa kwakho; ukhuthale kulezizinto; ngoba ngokwenza njalo uzakuzisilisa wena kanye lalabo abakuzwayo.

1 UPhethro 4:11

Uba umuntu ekhuluma, kakhulume ngokungathi ukhuluma amazwi kaNkulunkulu; uba umuntu esebenza, kasebenze ngamandla awanikwa nguNkulunkulu, ukuze uNkulunkulu adunyiswe kukho konke ngoJesu Kristu. Kukhona kuye ubukhosi lamandla kuze kube nininini. Ameni.

1 UPhethro 5:11

Kakube kuye amandla kuze kube nininini. Ameni.

UJuda 1:25

kuye uNkulunkulu oyedwa uMsilisi wethu, ngoJesu Kristu iNkosi yethu, kakube inkazimulo, lobukhulu, lobukhosi, lamandla, kungakabi khona isikhathi, lakhathesi, kuze kube nini lanini. Ameni.

Isambulo 1:6

lowasenza saba ngumbuso labapristi kuNkulunkulu uYise, kakube kuye ubukhosi lamandla kuze kube nininini. Ameni.

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.

Isambulo 5:1

Ngasengibona esandleni sokunene sakhe owayehlezi esihlalweni sobukhosi incwadi elotshwe ngaphakathi langaphandle, inanyekiwe ngempawu eziyisikhombisa.

Isambulo 5:12

Lifanele iWundlu elahlatshwayo ukwamukela amandla lenotho, lokuhlakanipha, lokunqoba, lodumo, lobukhosi, lokudunyiswa.

Isambulo 5:3

Kwakungekho lamunye ezulwini, lasemhlabeni, langaphansi komhlaba owayelamandla okuyivula incwadi, lokukhangela phakathi kwayo.

Isambulo 5:6

Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;

Isambulo 6:16

besithi ezintabeni lasemaweni: Welani phezu kwethu, lisifihle emehlweni akhe ohlezi esihlalweni sobukhosi lasolakeni lweWundlu,