Isambulo 3:9 - iBhayibhili Elingcwele 1978

⁹ Khangela, ngizakwenza labo abesinagoge likaSathane, abathi bangabaJuda kodwa beqamba amanga, beze baguqe ngasezinyaweni zakho; bazakwazi ukuthi lingabantu bami abathandekayo.

IBhayibhili Elingcwele LesiNdebele

⁹ Ngizakwenza labo abangabesinagogu likaSathane, abathi bangamaJuda bona bengayisiwo, kodwa beqamba amanga beze kuwe bawele phansi ngasezinyaweni zakho bavume ukuthi ngikuthandile.

Isambulo 3:9 Mawu Ofanana

U-Esta 8:17

Kuwo wonke amazwe lakuyo yonke imizi okwafinyelela kuyo umthetho wenkosi lesimemezelo sayo kwaba khona ukuthokoza lokujabula kubaJuda, lamadili, losuku lokuphumula. Abantu abanengi belizwe bazibiza ngokuthi bangabaJuda ngenxa yokwesaba abaJuda.

U-Eksodasi 11:8

Zonke lezizinceku zakho zizakuza kimi, zingikhothamele zithi: Phuma wena labo bonke abantu bakho. Emva kwalokho ngizakuphuma. UMose wasephuma kuFaro ethukuthele.

U-Isaya 43:4

Ngoba wena uligugu emehlweni ami, udumile, ngiyakuthanda. Ngiyanika abantu esikhundleni sakho, lezizwe endaweni yokuphila kwakhe.

U-Isaya 45:14

INkosi ithi: Izisebenzi zaseGibithe labathengisi baseEtiyopiya labantu baseSheba bethwele imithwalo bazakuza kuwe, babe yizigqili zakho; bazakukulandela bebotshiwe ngamaketane, bakhothame kuwe besithi: Impela uNkulunkulu uphakathi kwenu, kakho omunye ngaphandle kwakhe.

U-Isaya 49:23

Uzakhuliswa ngamakhosi, lamakhosikazi awo abe ngabalizane bakho. Bazakuwa phambi kwakho, ubuso babo bube semhlabathini, bakhothe uthuli lwezinyawo zakho. Laphoke uzakwazi ukuthi ngiyiNkosi, lokuthi labo abangithembayo kabayikuyangeka.

U-Isaya 60:14

Amadodana abakucindezelayo azakuza kuwe ukukukhonza, labo bonke abakudelelayo bakhothamele ngasenyaweni zakho, bakubize ngokuthi unguMuzi weNkosi, iZiyone loNgcwele kaIsrayeli.

UJohane 17:23

Mina ngikibo, lawe ukimi, ukuze bapheleliswe babe munye, ukuba umhlaba wazi ukuthi nguwe ongithumileyo, lokuthi ubathandile bona, njengalokhu ungithandile mina.

Isambulo 2:9

Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.

1 USamuyeli 2:36

Kuzakuthi bonke abaseleyo endlini yakho beze bakhothame kuye ukucela uhlamvu lwesiliva lesinkwa, bathi: Ake ungibeke kwesinye sezikhundla zompristi ukuze ngizuze ucezu lwesinkwa.