Isambulo 4:10 - iBhayibhili Elingcwele 1978

¹⁰ abadala abangamatshumi amabili lane baziwisela phansi phambi kwakhe ohlezi esihlalweni sobukhosi, bamkhonza yena ophilayo kuze kube nininini, baphosela imiqhele yabo phambi kwesihlalo sobukhosi, behlabela besithi:

IBhayibhili Elingcwele LesiNdebele

¹⁰ abadala abangamatshumi amabili lane bawela phansi phambi kwakhe ohlezi esihlalweni sobukhosi, bamkhonza yena ophila kuze kube nininini. Babeka imiqhele yabo phambi kwesihlalo sobukhosi bathi:

Isambulo 4:10 Mawu Ofanana

1 ImiLando 29:20

UDavida wasesithi kulo lonke ibandla: Ibongeni iNkosi uNkulunkulu wenu. Lonke ibandla layibonga iNkosi, uNkulunkulu wabokhokho babo; bathi mbo ngobuso phansi, bekhonza iNkosi uNkulunkulu, behlonipha lenkosi uDavida.

2 ImiLando 7:3

Kwathi lapho bonke abakoIsrayeli bebona umlilo usehla lenkazimulo yeNkosi iphezu kwethempeli, bathi mbo ngobuso phansi endaweni egandelweyo, badumisa bebonga iNkosi besithi: Ngoba ilungile, uthando lwayo olungapheliyo lumi kuze kube nininini.

UJobe 1:20

UJobe wasesuka edabula ingubo yakhe, waphuca ikhanda lakhe, wawa phansi, wakhuleka;

AmaHubo 115:1

Kakungabi yithi, Nkosi, kakungabi yithi, kodwa kakube libizo lakho elinikwa udumo, ngenxa yothando lwakho olungapheliyo lobuqotho bakho.

AmaHubo 47:8

UNkulunkulu uyabusa izizwe; uNkulunkulu uhlezi esihlalweni sakhe esingcwele sobukhosi.

AmaHubo 72:11

Amakhosi wonke azakuwa phansi phambi kwayo, izizwe zonke ziyikhonze.

AmaHubo 95:6

Wozani, sikhonze sikhothame, siguqe phambi kweNkosi, uMenzi wethu.

U-Isaya 6:1

Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

UMatewu 2:11

Zasezingena endlini, zabona umntwana loMariya unina, zakhothamela phansi, zamkhonza, zasibukula izitsha zazo ezilempahla eligugu, zamkhunga ngeziphiwo, igolide lamakha lenhlaka.

ULukha 24:52

Babuyela eJerusalema, belokuthokoza okukhulu.

1 AbaseKhorinte 15:10

Kodwa ngomusa kaNkulunkulu ngiyikho lokho engiyikho khona, umusa wakhe kimi kawubanga yize; isibili, ngisebenze kakhulu kulabo bonke; kanti kasimi engasebenzayo, kodwa ngumusa kaNkulunkulu okimi.

UDutheronomi 32:40

Ngoba ngiphakamisela isandla sami ezulwini, ngifunge ngithi: Njengoba ngiphila kokuphela,

Isambulo 10:6

safunga yena ophilayo kuze kube nininini, owadala izulu lakho konke okukulo, lomhlaba lakho konke okukuwo, lolwandle lakho konke okukulo, sathi: Kakusayikuphuzwa;

Isambulo 11:16

Abadala abangamatshumi amabili lane abahlezi ezihlalweni zabo zobukhosi phambi kukaNkulunkulu bathi mbo ngobuso phansi, bakhonza uNkulunkulu,

Isambulo 15:4

Ngubani ongayikukwesaba, Nkosi, adumise ibizo lakho na? Ngoba nguwe wedwa ongcwele; izizwe zonke zizakuza zikudumise, ngoba izenzo zakho zokulunga zibonakalisiwe.

Isambulo 15:7

Esinye sezidalwa ezine eziphilayo sanika izithunywa eziyisikhombisa imiganu yegolide eyisikhombisa, igcwele ulaka lukaNkulunkulu ophilayo kuze kube nininini.

Isambulo 19:4

Abadala abangamatshumi amabili lane lezidalwa ezine eziphilayo zaziwisela phansi, zamdumisa uNkulunkulu ohlezi esihlalweni sobukhosi zisithi: Ameni! Haleluya!

Isambulo 4:2

Masinyane ngehlelwa nguMoya; ngabona isihlalo sobukhosi simi ezulwini, ngabona ohlezi phezu kwesihlalo sobukhosi.

Isambulo 4:4

Izihlalo zobukhosi ezingamatshumi amabili lane zazihanqe lesosihlalo sobukhosi; phezu kwazo kwakuhlezi abadala abangamatshumi amabili lane bembethe ingubo ezimhlophe, bethwele imiqhele emakhanda abo.

Isambulo 4:9

Kuthi lapho izidalwa eziphilayo zimnika ubukhosi lodumo lokubongwa lowo ohlezi esihlalweni sobukhosi, ophilayo kuze kube nininini,

Isambulo 5:14

Lezidalwa ezine eziphilayo zathi: Ameni. Labadala baziwisela phansi, bakhonza.

Isambulo 5:8

Kuthe seliyithethe incwadi, izidalwa ezine eziphilayo labadala abangamatshumi amabili lane baziwisela phansi phambi kweWundlu, kuyilowo lalowo ephethe ichacho lemiganu yegolide igcwele impepha eyimikhuleko yabangcwele.

Isambulo 7:11

Izithunywa zonke zazimi zihanqe isihlalo sobukhosi labadala lezidalwa ezine eziphilayo, zaziwisela phansi ngobuso phambi kwesihlalo sobukhosi zikhonza uNkulunkulu,