Isambulo 4:8 - iBhayibhili Elingcwele 1978

⁸ Izidalwa ezine eziphilayo, ileso laleso kuzo silamaphiko ayisithupha; emaceleni wonke langaphakathi zigcwele amehlo; emini lebusuku kazikhawuli ukuhlabela zisithi: Ingcwele, ingcwele, ingcwele iNkosi uNkulunkulu uSomandla, owayekhona lokhona lozakuba khona.

IBhayibhili Elingcwele LesiNdebele

⁸ Esinye lesinye salezozidalwa eziphilayo sasilempiko eziyisithupha njalo sigcwele amehlo amacele wonke, kanye langaphansi kwempiko. Emini lebusuku kazizange zithule ukuthi: “ ‘Ingcwele, Ingcwele, Ingcwele, iNkosi uNkulunkulu uSomandla,’ owayekhona, okhona, njalo ozabuya.”

Isambulo 4:8 Mawu Ofanana

UGenesisi 17:1

Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

AmaHubo 91:1

Yena owakhileyo ekusithekeni koPhezukonke, ohlala emthunzini kaSomandla,

U-Eksodasi 15:11

Ngubani onjengawe, Nkosi, phakathi kwabonkulunkulu na? Ngubani onjengawe olobukhosi ngobungcwele, owesabekayo ngezenzo ezinkulu, owenza izimangaliso na?

U-Eksodasi 3:14

UNkulunkulu wathi kuMose: NGINGUYE ENGINGUYE. Wathi futhi: Uzakutsho kwabakoIsrayeli ukuthi: UNGINGUYE ungithumile kini.

U-Isaya 13:6

Lilani, ngoba usuku lweNkosi lusondele; njengokuchitheka okuvela kuSomandla luzakufika.

U-Isaya 62:1

Ngenxa yeZiyone kangiyikuthula, langenxa yeJerusalema kangiyikuphumula, kuze kuphume ukulunga kwalo njengokukhanya, lokukhululwa kwalo njengesibane esivuthayo.

UHezekhiyeli 1:18

Amavili womane ayelemiphetho lezipoko, imiphetho yawo yayigcwele amehlo.

UHezekhiyeli 1:5

Phakathi kwalo kwavela umfanekiso wezidalwa ezine eziphilayo. Izimo zazo zazinje, zazifana labantu,

UHezekhiyeli 1:6

kodwa yileso laleso silobuso obune lempiko ezine.

UHezekhiyeli 10:12

Yonke imizimba yawo lemihlana yawo lezandla zawo lempiko zawo lamavili kwakugcwele amehlo indawo zonke.

UJoweli 1:15

Maye ngalolosuku! Ngoba usuku lweNkosi luseduze, luzafika njengokuchitheka okulethwa nguSomandla.

Imisebenzi 20:31

Ngakho lindani, likhumbule ukuthi okweminyaka emithathu ebusuku lemini kangiyekelanga ukuleluleka lonke ngenyembezi.

2 AbaseKhorinte 6:18

Ngizakuba nguYihlo wenu, lina libe ngamadodana lamadodakazi ami, kutsho iNkosi uSomandla.

1 AbaseThesalonika 2:9

Liyakhumbula, bazalwane, ukusebenza lokutshikatshikeka kwethu, sisebenza ubusuku lemini, ukuze singabi ngumthwalo lakoyedwa wenu, lapho silitshumayeza ivangeli likaNkulunkulu.

1 uTimothi 4:16

Zinanzelele wena kanye lokufundisa kwakho; ukhuthale kulezizinto; ngoba ngokwenza njalo uzakuzisilisa wena kanye lalabo abakuzwayo.

2 uTimothi 4:2

ukuba utshumayele ilizwi, uqinise ngazo izikhathi ezilungileyo lezingalunganga, usole, ukhuze, weluleke, ungadinwa yikubekezela lokufundisa.

AmaHebheru 13:8

UJesu Kristu nguye izolo, lalamuhla, lanininini.

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

Isambulo 1:8

Mina nginguAlfa loOmega, kutsho iNkosi uNkulunkulu okhona lowayekhona lozakuba khona, uSomandla.

Isambulo 11:17

besithi: Siyakubonga, Nkosi Nkulunkulu, Somandla, okhona lowayekhona, ngoba uthethe amandla akho amakhulu, waqala ukubusa.

Isambulo 14:11

Lentuthu yomlilo wokuhlutshwa kwabo ithunqa kuze kube nininini; kabalakuphumula emini lebusuku laba abakhonza isilo lomfanekiso waso, lalowo obekwe uphawu lwebizo laso.

Isambulo 14:3

Bahlabela ingoma entsha phambi kwesihlalo sobukhosi laphambi kwezidalwa ezine eziphilayo laphambi kwabadala. Kakho olamandla okuyifunda leyongoma, kuphela abayizinkulungwane ezilikhulu lamatshumi amane lane abahlengiweyo emhlabeni.

Isambulo 15:3

Bahlabela ingoma kaMose inceku kaNkulunkulu lengoma yeWundlu besithi: Mikhulu, iyamangalisa imisebenzi yakho, Nkosi Nkulunkulu, Somandla; zilungile, ziqotho izindlela zakho, Nkosi yazo zonke izikhathi.

Isambulo 15:7

Esinye sezidalwa ezine eziphilayo sanika izithunywa eziyisikhombisa imiganu yegolide eyisikhombisa, igcwele ulaka lukaNkulunkulu ophilayo kuze kube nininini.

Isambulo 16:14

Yona ingomoya ababi abenza izibonakaliso, abaphuma ukuya emakhosini omhlaba wonke ukuwahlanganisela ekulweni ngosuku olukhulu lukaNkulunkulu, uSomandla. —

Isambulo 16:7

Ngasengisizwa ialtare lisithi: Yebo, Nkosi Nkulunkulu, Somandla, kuqotho kulungile ukuthonisisa kwakho.

Isambulo 19:15

Emlonyeni wakhe kwaphuma umhedla obukhali azakutshaya izizwe ngawo; yena uzakuzibusa ngentonga yensimbi; uzakunyathela isikhamelo sewayini lentukuthelo yolaka lukaNkulunkulu uSomandla.

Isambulo 19:4

Abadala abangamatshumi amabili lane lezidalwa ezine eziphilayo zaziwisela phansi, zamdumisa uNkulunkulu ohlezi esihlalweni sobukhosi zisithi: Ameni! Haleluya!

Isambulo 21:22

Kangibonanga ithempeli phakathi komuzi, ngoba iNkosi uNkulunkulu, uSomandla, kanye leWundlu balithempeli lawo.

Isambulo 3:7

Lakuso isithunywa sebandla eliseFiladelfiya loba uthi: Nanku akutshoyo ongcwele loqotho, olekhiye kaDavida, ovula kungavali muntu, lovala kungavuli muntu,

Isambulo 4:4

Izihlalo zobukhosi ezingamatshumi amabili lane zazihanqe lesosihlalo sobukhosi; phezu kwazo kwakuhlezi abadala abangamatshumi amabili lane bembethe ingubo ezimhlophe, bethwele imiqhele emakhanda abo.

Isambulo 4:6

laphambi kwesihlalo sobukhosi kwakukhona okunjengengilazi kufana longqoqwane. Phakathi kwesihlalo sobukhosi labadala kwakukhona izidalwa ezine eziphilayo ezilamehlo ngemuva langaphambili, zizingelezele isihlalo sobukhosi.

Isambulo 4:9

Kuthi lapho izidalwa eziphilayo zimnika ubukhosi lodumo lokubongwa lowo ohlezi esihlalweni sobukhosi, ophilayo kuze kube nininini,

Isambulo 5:6

Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.

Isambulo 6:1

Ngasengibona lapho iWundlu livula olunye lwezimpawu eziyisikhombisa, ngezwa esinye sezidalwa ezine eziphilayo sisithi ngelizwi elidumayo: Woza!

Isambulo 6:6

Ngasengisizwa kungathi yilizwi phakathi kwezidalwa ezine eziphilayo lisithi: Ingcebethu yamabele izakuthengwa ngendibilitshi ezilitshumi, lezingcebethu ezintathu zebhali zizakuthengwa ngendibilitshi ezilitshumi; kodwa ungoni amafutha lewayini.

Isambulo 7:11

Izithunywa zonke zazimi zihanqe isihlalo sobukhosi labadala lezidalwa ezine eziphilayo, zaziwisela phansi ngobuso phambi kwesihlalo sobukhosi zikhonza uNkulunkulu,

Isambulo 7:15

Ngakhoke baphambi kwesihlalo sobukhosi sikaNkulunkulu bemkhonza emini lebusuku ethempelini lakhe, lohleziyo esihlalweni sobukhosi uzakuhlala labo.